IRU

Nane pobuter planiriba bizo Roma, rodel o IRU

 

Reakcia taro IRU sebepi kerdi diskusia an i tema “Dali bašo EU trubul e Romenge te šaj sasljoven“ organizirime tari Klara Dobrev, Vice presidento an o Europakoro Parlamento

 

„Khaniči amenge bizo amen“

 

IRU sar majpurani em majbari romani organizacia representirimi taro olakere paše 100 membrora em delegatora Roma taro upreder 70 thema , kerel reakcia di ko Europakere institucie (EP, EK, SE em aver)  bičhaven poiri percepcia em reakcia sebepi i FB diskusia  ki tema “Dali bašo EU trubul e Romenge te šaj sasljoven“ organizirime tari rig e Željko Jovanović . Fondacia SOROS em i Klara Dobrev – Vice –Presidento ko Europakoro Parlamento, a than lele representoa taro Europakere institucie sar so si: David Sasoli, Presidento ko Europakoro Parlamento, Mihael Rot, Themakoro sekretaro baši Europa – Germania, Sabine Ferhaen, Eurodeputato, Europakiri Nacionalno Partia, Petrika Dulgeru, Romani inicijativa vash bizniso, Dragoš Pislaru, Eurodeputato, Europakoro nevipa, Hejdi Hatula, Eurodeputato Partia Green em I Vera Jurova , Vice – Presidento tari Europakiri Komisia.

 

Odova so amende sar IRU si but diskutabilno em siem hor mazumi odova si sar fundavne so mapkar o akaharde nane ni jekh EU represent taro Romani jekhin em Sinti. Te kerel pe diskusia em debata ko vakti e krizake taro COVID 19 a konektirime aso o legaripa anav e debatake “Dali bašo EU trubul e Romenge te šaj sasljoven“  logično si te oven involvirime em Roma representoa kana isi than baši diskusia sar so si socialno, ekonomsko  em politikane pučiba konektirime Romencar , anglal sa diskusie bašo fondia so trubul te dan ko Roma.

Avdive sine šajdipa ki debata te len than em sine potcenime ko kapacitetoa taro trin europaralemntarca tari Romani jekhina- Livia Jaroka, Petar Polak em Romeo Franz.

 

Premal resle informacid o IRU havela kaj prioriteto ki debata ka ovel o 1,2 trilionia eura budžeto. A odola love kotor valjani sine te den pe ko budžeto e Romengoro.

 

 Liparibaja ko asavke kurcialno pučiba valjani than te len ko debatno romane representoa maškar so preperel em amari IRU. Ola si la em kapacitetoa em manušikane resursia te len than ko asavke debate.

Akate preperen em aver eštablirano romane organizacie sar so si em trujal IRU o ERTF, ERGO, ERIO, IREM, ERNC, PENJALIPE, KATIF, RIP thaj avera.

 

Soske si akaja „selekcia“ ko alusar taro diskutantoa bizo romane faktoria si diskutabilno.

 

Na kama te kera angleder preeduciriba numa o IRU notirinel kaj but si importantno te džanel pe sar so isi desave informacue , soske akava berš o fondi taro 1,1 miliarde kote 700 milionia uera taro fondia sine legarde an i aver rig, em kote si o resto 400 milionia eura taro barabutne 1,1 milijarda eura kote so na džanel pe kaj si odola love ama džanlipaja našavde tari Europakoro Parlamentio em Europakiri Komisia.

 

Definitivno I reakcia tari akaja debata sit e čhiven pe asavke pučiba ko dende draft planoa em kanonia ki EU. Ka ovel šukar kana o romane representoa ko Europakoro Parlamento so prekal akala kanonia ka rodent e čhivel pe agor ki diskriminacia upral o Roma em pobari opservacia taro EU primal dizjakoro niamia ko europakere Roma em odolea ma te chidel ki rig e romane internacionalno organizacie sar so si o IRU, ERTF, ERGO, ERIO em o avera.

 

Te liapara kaj o IRU isi le kerdo em bičhavdo notacia taro IRU sar Incijativa dži ko EP em o IRU prekal I EK prekal o romane erudoeputatia so si konektirime te sikavel disave planoa em konsekvence sar akciono planoa ki Romani Strategia.

 

Čačutne pakaja kaj akala propozaloa em reakcie ka oven realizirime barabutne kerdo aktiviteti em ko avutnipa amen o Roma nane te ova “bisterde”.

 

Soske „KHANČI AMENGE BIZO AMEN“

 

Respektoa

Zoran Dimov

Presidento an o IRU

O Presidento taro IRU o Zoran Dimov ko dikhiba e direktorea taro Phanlipa Skopje o Esad Rahić thaj sastipaskiri situacia e romane phanlencar ko vakti tari pandemia taro COVID 19

Ko momenti kana si pandemia taro COVID 19 so si ki lumia, o Presidento taro IRU o Zoran Dimov , sikavgja intereso e situaciaja ko phanlipa ki R.N. Makedonia em i situacia e romane phanlencar ki pandemia.

 

Odoleske sine inicirime dikhiba jekhe taro legarutne ko KPD institucie o Esad Rahić direktori ko phanlipa „Đutka“ Ko dikhiba o IRU presidento o Zoran Dimov sikavgja intereso ko savo tretmano si e romane phanlen ko akava phanlipa em maškar o aver o sastipaskere protokolia em olengiri protektivataro koronavirusi.

 

O direktori Rahić vakergja kaj ola sar institucia keren sa o aktia em implementirinen o dende protokolia taro Ministeriumi sastipaske sar majbari protektiva e phanlenge ko phanlipa „Đutka“ konektiribaja em o Roma, so bahtake na sine bvut seriozno aktia.

 

So legarel pe dži ko tretmano em protektiva ko niamia  e phanlenge o Roma kaj si majphravde em transparentno em i institucia te lel sa o konsekvence ki protektiva akale aktenge.

Ko vakti taro lafikeriba ko jekh o Zoran Dimov sine le naformalno dikhiba em lafikaeriba e phanle Romencar em o tretmano so dikhlja sar si olenge.

 

Ola akcentiringje kaj ko majbaro kotor respektirinen pe olengere niamia em e phanlipaskere ofisia ko čekat e direktorea o Esad Rahić but droma ikljoven lenge ko presret kotor taro olengere rodaripa.

 

Konkluzia  taro akava dikhiba si kaj o Zoran Dimov majodoriga majbare samaja ka kerel opservacia akale kategoria manušenge em sako anomalia ka del informacia em reakcia sar e kherutnen agjar em e internacioalno instizucienge tari protektiva emanušikane niamenge em tromalipa.

IRU: Aso prognoze taro UN ka ovel periba taro 3,2 % tari lumiakiri ekonomia ko 2020 berš, e Romen šaj udžarel panda majbaro čorolipa

I Internacionalno Romani Unia – IRU ko vakti tari pandemia taro COVID 19 kerel zori te šaj nesar del pe suporto e Romenge  so majlokheste ne kahaven akaja situacia. Jekh taro majbare problemia si ekonomsko aspekti. E IRU si le ECOSOC  status ko UN a odolea direktno si konektirime ko segmento taro socio ekonomsko statusi.

Numa premal o IRU , o prognoze so dela o UN ki konekcia e lumiakere ekonomiajaj ko 2020berš nane optimistikane.

O Unime nacie notirinen kaj e lumiakiri ekonomia akava berš ka perel bašo 3.2% sar rezultati tari pandemia taro koronavirus majbaro pali Bari depresia ko 1930 berš.

Odova sikavel kaj 34,3 milionia manuša majpakjavutne ka oven ki agorutni linia taro ekstremno čorolipa, a maškar olende em o Roma.

O UN notirinela kaj dopherdo paše 130 milionia manušaka pereno ko baro čorolipa dži ko 2030 berš.

Te na avel dži ko odola kale scenario o IRU em oleskiri Komisia baši ekonomia intenzivno ka rodel alternative ki koordinacia e UN-ea pire barabutne ofisoncar ko Njujork, Ženeva em Viena

Te šaj amortizirinel pe akala prognoze em ko periodo so avela te keren pe set aktia em strategia maškar UN em IRU em te amortizirinel pe i sasti akaja situacia ko periodo so aveal.

 

O IRU ki debatno emisia ko Roma News: O IRU si organizacia so kerel buti e Romenge ko internacionalno institucie

Ko 13 maj 2020 ko Web portalo Roma News ikergja pe debatno emisia prekal live streaming kotor e Kabinetoa tari Internacionalno Romani Unia - IRU so informiringja e dikhutnen bašo lende akcieem planoa so kerel buti e Romane Naciake sakote ki lumia.

 

Ki debata misafiria sine: Zoran Dimov, IRU presidento, O vice Presidentia taro IRU Rosita Gronforce tari Švedska, Ajten Berafla tari Danska, o IRU Consultanti tari Finska Marja Eronen, O rusko membro ko IRU Angelika Orlova o amerikansko representoa ko IRU Sean Wiskarson thaj Marck Antony, o Anatoly Butakov IRU representati taro Mexico em Ramush Muarem tari North Macedonia.

Ko jekh o  Stefano Kuzicov tari Švedska em Rishi Verandra tari India sine parcialno konektirime.

 

Ko vakti e debatake sako represento ko startipresentiringja em vakergja kotor taro pire aktivitetoa ko IRU em o problemoa so arakhen pe o Roma ko regiono kotar so ola avena .

 

Ko jekh tari rig e presidentoske ko IRU o Zoran Dimov sine vakerdo kaj o IRU sar organizacia kerel buti em bičhavela prpopzaloa, deklaracie, rezolucie em aver importantno dokumentoa ko anav taro IRU ko buteder europakere em aver internacionalno institucie .

Potencirime si kaj o IRU marel pe institucionalno te šaj vazdel ko jekh majučo nivelo kolaboracia em percepcia kana kerel pe lafi e Romane jekhinake sakote ki lumia.

 

Taro IRU representoa taro buteder thema ko vakti e debatake vakergje kajo IRU nane nisavi humanitarno organizacia jali fondacia so hulavel em dela love ko proektno aktivitetoa, kote pobuter taro manuša gindinen kaj o IRU si sar humanitarno organizacia.

 

Fakti si kaj o IRU kerel buti pobuter institucionalno jali politikasne em si bazirime ko keriba plania em strategie, em sar logistikano pervazi em implememntacia.

 

Ko jekh sine havljardo kaj o IRU kerel buti sar jekh timi, barabutne kote si bari demokratia em odoleske si em formirime o Timo taro Equality – ЕТ, thaj ko maškar e pandemiake taro COVID 19 o IRU kergja inicijativa te del resolucuia dži ko Europakoro parlamento ki konekcia te lel akcie ki protektiva e Romane jekhinake.

 

Sublimatoa ki poenta tari akaja debata o IRU kergja zori tikne vakteske te prezentirinel salde jekh tikno kotor tari pire lende akcie , em kerde planoa em strategie so ka keren len ko avutno periodo.

Ko jekh o IRU bičhavel apel em akharin savore okola so kamen lačhipa e Romane naciake bizi diferenca taro savo regiono avena  šaj te aven ko IRU em pire ideencar, strategia em dende propozaloa kotar šaj ikljon kvalitetno produkto , odoleske o IRU putrel buvleste pire udara  bašo sa o progresivno manuša.

FaLang translation system by Faboba

Mangava te vakerav

TV BTR NACIONAL

Momentalno Online

       Isi 599 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali