Sar kotor taro proekti "Mapiriba ko diferencie ko kherutnipa e Rpmenge " finansirime tari EU aso konceptio si thaj promocia e dokumentarno filmeske thaj kerdi analiza.

O starti e promociake sine taro komume Kočani thaj Štip.
Em ko duj komune o intereso sine baro . Piro than an i promocia thaj analiza sine lokalno leharipaske ki komuna o legarutne taro JP o romano NGO sektoro thaj Roma dizutne taro romane mahale Ko Kočani thaj ko Štip.
Pali kerdi promocia e dokumentarvoske thaj e analizake sine kerde diskusie ko odola teme thaj punktia, thaj sine notirime aver da problemoa thaj o avutne planoa taro korkoro komune.
I promocia džala majodoriga thaj avutne komune si i Veles thaj o Kumanovo.

Ki komuna Kičevo premal o romano NGO isi paše 2.000 Roma. O thana kaj so dživdinena prekal o informacie taro romano aktivisti Nevzat Mamudoski thaj o Senat Ibraimovski tari NGO Romano networko - Kičevo ko athinalipa taro plan thaj programe an i koleracia e infrastrukturaja ko romane mahale ki komuna Kičevo - šaj si relativno šukare.

I legalizacia ko nalegalno kerde khera džala thaj bizo desave bare problemia nane notirime. Trujal odova udžarel pe legalizacia te ovel majbare tempoja.

Jekh taro o problemia so arakhen pe o Roma ki konekcia e legalizaciajaj ko imotno listia isi pobuter gazdia , thaj našti te resen signature taro odola gazdia.

Numa o korkore pučle Roma ola vakerena kaj si len diferentno problemia . Ko drom " Prilepska" nane asfalti, nane pani but, thaj ko disave khera em struja.

Konkluzia si kaj i komuna šaj kerel panda majbari komunikacia e romane populacijaja ko faisalia e problemenge so ikljona.