NGO Sektori

Pali seria incidentia an o štipsko drom "Panče Karagjozov" reagiringje o romane organizacie

Pali seria incidentia ko štipsko drom "Panče Karagjozov" prekal i TV Star havljargje pe o representia taro desave romane organizacie.

„Akava si izolirimo akti. O sadživdipa maškar o roma thaj o makedoncia trubul te džal majanglal" vakergja o Erol Ademov tari Asociacia "Multukulturakiri kolaboracia".

“I reakcia taro manuša taro akava drom si legalno thaj akale incidentenge trubul te čhavel pe agor. Amen dživdingjam thaj trubul palem te dživdina barabutne" si o stavi tari Enise Demirova tari Asociacia "Čerenja".
So ka keren o Romane organizacie akale aktenge?
„Trubul te organizirina amen dejbaja konsiliaro, mitingo e dizutnencar, numa konkluzno si i policia te čhivel pire manušen sakote kote isi asavke incidentia" vakerel o Ademov.
Aver rigatar trujal revoltirime taro akala aktia, o dizutne taro akava drom thaj aver droma an o Štipa kategorično vakerena kaj deceniencar napalal  problemia pe komšiencar e Romencar na sine len.
„Akala si idndividualcia. Amen barilem e Romencar thaj respektirina amen. Akava so akana so ulo kergje la grupa kriminalcia li si, narkomania li si nadžanav so si" vakerel o Marjan Stojčev, dizutno taro drom "Panče Karagjozov"
O problemo aso olende si kana iklile desave Romane grupe kastar nane len ni tromali rakj ni tromalo dive.
„Ola keren atako thaj ko romane khera. Majpakjavutne odova kerel jekh grupa. Amen na siem tromale olendar" vakergja i Demirova.
„Khere palo udara garavaja tovera, šipke te šaj arakha amen" vakergja o Stojčev.
Tari piri rig energićno thaj urgentno piro kotor tari buti agorkerel i policia. Telal majzorali kontrola nane te ovel salde o drom "Panče Karagjozov" numa em aver droma an o Štip kote trubul majbari akcepcia tari policiakiri rig.
Ka ovel li lačheste kaj an o akava droma thaj ko aver droma an o Štip ka šaj te iranel pe o tromalipa nane nisavi garancia , numa fakti si kaj kerel pe lafi baši grupa thaj individue kote na tromal te ovel asavko kriminalno džiakanutno legaripa.
Bahtake si so ko agorutno incidenti idžerati nane phare ratvarde trujal so i rakj sine prastajbe , paldibe thaj mariba toverencar.

Link: https://televizijastar.com/2019/01/15/%D0%BF%D0%BE

Youtube:

 

Nevo Ofiso taro Romano Konsilo an o London

An o savato ko nevo ofiso an o Romano Konsilo (sar mobilno ofiso, sa dži kote na kerel pe nevo ofiso - objekto) . Ko periodi taro minimiziriba thaj restruktuacia . o Romano Konsilo iranel pe ko plo aktiviteto sar NGO limintirime garancijaja, soske sine telel o legaripa taro Charli Smith.

O štar inicijatoria si o Valdemar Kalinin, Roger Lee, Joseph Jones thaj Alan Penny , thaj alusardo si komiteto so ka kerel buti an i politika.
Odova komiteto nane te ovel NGO te šaj ma te arakhel pe politikane limitirime . O Valdemar Kalinin mukhlja i funkcia presidento , palo 5 berša numa ačhola sar dikrektori thaj membro an i Komisia.

Nevo presidento si alusardo o Roger Lee, Vice presidento si o Josef Jones , dujto vice presidento si Virgil Bitu, kasiero / sekretaro ačhilo o Khuram Khan. Ko jekh an o Komiteto si o Margy thaj Alan Penny, Verandra Rishi (eskuzitivno presidento), Grattan Puxon thaj o Thomas Acton. Ola si alusarde ko štar beršengoro mandato , thaj ko akava mandato šaj te aven aver da membrora.

Akaja grupa ka džal majodorig an o lobi an o plano thaj edukacia , thaj ka lel direktno aktiviteto an i akomodacia prekal o Romano Konsilo.

An o mitingo sine zojrakerdo o suporto an o principoa tari Demokrtasko Tranzicia an o internacionalno nivelo thaj representia e Romenge thaj Travelsia e Memorialno plano vash o Holokausto an i Britania.

Koordinativno mitingo maškar o ministeri bizo resor Aksel Ahmedovski thaj o romano NGO sektori

An o 18 juni an i pervazia ko thavdipa koorelacia an i implementacia e Strategiake e Romenge 2014 -2020 olakoro koordinatori i ministeri bizo resoro Aksel Ahmedovski ikergja koordinativno mitingo e aktivistetencar taro romano NGO sektoro.

Ko dikhiba sine prezentirime o relizirime aktivitetia thaj aktivitetia so si an o avutno periodoi, thaj si an i implementacia e Strategiake e Romenge an i RM 2014 -2020 berš sar Akciono nacionalno plania an o kherutnipa, edukacia, buti, sastipa thaj zojrakeriba e situaciake tari Romani džuvli.

Citește mai departe...

Startujngja i realizacia e proekteske " Identifikacia e personenge bizo bianipaskoro sertifikato taro matično lila taro Čairi thaj Topaana"

Taro persi masek an i teritoria e komunake Čair startujngja pe i realizacia e proekteske anavkerdo sar : Identifikacia e personenge bizo dokumenti taro matično lil bianipaske so si biame an i Topaana thaj Čair.

Šerutni resarin e proekteske si jekh taro majbaer problemia so arakhen pei Romani populacia: nanipa lil matično bianipaske, so sikavel pe našajdapi te ikeren pire niamia tari sociala thaj sastipe so dela i them.

O proekti si implementirime tari rig e ZEUR an o pervazia bašo sub grant tari rig e proekteske " Avri tari rota - nadikhle an o sasoitnipa" (implementirime tari rig e InSoK - Skopje, REC Ambrela - Skopje, Mesečina - Gostivar. thaj ZPR Štip)" thaj si finansirime tari Europakiri Unia.

Citește mai departe...
FaLang translation system by Faboba

Mangava te vakerav

Momentalno Online

       Isi 376 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali