IRU

Zoran Dimov presidento an o i IRU kerel reakcia: E policiakiri akcija mujal o Roma an o ilo e Europakoro - Belgia si bizo presedano!

Bari policiakiri akcia kote than lele paše 1.200 policajcia so sine kerdi ko javinakere saatia an o 7 Maj 2019 ko 19 lokacie trujal sasti Belgia a legardi mujal i Romani jekhin (Travellsia).

O kriseskoro akti so sine implementirime an i akaja kacia si sebepi nalegalno biznisi vordonencar.
O IRU učeste respektirinel i buti e policiakoro thaj o akcie mujal o kriminalcora an i Belgia, soske trubul te oven savore jekh a jekh anglal e belgiakoro sasoitnipa thaj jurisdikciakoro sistemo.

Numa okova so si motivo baši reakcia si i forma so si implementirimi an i akcia taro akala masovno phanlipa. E policiakiri akcia sine kerdi an o 200 aktia , phanle paše 80 Roma thaj konfiksujme karavania, khera, vordona thaj love.

Ko jekh an o vakti e akciake majbaro kotor taro o Roma pali akcia thaj ande an o policiakere stasionia palo tikno vakti sine mukhle bizo te oven pučle, thaj bizo te vakeren soske si mukhle , numa o lende artikloa thaj karavania nen lenge dende napalal, thaj akana baro numero Roma si pe droma bizo nisave love thaj khera. Ko jekh nane lenge kerdo faisali sar alternativno elementi te šaj ola iranen pe an o pire khera.

Odova sikavel kaj o astariba nadošale manušen bizo fakti kerde kriminaloske si naadekvatno an o kriseskoro sistemo.
Asavki forma reakciake džangavela i kali historia ko vakti taro masovno phanlipa thaj deportacia an o konc logoria ko vakti taro Holokausto.

Panda majbuteder si nalačhe fakti so sa akava si kerdo anglal o jakha an o centro e Europake an i Belgia! A i Europa trainela, phanel pe jakha thaj na kerel nisavi reakcia.

Si li asavke formaja akcie mujal o Roma so si salde "kolateralno ziano" an o anava akana parlamentarno alusarin an i Europa te šaj vazdel pe o rejtingo thaj i kampanja sa okola kandidatia deputatonge taro nacionalistikane partie so so orientirime pire anti romane retorikaja.

Odoleske o IRU na trubul te nakhavel akava fakti thaj kerel reakcia dji ko sa europakere thaj aver internacionalno institucie thaj organizacie.

Ko jekh o IRU akharelasa e belgiakere institucien thaj o ministeriumo bašo andrune bukja te kerel o zarurutne aktivitetoa te irane e Romenge naplala olengere karavania, thana kote so dživdinena.

Rodela pe stopiriba - čhinavipa e phalipaja e saste romane jekhinake bašo kerdo kriminalo taro desave individue. O IRU akharela sa e organizacien manušikane niamenge te den amenge suporto te arakhen pe forme te šaj faisalkerel pe akava baro problemi thaj te kerel pe konstruktivno dialogo e belgiakerethaj internacionalno instituciencar.

Ko jekh o IRU bichavela jekh apel dji ko sa Romane lokalno thaj internacionalno organizacie, ma te istemalkeren akaja bilachi situacia te manipulorinen upral o dumo ki bibaht akale Romenege salde baso pire individualno thaj personalno intereso jali profito.

Ko avipa taro 8 April, presentacia taro Presidento an o IRU o Zoran Dimov

Pativalen
 
Avdive kana notirinen pe 48 berša taro fundiriba e Romane identetoske, kana an o 8 April 1971 berš an o London, Britania ikergja pe o Jekhto Lumiakoro Romano Kongresi thaj ande si decizie kote savore amen siem but garvasiale so siam Roma, kaj si oficializirime amaro romano flago, kaj isi amen amari himna "Dželem, Dželem" . Numa ko jekh em palo 48 berša o Roma si panda jekh taro majteleperavde nacionalno jekhina an i lumia!
 
Savore siem svedokia taro majbaro nivelo Anti romano hoš, thaj majbari natolerancia akale jekhinake. Odoleske trubula amen i Internacionalno Romani Unia - IRU sar majpurani em majbari organizacia so reprezentirinel pe akava nacionaliteto , thaj te notirina nekobor elementia an i eliminacia thaj stopiriba akale negativno trendoske.
 
Liparaja kaj i Europa thaj i lumia an i piri historia siam sine thaj panda siem svedokia an i historia kaj isi majbaro nivelo taro rasizmo, ksenofobia thaj natolerancia thaj phagiba o fundavno manušikane niamia baši Romani jekhin.
 
Odoleske amen sar IRU kama te da propozalia dji ko Unime Nacie o EU thaj e europakere institucie thaj olakere membria.
 
Odova šaj havel pe i klar politika thaj mangin te faisalkeren pe akala problemia thaj dikretno participacia thaj o relevantno romano faktori, sar so si o Romano NGO sektori , konketiribaja akate thaj e Internacionalno Romani Unia - IRU.
 
O rpoblemia so si aktuelno thaj dikhle isi sakote (sociala, ekonomia, sastipe, kherutnipa, mediumia, edukacia buti, religia, kultura, tradicia thaj aver)
 
Odoleske trubul maškar pakjiv thaj kolaboracia maškar i Romani jekhin thaj o institucie taro sistemo bizi diferenca si li odova an o internacionalno, nacionalno jali lokalno nivelo.

Trubul barabutni koordinacia thaj realizacia taro sa kvalitetno strategiem rezolucie, programe thaj planoa bizi olengiri prologancia thaj čhinaviba. Ko jekh trubul thaj hulaviba love baši realizacia thaj an o odova palni direktno konekcia e romane faktoreske, thaj majbaro monitoringo an i realizacia ko sa odola aktivitetoa thaj majbaro deiba raportia bašo inplementirime aktoa thaj te den džovaplipa bašo naimplementirime programe.

Sako prolongiriba , ignorancia thaj selekcia anena dži ki situacia so sine ko nakhlo thaj akanutno vakti (pendžarutne asavke aktia ko nesave europakere thema sar so si Italia, Francia, Bugaria, Ukraina, Ungaria, Slovakia thaj avera).
 
Trubul ko jekh te len pe konsekvence te motivirinen e Romane jekhina te notirinen asavke aktia thaj formiribe e ofisen te opservirinen thaj implementirinen o konsekvence.
 
Odoleske si amen hoš kaj amen sar IRU te sikava amari notacia ko faisali akale problemeske.

O IRU asavke situacienge ka len akcie thaj kerdi IRU Resolucia, Operativno Strateško Programa taro IRU so si dende an o UN thaj EU thaj udžarela pe olengiri realizacia.
 Te notirina kaj o IRU angleder duj berša dengja idea te putrel pe Kancelaria taro Nacionalno Romano Ombudsmano thaj barabutne e ERTF -European Roma and Travellers Forum сofisoa an o Strazbur so si len barabutni koorelacia thaj membro si an o Europakoro Konsilo , ko piro agorutno mitingo an o Helsinki, Finska taro 25-27 mart 2019 phanle kontraktoa thaj aplicirime barabutni inicijativa an i implementacia akale ideake te putrel pe Ofiso bašo Nacionalno Romano Ombudsman ofisea an o Strazbur , kaskiri obligacia ka ovel opservacia thaj suporto e Romane jekhinake an o faisalia ko romane pučiba.
 
Ko agor fakti si kaj avel o periodo an o Alusar Deputatoa an o Europakoro Parlamento , o IRU dela saste suporto thaj apeli ko sa avutne eventualno kandidatia sar Euro deputatia den suporto thaj motivacia sa e kandidatenge kote an o pire programe thaj agende si len implementacia thaj realizacia ko importantno nukte , a odova si mariba mujal o rasizmi, ksenofobia, natolerancia thaj diskriminacia. O IRU ka tergol saste pire kapacitetea . kredibiliteto thaj pire membripaja saste suportoa ki olengiri alusar, a ko jekh ka ovel sako drom an i majodorigutno realizacia ko sa barabutne notirime planoa thaj aktivitetoa.
 
Respektoa
 
Zoran Dimov
Presidento an i Internacionalno Romane Uniake - IRU

An o Helsinki - Finska representoa taro IRU an i eftato konferencia e Romane džuvljake

Taro 25 dži ko 27 mart an o Helsinki, Finska ikerel pe Konferencia e Romane džuvljake ko buteder teme baši diskusia.

An i akaja konferencia ko jekh than lena representia taro themakere ofisoa thaj ministeriumia, internacionalno organizacie . Piro than an i akaja importantno konferencija si thaj e Internacionalno Romane Unia -IRU.

An o anav atro IRU si olakoro presidento Zoran Dimov thaj vicepresidento o Anatoly Butakov. Taro džuvljano IRU lobi so si ko jekh thaj an o ERTF , si o šefo e IRU Komisenge i Rosita Gronfors, o vicepresidento an o IRU Ajten Berlafa, thaj ko jekh o membria an o (IRWN / Phenjalipe), kaskoro presidento si i Miranda Vuosaranta

Maškar o representoa thaj diskutantoa sar uče membroa si thaj i Soraya Post, eurodeputato an i EP tari Švedska, o Finsko Eurodepuati Sirpa Pietikäinen, I Tarja Halonen, ex Finsko presidento, i Marja Ruotanen, Direktoro an o Komiteto tari Parlamentarno asamblea an o Europakoro Konsilo (PACE), thaj avera.

An o duj divesa ka diskutirinel pe e Romenge thaj Travelsia so lokheste konekcia e Romane džuvljake olakere niamia thaj i implementacia an o Akciono plania ki inkluzia e Romenge thaj Travelsia (2016-2019), thaj aniba dekreto em strateško dokumentia . I konferencia si organizirimi telal o finsko presidiumo an o Komiteto e ministerenge taro Konsilo e Europakoro.

O Gratan Pukson an o intervju bašo Radio Beograd: I Demokratsko Tranzicia si piro angle

An o piro intervju bašo Radio Beograd , sar šerutno e IRU Komisiake vash Demokratsko Tranzicia thaj akcentiringja kobor si importantno akava proceso sar kotor taro avutne planoa taro IRU.

I idea so potenciringja la si taro korkoro Gratan Pukson thaj odoja programa sine verifikujme an o 10-to IRU Kongreso an o 2016 berš an o Skopje thaj olakoro presidento o Zoran Dimov.

O sasto proceso sine dendo te kerel le o korkoro Pukson so počmingja piri buti pire timea so akana si pendžarde sar DEMOS / Asociacia vash Demokratsko Tranzicia thaj formirime kompjutersko sistemo em lista taro momentalno 4.700 potencialno persone so šaj den piri vota tari sasti lumia.

Ov akcentirinel kaj pakjala kaj isi demokratsko kapacitetia thaj mandato an i romani populacia so ka del legitimiteto thaj te anel baripa em mandato akale politikane thaj nacionalno aktivzmoske. Akale mandatoa so ka bajrol an o 10.000 thaj ko definitivno 100.000 vote ka ovel sar oficijaliziriba e Romane naciake.

Ov akcentiringja kaj i dži akanutni politika em pausa an o IRU sine kerdo aktiviteto taroa akana membripe taro IRU ko čekat taro Zoran Dimov kote specialno ЕСОЅОС statuso taro IRU an o UN thaj pire ofisora an o Njujork, Ženeva thaj Viena.

Akava berš kana notirinel pe o 8 Aprilo thaj o 2 Avgusto kana trubul sine te ovel thaj o avutno IRU Kongreso numa aso pendžarutni situacia taro Brexit an i Britania o IRU Kongreso ka ovel organizirime kana si o jubilei taro IRU 2021 berš jali palo 50 berša taro Jekhto lumiakoro Romano Kongresi.

 

FaLang translation system by Faboba

Mangava te vakerav

Momentalno Online

       Isi 68 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali