Muzika

Niš: O festivalo e romane muzikake „Me sem Šaban“ an o 7-8 juni an o nilaeskoro stejdži

Diferencijaja taro persi berš kana ikergja pe ko amfietatar an o kej ko Niš akava berš i programa ka realizirinel pe an i nilaeskoro stejdžo tari Tvrdina ko Niš thaj ko Niško kulturakoro centro.

Ko jekhto festivalsko dive planirimi si tribina an i tema i muzika sar amaneti so mukhlja o romano thagar o Šaban Bajramović thaj bašajbe taro orkestar Crne mambe thaj o Nebojša Saitović sar jekh taro inicijatoria akale festivaleske.

O oficialno anava e festivaleskoro si „ World and Gipsy music festival„ Pire specifično repertoarea kheden baro numero publika.

O festivali oficialno ka ovel phravdo taro trubači Nebojša Sejdić, unuko taro pendžarutno Feat Sejdić. Ko jekh than ka len o orkestar "Apsolutno romantično" taro Novi Sad so beršencar napalala bašavena e pendžarutne naktautorea o Džordže Balašević , a avgo drom ka bašaven anglal i niško publika.

O organizatori e festivaleskoro si Federacia e romane elementarno, srednistia thaj studentoa (FROS) thaj o Niško kulturno centro , a o karte si bilovengoro.

O Zidari tari Makedonia Bejhan Ramov giljajbaja "mudargja" an i emisia "Nikad nije kasno"

O Bejhan Ramov si hiti an i muzičko emisia "Nikad nije kasno". Ki agorutni emisia ov phergja piro suno te giljavel anglal oleskoro idoli o Šerif Konjevič.

„Dikhe li ko si ko žiri?" pučlja le i voditelka i Dragana Katič, kote so o Bejhan kana dikhlja vakergja "Oja ov si mi duša"

Odoleske o Šerif Konjević vakergja: "Ov sasto so mange miri muzika. Dava tut lafi kaj ko avutnipa ka dav tut suporto" a i publika aplauzea dengja ovacie.

Ki akaja emisia o Bejhan giljavgja i gili taro Šaban Šaulić "Pozano bih te među hiljadu žena"

O Šerif pali giljavdi gili prokomentiringja " Mora te ovav iskreno" Udžargjum but pobut olestar numa sine le erat bari trema". Numa i gili giljavgja bare iloja thaj si perfektno vokalisti"
O Bejhan ko odova vakergja: " Me na sium profesionalco, soske me sium samo zidari"

Ko revialno kotor tari emisia o Bejhan barabutne e Šerif Konjevičea ko dueti giljavgja i gili taro Šerif " Nije taj čovek za tebe"

„Mange sdine super" Giljavel sine aver čhane" vakergja o Šerif konjevič pali giljavdi gili ko dueti. "O Šerif Konjević si jekh em jekhutno" konstatiringja o Bejhan so na garavel sine i baht so sine le šajdipa te giljavel barabutne pire idolea.

O Džoni Dip formringja piro romani ilo an i Romania ko vakti kana dikhlja pe pire amalencar Romane muzičaria

O Džoni Dip ko vakti avrial tari piri turnea arakhlja vakti tari piri turnea e holivudsko vampirencar te šaj mukhel pe ki hor romani kultura.

O Dip so sine an i vizita e "Drakula zamoko" uče an o Transalvanisko plaina e Tim Bartonea thaj o bendi taro Alis Kuper kote sine le dikhiba romane muzičarencar o Ionita thaj Viorika Din Klijani thaj olengiri čhaj o vokali Margerita.

I familia si taro gav Klejani 2 km taro Bukurešt thaj si legarutne persone an i romani muzikakiri scena.
O Ionita si ko jekh purano amal e Džoniske so sine pire romane bendoa Taraf de Haiduk an o filmi taro 2000 berš , " Manuš so rovela sine" kote bašavela sine harmonika an i scena e Kristina Riči.

O Dep dela pe godi kana ov reslja ko avgo dive taro seti e filmoske thaj vakergja kaj o bendi bašaven sine kana ov reslja. Ov vakerel kaj odova momenti sine leske but lačho thaj taro odova momento ov zamanglja i romani muzika thaj thavdingja majodoriga te promovirinel i romani muzika, kote sikavgja pe ko nekobor dokumentarno filmia , sar so si o filmi taro 2006 berš an o dokumentarco "Kana o drumo bangjola"

Link: https://www.yahoo.com/entertainment/johnny-depp-embraces-gypsy-heart-220157182.html?soc_src=social-sh&soc_trk=fb&fbclid=IwAR2rPt6VrcQujo6bRmLURJy0Br_41XKzHgdnC9RibBcIk_Bxy8gic6x3Goo

Tehemana Lazar, jekhutno trubači džuvli an i them

Tehemana Lazar (44), si jekhutni džuvli - trubači an i Makedonia.

Taro tikne berša but interesirinelman sine akava instrumenti thaj normalno sar sako tikno čhavo mangljum te probinav te bašavav le. Kana probingjum, ikljola sine toni so si but čudno jekhe čhajake. Počmingjum te džav ki teluni muzikakiri škola.

Savore pučenaman sine so kamav te bašavav , a me vakerav sine "truba". Sako instrumenti si phar, thaj našti vakerav kaj na sine man problemi. Trubul but praktika e instrumentea so šaj majbuter. Džuvli te lel truba thaj te bašavel odova hari maškar amare manuša si but napendžardo fenomeni. Na dikhel pe odova sako dive.

Me sium persona so trubul te sikavel e Romen , i romani kultura, muzika, i čhib. Persona so del sasti ilustracia e Romenge.

Kerava buti ko duj thana. Sikavav e čhaven romani čhib ki škola "Brakja Ramiz thaj Hamid" ki Šutka a dujto bukjarno than si mange sar profesori muzikake. Sikavav vokali, solfež thaj truba. Odova si organizacija jali škola so legarel anava "Roma Rock school" . Odothe na sikljovaja salde romani muzika, numa sikljovaja thaj aver forme muzika" vakerel i Tehemana.

FaLang translation system by Faboba

Mangava te vakerav

Momentalno Online

       Isi 138 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali