Palo buteder berša čučo than an i ordinacia tari ginekologia an i komuna Šuto Orizari, alo vakti kote so adaja ilustracia si trampimi thaj ko adava than si andi doktorka Vjolce Mbira.

Vjolce Mbira si jek a jek matično ginekologo e Romane dzuvlenge tari Komuna Šuto Orizari, kova so šaj del uputia thaj javera medicinakere medikamentia phanle ginekologijaja.

Tari dzuvlani inicijativa taro Šuto Orizari vakerena  kaj ola si pobuter avrik ko teren thaj dikena dzi akana sikavdo interes taro Romane dzuvla thaj o dizutne si čale taro dikhibe e doktorkakoro, thaj pakjana kaj akava problemi si phanlo , sukcesivno faisalkeribaja.

„O numero dzi akana bašo tikno periodi , taro avipa e doktorkake vizitiringe maj hari 100 pacientia thaj kerge ple ginekološko kontrole“, vakerela amenge tari dzuvlani inicijativa ko Šuto Orizari , Salija Bekir Halim.

Taro 25 septemvri startujnena o kampanje e 6-to ko niče lokalno alusariba so ka ikeren pe an o 15 oktomvri. Lista taro kandidatia dizjakoro šerutne thaj lista konsiliaria si aplicirime 19 partie thaj koalicie a ko jekh ka oven thaj 64 biathinale kandidatia.

O hangiba ka implementirinel pe ko 3.480 alusaribaskere thana an o 80 komune thaj i Diz Skopje. E partiakere karavania ko avutne biš divesa ka oven an i them te resen i pativ taro elektorati thaj te keren rezultatia pozitivno olenge.

Jekh dive angleder o starti tari kampanja o kandidatia e dizjakere šerutne čhivgje signatiura ko kodesko bašo fer thaj demokratsko alusariba kote dena obligacie kaj nane te keren nisave presie upral o bukjarnbe an i themakiri administracia thaj kompanie so si telel themakoro kapitali.