IRU

I Demokratia ko IRU ka promovirinel pe prekal o timo taro jekhutnipa – ET

I majbari em mapurani lumiakiri organizacia IRU ki piri strategia em plano promovirinela jekh nevipoa sar buvljarel pe i demokratia em pluralizmo ko pervazia e organizaciake em avri olatar . Palo dendo propozalo taro Gypsy Consil tari Britanijao Partik Jones, Roger Lee, Khuram Khan, Verandra Rishi em o avera ka kerel pe realizacia te khuvel pe i funda tari demokratia ko jekhutnipa ki organizacia.

O timo so kergja o koncepto ET si membrora taro IRU em odola si: Marja Eronen Finland, Aguš Demirovski Švajcaria, Khuram Khan Pakistan, Rosita Gronfors Svedia, Ajten Berafla Danska, Ramuš Muarem Makedonia, Verandra Riši, Artir Kvik Rusija, Radmila Nešić Srbia, Halilović Gracijano Italia, Maria Rubia Špania em i Nelije Marks – USA.

 

Truja o bajraripoa taro membria ko IRU o ET politike si legarde prekal Alusariba komisia  o akcie, andre, avrial em nominacia.

Alusaribaskiri dokumentacia, lista, lokalno, nacionalno em globalno alusaribaskiri lista , registro taro kandidatia, ekstra lista taro kandidatoa Prezidento an o IRU, Viceprezidentoa, Prezidento an o IRU Parlamento, Viceprezidentoa, Šefia ko Komisie (komesaroa) Generalno sekretaro, Kasiero em aver funkcie. O Kabineto ka gejnel 21 membro.

Ko jekh ka implementirinel pee m alternativno akciono modelo aar so si: strategie, individualnio em fazno akcepcia, paralelno implementacia em konversacia.

Dži kote kamen te dikhen I šema taro funkcioniriba ko timo taro ET šaj dikhen ko web sajto - https://iromaniunion.org/

O IRU reagirinela: O Marselo Zuinisi tari Associazione Nazione Rom tari Italia, nikana na sine membro ko IRU em na tromal te istemalkerel o anav IRU

Saste si pendžarde I situacia taro COVID 19 ki sasti lumia kaj si alarmantno. Odothe si konektirime em I Romani populacia sar jekh taro majmarginalizirimi tari akaja pandemia. Itali si saste pendžarde kaj si I situacia katastrofalno.

Odova si alarmo kaj i EU trubul te konektirinel majaktivno te kerel buti bašo Roma. O IRU sar jekh taro majbare romane organizacie ki lumia prekal pire membrora kerel aktiviteto te šaj amortizirinel akaja situacia . Numa si asavke persone džanlipaja akaja situacia kamen te keren šaj desavo personalno benefito jali satisfakcia jali grupno eštabliripa.

 

Notirime si kaj prekal socialno netvorko promovirinen pe em keren buvli akcia te roden pe finansie tari rog o Marselo Zuinisi so sikavel pe kaj si presidento ki Associazione Nazione Rom tari Italia.

Alarmantno si so o korkoro Zuinisi buteder drom invoolvirinel e IRU sar organizacia so tergjol palal leste em si kotor taro IRU.

 

O IRU majzoraleste demantirinel akala notacie taro Zuinisi em distancirinel pe kaj si o Zuinisi kotor taro IRU em oleskere lende akcie. Ko jekh o IRU informirinela em demantirinel e Melissa Gubasena taro N.Irska kaj oj si da membro ko IRU  em oj da em o Marselo nikana na sine membrora ko IRU. Ko jekh o IRU kerel demanto pire membroske thaj IRU veterano taro London o Gratan Pukson kaj o IRU kergja desavo Izvršno Komiteto so indirektno del suporto e akcienge taro Marselo Zuinisi , Te šaj savore te džanen so si i buti o IRU isi le formirime piro Krizno štab so kerel aktiviteto e europakere instituciencar em o eurodeputato Livia Jaroka .

 

Odoleske odova Izvršno komiteto so potencirinela le o Gratan Pukson em i kolaboracia e Marselo Zuinisi thaj Melisa Gunasen nane nisave konekcie e IRU thaj majzoraledemantirinel odola argumentoa ma te ovel konfuzie maškar savorende.

 

Ko jekh o IRU potencirinela kaj olakoro presidento o Zoran Dimov em o membroa taro IRU a korkoro potencirinel em o eurodeputato i Livia Jaroka  kaj oj kerel kolaboracia salde e IRU-a em olakere presidentoa o Zoran Dimov, a na kerel nisavo kolaboracia em aktiviteto sar so si persone taro profilo taro Marselo Zuinisi, Melisa em avera.

Mesažo taro IRU Presidento o Zoran Dimov , sebepi Internacionalno dive e Romengoro – 8 April

Pativalen membrora thaj IRU delegatora, phralalen em phenjalen Roma!

 

Avdive kana notirinaja o dive so angleder 49 berša si khuvde o temelia e Romane indentitetoske o 8 Aprilo , kamav škurto te liparav solea arakha amen em so udžarel amen panda.

 

O IRU savore džanaja kaj soi ov putarda o udara te sikava kaj sem Roma em na siem po khanig diferentno avere naciendar ki lumia. Amen siem nacia sar sako aver ki lumia.

 

O vakti nakhela em amen sar IRU kera zori em džanaja kana jekh udar ka phanel pe , isi aver udar so phravel pe. Numa but droma dikhasa ko phanlo udar, a na dikasa o udar so putardilo.

 

Savore džanaja kaj o vakti si predatiori so prastal pala amende. Me pobut kamav te pakjav kaj o vakti dikhel amen kana dromaraja, te džana o fakti kaj trubul te manga sako momenti.

 

Em amen sar IRU trubul te moldin a sako buti so si amen em sa okola so kerdem len sukcesiale dži akana.

 

Džanaja kaj nikana na sine lokheste te agorkerel pe desavi obligacia soske sako drom (em avdive da) isi but bariere em oponentoa so na kamen amen si li odova avruno jali andruno faktori.

 

Miro mesažo si dži savopre tumende kaj trubul te ova unitarno paše, majzoraleste te šaj demantirina savore e averen em kaj siem ko čačutno drom.

 

Dopherdo akana si i aktuelno situaciaja taro COVID 19 so si perutni bariera te šaj ko akava momentite kera reakcia sar so trubul ama amen sar IRU barabutne ka trasirina em ka arkha o forme te realizirina amare aktivitetoa.

 

Ko jekh so amen o Roma em o IRU sar organizacia but droma siem !“khuvde“ em „ratvarde“ taro thema em institucie so na kamen amen e Romen amen te ova unitarno em mujal individue em grupe so sikaven pe sar Roma am si ko sako momenti hazri te „parunen“ e Romen em o IRU em te keren desavo piro IRU ko po šero.

 

Amen savore ko IRU  daja len mesažo sa odole „Roimenge“ em o naRoma ka kera aktiviteo majbaro mujal odola bariere.

 

Amen sar IRU ko 8 Aprilo nane amen mangin te čhingara palo avera numa mesažo te ova jekhutne, unime em te respektirina amen. Savorenge te sikava kaj o IRU si čače respektirimi organizacia.

 

Odoleske UPRE ROMA , em but e beršenge 8 Aprilo Internacionalno Romano dive sa amare pharlenge em phenjenge ki sasti lumia

 

Respektoa

Zoran Dimov

IRU Presidento

I Pandemia taro COVID 19 trujal sastipaskoro riziko, ka anel em kolapso maškar milioni Roma ki Europa em I lumia. O IRU ka kerel reakcia dži ki EU prekal formiribe Krizno Štab.

Šel mile Roma dživdinen ko mizerno mahale ki Centralno Europa Purabali Auropa, em Balkani katastrofa tari koronavirusi. Numa ko than te den suporto o govermento but droma bičhaven policia em askeri.

 

Phureder manuša ko anglutne šartia o doktoria em medicinsko personali ola sar majteleperavdi kategoria manuša telal o riziko taro koronavirusi. Numa o mediumia but hari den informacia akale situaciake sar riziko grupa ki Europa, milionia ččorole Roma. Buteder olendar ki centralno Europa ko sig vakti šaj te arakhen pe anglal humanitarno em sastipaskiri katastrofa.

 

Pobuter olendar dživdinen kjo mizerno šartia bizi higiena. Pobuteder olendar našti keren buti sar naformalno ekonomia, sar so si khediba sekundarno surovine, bikiba, artikliriba em avera.

 

Numa salde aso anticiganizmi sa buvleste but Romaisi stigma: Nesave thema taro Paščimalo Balkan , Slovakia , Romania em Bugaria, eks Sovetsko Unia em aver majzorale EU thema Italia, francia, Špania, lel dopherde konsekvence ko romane mahale, limitiriba em preventivno si telel karantini em policia.


Odoleske o romane organizacie ki Europa si alarmantno. Konkertno rodaripa dži EU em aver internacionalno organizacuie dži ko nacionalno govermentiv bbičahvgja I Internacionalno Romani Unia – IRU e presidentoa Zoran Dimov, so formiringje IRU Krizno štabi em kergja reakcia

Dži ko EU institucie suportoske logistika em kapaciteto te amortizirinel pe akaja situacia.

 

So ka ovel aver aktiviteto taro IRU em o Krizno štabi, ka athinel taro dendo antvorti tari EU em olakere institucie.

 

FaLang translation system by Faboba

Mangava te vakerav

TV BTR NACIONAL

Momentalno Online

       Isi 407 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali