NGO Sektori

Neve fascilitatoria thaj ekspertoa angažirime an o pervazia taro Romacted programe

I Romacted programa sikavela lačhe resultatia pali kerdi inicijativa kote o fascilitatoria trujal 11 dizja thaj komune e memboncar taro LAG sine legarde aso lokalno legaripa.

An i akaja faza tari realisacia an o akava programo sine angažirime dopherde panda 4 fascilitatorencar , thaj sakone lokalno legaripaske isi thaj ekspertoa taro buteder fokusoa so ka oven angažirime an i realizacia ko prioritetoa e romane jekhinake an o odola dizja.

I kultura an o pobuter dizja ko fokuso so si pendžarde tari rig e romane jekhinake sar segmenti thaj kerel pe but hari, thaj trubul te formirinel pe kulturakere centroa so ka oven o thana kote i romani jekhin ka sikavel piro identiteti, kultura, čhib.

Link:

ERIO Kampanja "Amen sem Roma"

E Europakoro Ofiso vash informacie e Romenge (ERIO) realiziringja kampanja taro socialno mediumia "Amen sem Roma" . An o pervazia e Europakere beršeske taro kulturakoro darhinalipa an o 2018 berš i kampanja sine la targeto te kerel maripa mujal i diskriminacia so arakhen pe o Roma sar konsekevnca tari segregacia thaj stereotipoa so o naRoma si len mujal e Romani kultura. Trujal odova sine la resarin an i promocia e Romane kulturake thaj identiteo.

Te šaj dikhen pe o materialia tari i kampanja visitkkeren olengiri web rig: www.erionet.eu/campaign-we-are-roma. An o jekh šaj te dikhen thaj o haštagoa tari kampanja #WeAreRoma, #ProudAndRoma thaj #WeHaveTheRight.
 
I video kampanja vazdel i gind bašo o barvalipa e romane kulturake thaj o identiteto. O Roma si an i Europa pelberšencar napalal so angje but e europakere kulturake prekal muzika, khelibam, arti thaj literatura.

Numa o avera na resle te prependžaren la. Importantno si kaj i romani kultura te ovel an o jekh a jekh nivelo avere kulturencar thaj kotor tari jekh barvali europakiri thaj lumiakiri kultura.

Akava si but importantno an o konteksti natolerancia, i diskriminacia thaj anti romani hoš so si panda zorale sakote.

NRC organiziringje finalno konferencia anavkerdi sar "Bizi diferenca"

An o 19 akava masek an o Holidej In an o Skopje o NRC taro Kumanovo sine organizatori e finalno konferenciake taro proekto " Čhinaviba diskriminacia mujal o romane čhave" anavkerdi sar "Bizi Diferenca"

Ki finalno konferencia anglal o persone so lele than piro lafikeriba thaj diskusia sine e Ministere bizo resoro an o Makedoniakoro Govermento o Bajram Muzafer, o vicepresidento an o Nacionalno Obdusmano Vaska Bajramovska -Mustafa, o Direktoro taro Ofiso bašo bianipaskere dokumentoa Dardišta Bujar thaj o proekt menadžeri tari Delegacia taro EU an o Skopje o Nafi Saračini.

I konferencia džala sine ko nekobor sesie tematsko thaj konkretno presentacie thaj olakere resultatia a ko jekh sine sikavdo dokumentarno filmi.

O Proekto si realisirime tari rig e Nacionalno Romane Centroske - NRC, suportoa taro Fondi tari Europakiri Unia thaj aver suportoria an o proekto so si anavkerdo sar " Čhinaviba i diskriminacia mujal o Romane čhave".

Čakovec, Hrvatska: Bukajrno khedipa bašo Roma - ikerdo bizo Roma

An i Muegjumurska župania an o 24 januari akava berš ikergja pe dikhiba e ministeri baši demografia, familia, terne thaj socialno politika i Nada Murganić thaj o vice.ministeri Maja Knežević Vučinić.

Šerutni tema akale dikhibaske sine i bilačhi situacia taro siguriteti ko standardno problemia ko nanamensko istemalkeriba o sicialno love. Trujal so an o akava dikhiba kergja pe lafi thaj tema sine o Roma, na sine ni jekh Rom akhardo ko akava dikhiba kote o teme si importantno e romane jekhinake.

O membro e komunakere parlamentoske an o Megjumurie , Matijaš Oršuš so si thaj membro an o Ofiso baši prevencia , komentiringja o apel taro dizjakoro šerutno kaj "trubula te rezonirinel pe te šaj te mukhel pe so majbaro numero romane familie so rodena te del pe lenge lokacie kherenge ko depopularizirime regionai an i Hrvatska , a so si telal themakere ingerencie" thaj odoja situacia si ilustririmi sar čhudabi ko faisali aakale problemoske ko hairi e županiake thaj e romane jekhinake.

“An i tumari idea te dislocirinen e Romen ko depopularizirime regionia an i Hrvatska dikhav len sar ksenofobia thaj dar kaj i romani jekhin ko paše avutnipa ko alusariba ka den piri vota vice dizjakoro šerutno tumare partiatar, ko than taro pire manuša tari romani jekhin an o Medžumurie.

Link: http://www.romskiportal.com/2019/01/28/radni-sastanak-o-romima-bez-roma/?fbclid=IwAR03E4FGR5xB9vlpum-j-eGLZtLOw80KivEoV7XZnBgt2YrdqSw_V0mxjBM

 

FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali