NGO Sektori

Ko Kičevo i kolaboracia ki relacia Komuna - Romano NGO si lačhe numa šaj majlačhe

Ki komuna Kičevo premal o romano NGO isi paše 2.000 Roma. O thana kaj so dživdinena prekal o informacie taro romano aktivisti Nevzat Mamudoski thaj o Senat Ibraimovski tari NGO Romano networko - Kičevo ko athinalipa taro plan thaj programe an i koleracia e infrastrukturaja ko romane mahale ki komuna Kičevo - šaj si relativno šukare.

I legalizacia ko nalegalno kerde khera džala thaj bizo desave bare problemia nane notirime. Trujal odova udžarel pe legalizacia te ovel majbare tempoja.

Jekh taro o problemia so arakhen pe o Roma ki konekcia e legalizaciajaj ko imotno listia isi pobuter gazdia , thaj našti te resen signature taro odola gazdia.

Numa o korkore pučle Roma ola vakerena kaj si len diferentno problemia . Ko drom " Prilepska" nane asfalti, nane pani but, thaj ko disave khera em struja.

Konkluzia si kaj i komuna šaj kerel panda majbari komunikacia e romane populacijaja ko faisalia e problemenge so ikljona.

 

O Roma taro Montenegro rodena majbaro siguriteti thaj majlačhi integracia

O duj romane NGO an o Montenegro bičhavge informacia dži ko mediumia rodibaja suportho.
I NGO "Romani akcia" prekal o PR Rozana Božović thaj i NGO" O Roma taro Utar" kote presidento si Zineta Selimović, vakergje kaj o tahtaj alo dži upre panjea aso e trafikoskiri bibaht kote ratvardi sine jekh 10 beršengiri romani čhaj tari bjelopolsko romani mahala Rakonje.

Premal olengere lafia akava incidenti jite i čhaj reslja ratvarina džangavgja i memoria ko buteder asavke trafiksokere bibahta ko akava magistralno drumo so buteder olendar sine em tragično - meribaja thaj akale mahalake si baro riziko.

– O riziko nane salde e čhavenge numa sa e Romenge so dživdinen trujal akava frekfentno magistralno drumo" vakeren i Božović thaj Selimović.

 

Niš: Sebepi rebalansi nane te keren pe khera e Romenge

E dizjakiri kasa taro Niš si ko minus 300 milje eura thaj o rebalans si kerdo karanaja so nane te keren pe o planirime khera e Romenge ko Stočno pazari thaj nadžanel pe ka kerel pe li o duvar ko niško kale bašo 2019 berš

O Rebalansi akceptiringja e dizjakoro Konsilo ko Niš thaj o budžeti si paše 5 milionia eura. Taro konsilo vakeren kaj i Kasa e dizjake ko Niš si ko minus 300 milja eura.

Trujal o bajraripa e budžetoske sine em minimizirima desave proektonge. Majbaro minimiziriba sine e Ofiso taro lokalno ekonomikano aktiviteti so nane te keren desave proektoa, sar so si o khera e romenge.

Ola vakeren kaj olendar sine rodinde te keren rebalansi em reduciriba ko budžeti akale beršeske em ola kergje le paše 150 milje eura.

 

Introdukcia e proekteske "Romane paramisia" baši oralno historia

 „Romane paramisia" si proekti oralno historiake e Romenge ko Grupa suporto e Romenge. Suportime si taro Fondi alusar ki Hetige thaj keren buti romane historičaria, ekspertoa, membria ko lokalno jekhina , arhivsko ofisia ko London, muzeia, akademsko institucia rodaripaske, arhivacia thaj hulaviba nasakodiveseskere paramisia e romane migrantonge ko London.

Thavdipa e proektea "Romane Paramisa" si dži ko agor ko septemvri, diferentno aspektia rodaripaske thaj arhivacia ki oralno historia, uninen pe te šaj keren presia si agorutno rezultati.

Ko nakhle šov masekoa, agorkergja i implementacia tari dujto rota intervjua trujal saranda membrora ki romani jekjhnin ko London; translatirime thaj prepišime butipa olendar ko proces taro faktoriribam kerdi si taro dokumentirime asnimke thaj keriba izložba ko diferentno lokacie ki diz, ko londonsko mitropoliti arhivi ko Muzei Redbrige thaj o Univerziteto ko London.

Link: https://oralhistories170251790.wordpress.com/

FaLang translation system by Faboba

Mangava te vakerav

Momentalno Online

       Isi 256 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali