IRU

Sa si hazri bašo 11-to Kongreso IRU ko 27 juno o intereso bašo membripa ko IRU si bur baro , udžarel pe te khuven upreder 60 džene ko IRU tari sasti lumia

Ko Savato 27 juno 2020 berš ka ovel jekh taro majimportantno historikane momentia ko Roma . Ka ikerel pe o 11 –to Kongres taro IRU . Ko angloručkoskoro periodi ka ovelutsavalo ceremonialo em ko protokolo ka ovel buteder notacie  ki Video Konferencia. Ko palomismero termino kana ka ovel alusar o avutno alusardo presidiumo ko IRU em ki late ka konektirinen pe o neve IRU membrora.

Odoja nevi garnitura ka ovel promovirimi prekal demokratsko principo elektronsko votiba a o interesi si but baro te oven ko IRU. Resle baro numero aplikacie ko IRU so ka oven akceptirime sar neve membrora ko IRU. Olengoro numero si sar suporto ko IRU upreder 60 neve membrora taro 55 thema tari sasti lumia.

O IRU kergja promocia e Web platformake VOTE for EQUALITY TEAM te šaj te del pe vota bašo IRU funkcie

Ko 25 thaj 26 juni 2020 berš sar so sine dendo lafi promoviringja pe i Web platforma VOTE for EQUALITY TEAM kote paj ko štar aktia te den tumari vota bašo avutne funkcie ko IRU mandatoa taro štar berša ko period 2020 – 2024 berš. I platform so si kreirime thaj kerdi siguritetno tari IT kompania - Developed by Anton Soft thaj olakoro direktoro o Elvis Hajdar.KI platforma tergjon em si sa o kandidatoa baši sako funkcia ko IRU kote si le sakone piro CV thaj fotografia.

Ki akaja forma buvljola si i demokratia ko IRU thaj ki odoja forma resel pe majbuvleste mandato kote piri vota dena sa o Roma pe sasti lumia. Odova sistemo si lokheste em šaj keren le ko akava linko: https://iromaniunion.org/congress2020/voting/et/index.php?fbclid=IwAR0Jp3zXtzJnPNLOEDDNB-jweMEAiSRYWKNajIOFDsqMGUDCmZJqNijrWUQ

Deiba vota ko periodo taro 25 thaj 26 juno 2020 berš a o vote ka kontrolirinel em ka gejnel i verifikaciono komisia taro EQUALITY TEAM,

ET timi taro IRU vakerel: O intereso te oven membria ko IRU nakhlja sa o bariere, resena aplikacie em po deš ko dive!

O rekordija si kerde te šaj nakhaven pe. Asavki formulacia šaj te vakerel pe e Internacionalno Romane Uniake – IRU. Aso sa o parametria em sikavdo inetereso taro aplikantioa so bičhaven ko e mail ko IRU čače si baro.

 

Panda majdikhle si so ko pire aplikacie bičhaven em murša em džuvlja Roma a ko jekh em i majterni generacia o terne Roma.

 

Premal o ET Komisia ko IRU akava interes si baro soske o IRU ko periodod so nakhlja em akana (taro 2016 berš kana sine kerdo o IRU Kongreso em presidento sine alusardo o Zoran Dimov), kergje baro progreso ko ple strukturno reforme em aktivitetia.

 

Taro 2016 berš pa naakharo o IRU nevikergja em restartiringja o pozicie ko internacionalno institucie sar nevikeriba ko ECOSOC statusi ko UN em phravgja pire ofisoa ko UN sar so si ko Njujork, Viena em Ženeva em transparentno kolaboracia e europakere instituciencar sar so si o EP, EK, Konsilo Europakoro em avera.

Ko jekh ko kreacia planoa akcie em strategie si sine bilčhavde sar propozaloa dži ko relevnatno internacionalno institucie.

Odothar ikljovena kaj o IRU si učeste rangirime nmaškar internacionalno organizacie ko internacionalno faktoria.

 

Trujal sa udžarel pe kaj o aktuelno membroa ko IRU so gejnela akana 70 membroa taro 50 thema ko periodi so avela duplo majbaro em panda deš thema taro sa o kontinentia ki lumia.

 

Ko jekh i ET Komisia akcentirinel kaj akalea trujal o kvantiteto numero ko IRU ka barjol o IRU ka ovel em majbaro kvaliteto ko membripa ko IRU em resel majbaro rejtingo so sikavel majbuvleste mandanto.

O aplikacie bašo IRU membro šaj len pe ko WEB sajto taro - https://iromaniunion.org/, a ko jekh em ko Roma Times - https://www.romatimes.news/index.php/ro/

O IRU putrel pire udara neve membronge

I Internacionalno Romani Unia –IRU sar majpurani em majbari internacionalno romani organizacia , ko korkoro starto konektirime ko IRU Statuti funkcionirinela upral i baza taro respektiriba i demokratia, jekhipa em transparentnost. Odova si i poenta – piro ko drumo ko tamikeripa buvlo mandato taro akanutne em avutne IRU membrora em delegatora.

 

Odolea bajrola o legimiteto , džovaplipa em politikani presia kana representirinel pe e Romen.

 

Odoleske o IRU si aktivno prekal piro TIMI TARO JEKH A JEKHIPA (ET), kote šerutno aktiviteot sit e bajrarel o numero taro IRU membrora prekal aktivno membrora, aktivno delegatora, em avrutne membrora (honori membrora).

Odoleske o IRU putrel pire udara te šaj avena andre ki organizacia ko IRU. Odova ka kerel bajraripa o numero taro organizacie so ka keren kolaboracia e IRU-a, bari presia taro IRU em finansisko komoditeto taro IRU.

 

Tumare membripaja o IRU ka keren odova so kamel o IRU a odova si- te kerel protektiva e Romenge ki sasti lumia taro sa negativno momentoa em forme tari diskriminacia , natolerancia, segregacia em genocido upral o Roma.

I funda e organizaciakiri pašljola ki Deklaracia ko manušikane niamia ko Unime Nacie o internacionalno instrumentoa manušikane niamenge em fundavno niamia so si zagarantirime ko nacionalno kanonia. I organizacia kerel promocia ko manušikane niamia ki sako forma. E IRU si le piro ECOSOC statusi ko Unime Nacie – UN.

 

O IRU kerel kolaboracia em komunikacia e goveremntonac so anen decizie , lokalno NGO em fondacie, thaj aver organizacie sar so si i EU, EK, EP, Lumiakiri Banka, UN, OSCE, Lumiakere khangira, o Papa, Konsilo Europakoro, IOM, ODIHIR, SZO, UNICEF, Suporto e čhavenge, Lumiakiri visia, Amnesti Internejšnal, WeMove Europa, Eruopakoro netvorko mujal o čorolipa (EAPN), Medecins Sans Frontiers (MSF), FAO thaj o Lolo Kriso.

 

Ko odova drumo akava si lačho momenti sa Tumaro intelektualno kapaciteto, aktiviteto, džanlipa em aver te oven tumen da kotor taro IRU.

 

Odoleske kama te informirina tumen kaj tumare bičhavde CV em pherdi aplikacia te bičhaven la ko e mail - Această adresă de email este protejată contra spambots. Trebuie să activați JavaScript pentru a o vedea., ka šaj te dikha tumari aplikacia bašo IRU membripa.

 

Akate len i aplikacia

IRU - Membership Application Form -Rom.docx

IRU - Membership Application Form -Eng.docx

 

Respektoa

TIMI TARO JEKH A JEKHIPA (ET)

 
FaLang translation system by Faboba

Mangava te vakerav

TV BTR NACIONAL

Momentalno Online

       Isi 658 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali