IRU

O prezidento taro IRU o Zoran Dimov ka lel than ki Video konferencia ki organizacia taro Centro e studienge taro Roma em kulturakere koorelacie (CRSCR) tari India

Ko Trintodi ko 5 avgust 2020 berš satrtoa taroi 11 o časo prekal europakoro vakti o Centro e studienge taro Roma em kulturakere koorelacie (CRSCR) tari India ka ikerel Video Konferencia.

I tema tari video konferencia ka ovel trampa em prezentacia taro moldime gindia em studie ki tema so astarel o savale em zori ko agorutne šelberšipaki integracia e romen jekhinake ko šerutne sasoitnipa em socio – ekonomsko situacia.

O internacionalno representoa tari sasti lumia piri diskusia ka ovel olenm o Presidento taro IRU o Zoran Dimov so ka prepzentirinel pire percepcie. O (CRSCR) si fundirime taro Antar Rashria Sahigo Parishad (ARSP) suportoas taro indiakoro konsilo kulturakere (MCCR) , Oj implementirinela rodaripaskere studie ko diferentno aspektoa tari romani jekhin em te buvljarel o angađmano olende. Ikeribaja kip li strategia o CRSCR sikavel ničale pire aktivitetoa konferencie em ko than kaj lena ko akala internacionalno em indiakere stipendistia.

Ki akaja konferencia than ka len em aver 8 internacionalno romane naučnikoa, lideroa em representoa tari romani jekhin em indiakere naučnikoa roimane studienge ko akademsko sesie ki konferencia.

O IRU koncetririme ko plania thaj strategie ko avutne štar berša

Palo agor e XI-to IRU Kongresoske so sine ko agor e masekoske Juni 2020 em palo alusar e neve IRU Presidumeske thaj o alusar e neve –pirane Presidente o Zoran Dimov, formirime si o presediumo em Komesariato taro IRU so akana ka fokusurinen pe ko keriba plan thaj programa ko avutne štar berša . Sar motiv si te keren pe kvalitetno programe ko sako taro 13 Komesarijatoa so akceptirinel sa o importantno pučiba so si konektirime e Romane nacijaja.

Avgo drom ko nevo IRU presidiumo kerdo si gender balansi 50-50 maškar o Roma thaj o Romnja membria ko IRU.

Neve membroa an o IRU isi 60 membrora em barabutne e reformirime purane membroncar ko IRU akana gejnela 100 membroa em IRU delegatoa taro 55 thema ki lumia. Sakone themake si čhivdo koordinatori odole themake . Ko jekh džala i kolaboracia em komunikacia sa e relevantno internacionalno organizaciencar sar so si o UN, EU, EP, EK, SE, EVZ, IOM thaj aver relevantno internacionalno fondacie , organizacie em asociacie thaj ofisoa.

Ko IRU neve mandatea taro o funkcie si hulavde prekal o jeripa 50% - 50%

11-to IRU Kongresi so agorkergja ko 27 Juni 2020 premal o representoa  (rekordno dži akana – paše 100 representoa) nakhlja ki but lačhi demokratsko atmosfera. O akti taro votiba – email thaj o representoa ki video konferencia implementiringja pe ko majtransparanentno forma. Prekal elektronsko forma em i WEB platforma    taro ET timi kerdi em dizajnirimi  tari rig e IT kompaniake „Anton soft“ em olakoro direktoro Elvis Hajdar ko nevo IRU funkcie piri vota sar OJA dengje  82,7% , a 17,3% vakergje NA, a o delegatia so sine ki video konferencia piri vota bašo OJA dengje la 100%.

O hulavipa ko funkcie e mandateske 2020-2024 so verifikujngje i Komisia baši vota sine Khuram Khan, Ramuš Muarem em Veli Husein.sine o funkcie hulavde agjaar:

IRU Presidento Zoran Dimov, IRU Vice Presidents Ajten Brlafa, Stefan Kuzhicov, Punita Singh,  Dr. Vijendra Sharma. I Rosita Gronfors sar Presidento ko IRU Parliament. O Graciano Halilovic em i Radmila Nesic sar Vice Presidentia ko IRU Parliament.

I Anatoly Butakov sine alusardo sar IRU kontinetalno vcie presidento bašo North, Central em South America, o Veranda Rishi baši Asia, Africa em Australia, o Arthur Kwick baši  Russian Federacia em purane Soviet republike.

 

Učo Komesaro ko IRU Komesarijati si alusardo o Khuram Khan, vice poresidento Mrja Eronen em alusrde neve 12 IRU Komesaroa.

O Ramush Muarem sine alusardo sar Gen sekretaro IRU, o Angelina Demetar-Tajkon, sar IRU Parlamentarno sekretaro o Gregori Julson, šefo ko  Roma Kris, a trin membrora o Zeljko Shain tari Serbia, Nina Rusakov tari Belarus em Alexandra Karagiani tari  Greece, ko funkcie Romano Ombudsman.

Ko jekh sine konektirime ko IRU 60 neve membria taro 38 thema. Ko jekh taro 55 thema taro sa o kontinetoa lele thaj ko akava IRU Kongreso.

Ko XI-to IRU Kongreso, o Zoran Dimov neve štar beršengoro mandato sar IRU Presidento

Ko 27 juni 2020 berš sar so sine havljardo anglutne ikergja pe o XI-to IRU Kongreso . Avgo drom kip li historia sine kerdo prekal Video Konferencia , sebepi I COVID 19 pandemia . Ko jekh jekhto drom o votiba maškar o IRU membrora thaj dekegatora sine implementirime prekl I Web platform taro ET IRU timo, em prekal e mailo tari romani nacia sakote ki sasti lumia. Ki video konferencia than lele rekordono numero delegatora thaj membroa ko IRU (prekal 100) taro rekordno 55 thema ki lumia. O votiba sine kerdo sukcesialo implementirime em o avutno IRU funkcie prekal e mail dendo sine taro sumarum vote baši opcia OJA dengje piro propozalo uče  82.7%, a sar opcija NA dengje 17, 3%.

Prmeal odova i verifikacia bašo neve funkcie sar em i funkcia IRU Presidento ko avutno mandato 2020 – 2024 berš si notirime o džiakanutno presidento o Zoran Dimov tari R.N.Makedonia.

Sar vicepresidentoa ko IRU so alusarde Ajten Berlafa - Finland, Stefano Kuzhicov - Sweden, Punita Singh thaj Dr. Viendra Sharma – India.

Ki funkcia IRU Presidento an o Parlamento alusardi si Rosita Gronfors, a vicepresidentoa ko IRU Parlamento si notirime o Graziano Halilović  tari Italia em i radmila Nešić tari Srbia.

Ko jekh si notirema o aver da finkcie po IRU a sar Šerutno učo Komesaro an o IRU si notirime o rajo Khuram Khan taro Pakistan. Thaj ko jekh o 12 IRU Komesaroa .

Avgo drom ki historia taro IRU kerdi si akcepcia e neve memrbonge em delegatoa ko IRU a odova si neve 60 IRU membrora em delegatoa taro 55 thema ki sasti lumia. Ko jekh sine vakerde em o neve IRU koordinatoria baši sako them ekstra.

 

Sasti notacia si kaj o IRU Kongreso sine sukcesiale organizirime am ko periodo so avel o IRU ka kerel fokuso ko avutne IRU planoa em strategie, akcentoa maripa mujal i pandemia taro Covid 19 em fundamento o pozicie taro IRU ko internacionalno organizacie.

Pirop dendo suporto em sukcesialo butikeriba bičhavgje em diferentno lumiakere organizaciue sar so si representoa tari Europakiri Unia, Europakoro parlemento maškar so thaj o vicepresidneto an o EP i Livija Jaroka. O romano eurodeputato ko EP o Piter Polak, representoa tari Europakiri Komisia . ambasadoria em aver internacionalno organizacie thaj fondacie thaj internacionalno asociacie.

 

FaLang translation system by Faboba

Mangava te vakerav

TV BTR NACIONAL

Momentalno Online

       Isi 418 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali