Šutka NEWS

Thabilo kher ko Šuto Orizari

Avdive 09.01 paše ko 10 o saati javinate majpakjavutne taro defkti ko elektrikano šporeti saste thabilo familiarno kehr ko drom Pelagonia 55 ki mahala Šuto orizari. Mujaljagakere ekipe taro Skopje ple vordonencar iklile ko teren thaj lokaliziringje i jag thaj čhinavgje olakoro buvljaripa, numa o kher so sine astardo thabilo dži o temeli. Ko momenti tari bari jag ko kher sine 7 džene tari familia so resle te evakuirinen pe numa bibahtake našti sine te ikaven taro kher o membel thaj aver šea.

Citește mai departe...

CIVIL: Dži kana o Romane džuvlja tari Šutka ka udžaren ginekologo?

O bilovengoro PAP testi, bilovengere kontrole e khamne džuvlenge, ničale patronažno vizite thaj avipa dži ko matično ginekologo, si panda na reslo niami thaj dendo lafi taro makedonikano Govermento bašo 8.000 romnja taro Šuto Orizari.

O protesto so ikergja pe anglal i ambulanta tari Šuto Orizari , o džuvlja tari akaja komuna leplivo trakencar ko muja thaj transparentia an o vasta , palem dengje o pučiba: soske o komoditeti so isi e aver džuvlenge an i them, nane e žuvlenge taro Šuto Orizari?

Citește mai departe...

An o Šuto Orizari 8.000 džuvlja ko reproduktivno periodi panda nae len ginekologo

O konsekvence so si ande an o 2014 berš, a revidirime an o noemvri 2015 berš kote trubul sine te ovel ginekologo te avel jekh drom an o kurko, thaj taro akana sig trin droma an o kurko, sikaven pe sar naefektno. O džuvlja so arakhen pe ko reproduktivno periodi tari komuna Šuto Orizari si bare. Nanipa taro matično ginekologo iranel bilačhi sastipaskiri protektiva, nanipaja ki ničali kontrola, navakteskiri kontrola seriozno čhivel ko riziko e džuvlen, thaj ko jekh e daen thaj e tikne beben.

O romanja taro Šuto orizari roden antvorto thaj džovaplipa thaj konsekevnce baši implementacia an i praktika taro ministeri sastipaske.

Citește mai departe...

Panda si kritično ko duj ratavrde ki bari jag an i Šutka

Ki bari jag so idž erati ko rakjakere saatia so sine ko khera taro 10 dženengiri familia an o Šuto Orizari si phare ratvarde duj murđa taro 32 thaj 34 berša, ki mangin te kurtalinen averen bidžanlipaskoro kaj i familia nane khere, resle phare ratvarina thariba thaj o duj murša si ki phare dživdipaskoro riziko, thaj si čhivde an o aparatia ko hospitali Sv. Naum Ohridski an o Skopje. Aktivitetia baši sanacia thaj dejbe arka startujngje thaj o politikane subjektia. O Konsili e Komunake Š.Orizari angja decizia te del lovengiri arka akale familienge, thaj ko Jjekh o deputati Amdi Bajram, thaj dizjakoro šerutno e komunake Elvis Bajram, sine le dikhiba e dizjakere šerutnea tari diz Skopje, thaj angje decizia i diz Skopje thaj o Koce Trajanovski hulaven love bašo arka e familiake Riza.

Citește mai departe...
FaLang translation system by Faboba

Mangava te vakerav

Momentalno Online

       Isi 91 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali