O haosi ki Ukraina džala majodoriga. Akava drom konektirime si thaj i ukrainsko policia thaj askeri. Ola ko plo formati maltretirinena em diskreditirinena okolen e majčorolen so si mukhle korkoro- A maškar olende isi em but Roma-
O maripa majbut targetirinela e majčorolen maškar so em i Romani jekhin, Nane len hajbaske, na jekh a jekh tretmani ko hulavipa humanitarno arka e majčorolenge ko akava maripa, kerena o Roma ko nalegalno čhani te keren aktia so palo odova isi len phare konsekvence palo olengoro dživdipa.
Nahumano tretmani, diskreditacia akale manušenge so ka oven astarde jali salde sumninme kaj čorena palo odova len len phanena len ko bandere em aver stubia selojtep trakaja , makhena len ko muja kolorencar taro ukrainakoro bajrako em fizički maltretirinena len a sa odova ko anav tari „SLAVA E UKRAINAKE“
Buteder so dikhle akala fotografie dćanena kaj si akava akti taro o “bokhale čora” keren o bilačhe neonacistikane grupe tari Ukraina majbut o simpatizeria tari neofašistikani brigade “Azov”.
Asavki konsekvenca kerel pe ki them kote nane demokratia numa kanoni dromeskere em anarhia, bizi diferenca si li odoja them ko maripa jali na. Odoleske o IRU reagirinela em vakerel kaj trubul reakcia em apeli dći ki EU thaj EU institucie te keren aktia baši eliminacia asavke bukjenge , em te kerel pobari opservacia ko tretmani e Romenge ki Ukraina so si mukhle korkoro pewste. Kote si em so kerena akana o europakere deputatoa em reprezentoa ko EU Parlamento so keren buti ko Romane niamia?
