Muzika

E Rokiske tari Šutka kergja po suno te giljavel ko "Nikad nije kasno" , a o komentari tari Prijovič ka pamtinel ole.

Sar sako sezona agjaar akaja da i Makedonia ka ovel le piro kandidati em reginalno ka keren te resen ko finale ili te legaren i viktoria.

Ki prvo emisija ko šou giljabaske "Nikad nije kasno"c leja thaj em o 60 beršengoro Selim Rufat Roki taro Skopje odonosno Šuto Orizari.

O Roki lungo vakti si ki romani giljajbaskirir estrada , ama pobuvelste ake mangel te iskoristinel akaja šansa te šaj kerel pobari kariera prekal akava šou.

O Roki vakergja kaj manglja te ovel bari čeren ama taro finasisko aspekti našti sine te kerel pamda pobari kariera,

O komentaria bašo oleskoro giljajbe sine but pozitivnio. "Akaja gili giljavel pe agjaar , Fenomenalno em bizi greška" vakergja i Prijović pali giljavdi gili taro Šaban Šaulić.

Sar giljavgja o Roki šaj te dikhen ko video tele ko 18: 09.

Youtube:

.be&t=1078" target="_blank" rel="noopener noreferrer">
.be&t=1078

Premierno ko Vladičin Han muzikakoro festivali "Boban Fest"

E trubakoro majstori o Boban Marković so si biame ko Vladičin Han akava berš avgo drom organizirinela Muzikakoro festivali " Boban Fest" so ka ovel ko 28 avgust ko SRC "Kunjak"

O organizatori e festivaleskoro i Asociacia " So arakhena i truba taro Boban Marković" , a pokroviteli si i komuna Vladičin Han.

„Pali inicijativa taro Boban Marković so ki muzičko kariera si paše 30 berša mangljam te organizirina festivali lumiakere muzikake.
I mangin taro Bobani sine kaj piro džanlipa thaj kontaktoa te kerel o festivali so šaj oleskiri biandi diz ki Srbia te anel pire kolegia muzičaria sar tari Srbia em tari sasti Europa. E festivale si le ambicie te ovel tradicionalno te buvljarel o aktivitetia ko muzikakere aktivno debate " akcentirinena tari Asociacia So arakhena i truba taro Boban Marković"

I fu davutni misia e festivaleske si e publikake taro akava regioni e Srbiakoro te del pe lenge majkavlitetno muzika an i lumia. I mangin e organizatoreskiri si sa okola so kamen i muzika, i truba o kolegia muzičaria tari Srbia thaj o regioni te aven ki diz e trubakiri ko - Vladičin Han.

Ko pučiba dži ko Boban Marković soske o festivali organizirime si baš ko Vladičin Han ov vakergja:
" Soske akate sium anglal mle, em trujal e lumiakere festivalia em i publika so šunel sine miri muzika, ama o Vladičin Han na trampinav le ni jekhe thaneske ki lumia. Akate si sa okola so si mange importantno ko mlo dživdipa, akate startujngjum em akate mangav te agorkerav miri dživdipaskiri thaj profesionalno paramis" vakergja o Boban Marković.

Django Deluxe - Djovani Vajs

O Djovani Vajs si biame 10 decembro 1980 berš ko Hamburg, Germania thaj si pendžardo jazz gitaristi.

O Vajs so si Sinti a dživdinela ko Hamburg - Vilhelmsburg buteder muzičarencar bašavela gitara taro pire 12 berša.

Barabutne e Koe Reinhard, unuko taro Django Reinhard sar dujto solo gitara , Robert Vajs (ritam gitara) thaj Eferi Vajs (bas),kergje o bendi Django Deluxe . so editringja piro albumi Vilehelmsburg 2012 berš.

O Vajs sine phursarkerdo ko 2013 berš ko Eho Jazz sar "majšukar gitaristi (nacionalno) “.

E dujto albumeske "Paldiba so sine kerdo e NDR Big Band, ov isto agjaar ko 2016 berš reslja eho jazz.

 

Romano bendi taro Saraevo so na mukhel te ovel manuš biemociakoro - Gipsy Band

O saraevsko romano bendi Gipsy Band neve konceptoa so kergje e romane muzikake te ovel palem relevantno aso ki BiH.

Ola si fundirime ko 2015 berš ideaja jekh nevo koncepto tari tradicionalno romani muzika ko Saraevo. Odothe isi profesionalno muzičaria taro BiH.

O saraevsko Gipsy Band si: Muhamed Jusić - bubnjevia, Davor Maraus - timpanke , Kenan Imamović - bas gitara, Mustafa Behman - ritam thaj solo gitara , Meho Radočić - klarinet, Admir Vatreš - harmonika thaj Jasmen Pandžić - vokal.

„Ki desavi forma amen sime so arakhaja i romani muzika ki BiH" vakeren ola.
Olengoro avgo CD isi le deš avthtono romane gilja so si kerde neve aranžmani thaj etno stil primesencar taro Jazz.

Ko olengopro avgo albumi „Esma, Esma“ šaj te šunen pe o gilja sar so si:Tuti Fruti, Phiravel o Mile, Oto Devla adava mangljan, Sajbija, Jasmine, Dok je mene, dok je pjesme, Esma, Esma, Ćerda mile bari škoda, Đelem, Đelem thaj Phirav mange korkoro.

FaLang translation system by Faboba

Mangava te vakerav

TV BTR NACIONAL

Momentalno Online

       Isi 451 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali