NGO Sektori

ZRDICM kergja zori te implementirinel pe panda jekh profesia "Pedagoško asistento"

Lungoberšengiri idea tari Asociacia Romano Biznis Informativno Centro an i Makedonia - ZRDICM definitivno ulo realiteto. Akala divesa tari rig e Ministeriumeske baši sociala resalja oficialno Propozalo bašo standard profesia anavkerdi sar „Pedagoško asistento„

O propozalo sine aplicirime taro Ministeriumi baši edukacia , a upral pozitivno gind taro Konsilo baši profesionalno edukaci thaj praktika. I diploma šaj te lel pe an o Centroa profesionalno edukaciake thaj praktika an i them.

I idesa si kerdi tari rig e ZRDICM. Akava si dujto an o niče inicirimi standardno profesia , kote anglutne sine kerdi bašo "Reciklatori"so sine implementirime pali kerdi inicijativa tari akaja organizacia.

I profesia " Pedagoško asistentno" ka ovel ole obligacia te kerel buti sar pedagogo so ka del suporto e čhavenge an o sikljojbe e edukaciakere materialeske ki kategoria čhave so si len pharipa an o sikljoviba -edukacia resarinaja majsukcesiale te sikljon o materiali thaj te opservirinen i edukacia thaj majučo sukcesoi an i edukacia.

Akana ka džal pe an i dujto faza, te arakhel pe Centro kote ka kerel pe akaja edukacia thaj alusar edukaciakoro kadar so ka kerel i praktika thaj edukacia akale avutne "Pedagoško asistentia" so majodorig ka len Diploma -Sertifikato akale profesiake.

 

Ni love, ni proektoa na irangje o dživdipa e Romengoro

Bašo 20 berša thaj jekh intenzivno Romani Dekada an o dživdipa e Romengoro na irangje faktički khanči.

„Anglal sa sar šeurtno prioriteti si o kherutnipa soske but e familien nane len khera. Palo odova si i buti sar baro problemi so isi ko Romas" vakerena taro NGO sektori.

Sa akava , o Roma majodoriga si an o margine e sasoitnipaskoro:
„Te tiknjarel pe i diferenca maškar o Roma thaj o avera dizutne so arakhen pe diskriminacijaja thaj o najekh tretmano an o institucie thaj te ova jekh a jekh tretmanoa an o amaro sasoitnipa" vakergja o Erola Ademov presidento an o Multietnikano sasoitnipa manušikane niamenge.

Te chidel pe tari muli nukta akanaske isi salde an i edukacia.
" Phare si te udžarel pe kaj o problemi bašo 10-15 berša ko kotor tari edukacia ka ovel baro numero Roma uče edukacijaja " vakeren o ekspertoa tari purabali Makedonia.

Ko purabalo regioni dživdinen maškar 35-40.000 Roma. Olendar 55% si bibukjakere , so si duj droma upral o proseko taro bibukjakoro so si 27 procentia taro sasublimato persone so šaj te keren buti. Sa akava sine notirime ko utsavalkeriba e Internacionalno dive e Romengoro.

 

Internacionalno Romani džuvlengoro netvorko IRWN-Phenjalipe

8 April - internacionalno romano netvorko IRWIN-Phenjalipe avela bahtarin sa e romane membronge thaj membronge tari Romane jekhin an o Internacionalno Romano dive.

Ola pakjana kote i diferentno i kultura thaj tradicia šaj te barvakerel pe o sasoitnipa ko jekh vakti kerel majbut tolerantno thaj inkluzivno . Ko jekh si notirime kaj asavko dive isi šajdipa an i refleksia e problemonge so arakhen pe i romani jekhin, majbut o romane džuvlja thaj čhave.

O athinalipa o Pharipa thaj arakhiba lungovakteskere faisalia prekal kerdo aktivitetio maškar sa okola džovaplipa test taro džanlipa an o sasoitnipa , socialno inkluzia ko sa o diskriminirime thaj teleperavdi kategoria manuša thaj promocia e edukaciake . kulturake thaj jekhipa an o пdiferentno so moldinel pe sako manuš thaj dela šajdipa bizi diskriminacia!

Kama tumenge bahtale baredivesa lačho dživdipa bizi diskriminacia. Te oven bahtale

Respektoa
The International Roma Women Network IRWN-Phenjalipe

 

O Premieri Zaev taro NRC Kumanovo reslja athinalipa bašo oleskoro aktiviteto ko tromalipa, lačhipa thaj integracia e Romenge

O Presidento an o makedoniakoro Govermento tari Utarali Makedonia o Zoran Zaev, sine le dikhiba e delegacijaja tari Asociacia Nacionalno Romano Centro - NRC - Kumanovo kaskoro presidento o Ašmet Elezovski e premiereske Zaev dengja le Athinalipa bašo oleskoro aktiviteto ko tromalipa, lačhipa thaj integracia e Romenge thaj sa e aver nacienge an i them.

Ko dikhiba so sine ki Utsavali sala e Govermenetske tari Republika Utarali Makedonia o membria taro NRC ko ple prezentacie zapendžargje e premiere Zaev pire bukjaja thaj programsko targetia notacijaja kaj keren buti ko lačhariba o niamia na salde e Romenge numa savorenge taro diferentno socialno klasar thaj etnikani struktura, thaj majbut an o marginalizirime thaj socialna kategoria.

„Akava dive -8 April - Internacionalno Romano dive si lačho šajdipa te vakera Naiskerin bašo sa so kergjan e čhavenge , džuvlenge thaj saste sa e Romenge te lačharel pe olengoro kvaliteto dživdipaske thaj avere dizutnenge , soske Tumaro aktivizmi si čačutno barvalipa thaj suporto so kerel o Govermento" vakergja o premieri Zaev bahtarinaja o dove thaj potencirime kaj ko anav taro Govermento sa e dizutnenge sikavel baro naiskeriba sebepi o aktivizmi taro NGO sektori,pakjivaja kaj o Govermento dopherde ka motivirinel o majodorigutno aktiviteto.
O Premieri zaev notiringja kaj o Govermenti kerel buti aso socialno aspekti te lačharel i infrastruktura šartia edukaciake, buti thaj aver e romane populaciake.

„Čačutne si amari mangin te kera o sasoitnipa than savorenge e dizutnenge" vakergja o Zaev, notacijaja kaj i Utarali Republika Makedonia kerel šartia dživdipaske so si sar perspektiva jekhe themake so kamel te khuvel an i Europakiri Unia.

Deibaja e presidenteske taro Govermento e Republika Utarali Makedonia o athinalipa bašo kerdo sukcesialo kativiteto an o sasoitnipa o direktori Elezovski thaj o Presidento e šerutne ofisoske taro NRC Nada Stojmenova akcentiringje kaj o Nacionalno Romano Centro ka kerel majodoriga piri misia ko faisalkeriba sa e problemenge tari majteluni kategoria dizutne so trubul sar socialnom, sastipaskiri thaj krisekoro suporto resarinaja te keren pire socialno inkluzia thaj konektiriba an i niamia savorenge.

FaLang translation system by Faboba

Mangava te vakerav

Momentalno Online

       Isi 138 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali