Pobuter Roma so si bizo dokumentia dživdinen ki butdženengiri familia thaj si ekstremnmo čorole.

Acvri si taro sasoitno dživdipa bizo dokumentia thaj arakhen pe an o buteder bariere sar so si sastipa, sociala, edukacia.

Akala "fantomia" bizo dokumentia nane raritetmo thaj maškar Makedonikane Roma. " Kana roden khanči tari them. Olende nane ki nisavi dokumentacia thaj sistemo. Numa kana ka keren nesavo bilačho akti thaj nalegalno olenge isi momentalno phanlipa" ironijaja notirinena o Roma.

I American Hospital tari Tirana, Albania kergja reakcia dži ko makedonikane mediumia so dengje i informacia kaj i d-r Vjolca Mbiara kotor taro plo bukjarno aktiviteto sine la an o odova hospitalo. 

A so American Hospital  i d-r Mbiara nikana na kerel sine buti an o akava amerikakoro hospitalo an i Tirana thaj notirinena kaj seriozno peravena o respekto  olengere kompaniake an o regiono.

Pali akaja reakcia tari Amerikansko hospitalo an i Tirana anel pe dži ko pučiba ko čače kerel buti an i poliklinika ko Šuto Orizari  sar ginekologo , soske olakoro agjaar notirimo "bukjarno džanlipa" sine akcentirime sar jekh taro ošerutne adutia so sine prezentirime kana startujngja bukjaja an o Šuto Orizari kote na sine ginekologo lungo vakti.

„Avava tari Albania kote so agorkergjum o studie an o Medicinakoro fakulteto an i Tirana, startea taro 2000 berš, thaj agorkergjum an o 2006 berš. Kana agorkergjum e medicinakere studie sine man duj beršengiri praktika an i themakiri klinika an i Tirana  thaj odova an o periodo taro duj berša ( 2006.-2008. berš).