IRU

Phergjola i lista taro parcipientia an o IRU Parlamenti ko Skopje taro 27 dži ko 30 juni o numero si paše 100 misafiria taro 50 thema tari sasti lumia

Sar so si havljarde o Skopje ka ovel than kote ka kerel pe i ničali Parlamentarno IRU sesia . Odothe trujal o IRU aktivitetoa ko periodi 27 -30 juni 2019. Ka oven kerde nekobor interesno teme sar so si Naukakere simpoziumia e Romane Holokausto, Simpozoimi baši geneza, čhib o historia em kultura i tradicionalno romano kriso, Bisnis Forumi thaj e Romane situaciake an i lumia an i forma sar Publik Hiring so ka len than em reprezentia taro ambasade an i amari them.

Akava sikavgja baro intereso vazdingja thaj ka aven delegatia paše 100 taro 50 thema.

Aven misafiria taro pobuter thema tari Europa thaj thema so si avri tari Europa sar so si tari Azia (Pakistan, India) taro dur Purab - Japonia, tari Australia thaj taro duj Amerike.

Akalestar šaj te anel pe konkluzia kaj i organizacia akale bare konferenciake so kerel la o IRU ko čekat pire presidentoa o Zoran Dimov te keren sa o dende teme tari i Agenda kote an o agor trubul te anen pe majbuter Decizie, Deklaracie, Konkluzie thaj vaktavina so ka anen majbut progresi kana kerel pe lafi e Romenge sakote an i lumia, soske i šerutni IRU misia si te ikerel o interesoa e Romane naciake thaj te vazdel an i majučo nivelo o Romano pučiba.

Sebepi i situacia e Romencar an i Italia - Napoli, reakcia taro IRU taro Grattan Puxon thaj o Zoran Dimov dži ko italiakoro preimeri o Gusepe Konte

Ko lil si notirime: Tu sar Presidento an o Konsili ministerengoro , tumen legarena bari ladž e Italiake!

I dislokacia taro 500 Roma , murša, džuvlja thaj čhave an i komuna Gulliano an i Kampania ko 10 maj (notacijaja thaj 100 čhave), si i majnevi nahumano em namanušikani akcia so kergja i them thaj o komune mujal o Roma thaj o Sinti so džanena kaj si majdiskriminirimi etnikani jekhin an i Europa!

Liparaja tumenge kaj trubul te arakhen alternativno faisalia baši nevi akomodacia sa akale familienge so ka akceptirinen pe bašo sa o riga. Akale akcijaja keren sa majbu thaj majbut "andrune paldime manuša" so si jekh a jekh sar ko majkale periodia an i manušikani purani historia taro fašizmi.

Bičhavaja apeli te čhinaven akaja politika tari natolerancia thaj peravidba e kamponge taro milja manušengere dživdipa. Rodaja te respektirinen o manušikane niamia , te mukhen sa o dizutne te dživdinen normalno konektiribaja thaj e dizutnen so si andre thaj avrial tari EU thaj an i Italia.

I Italija nekana sine bari pire jumanitarno thaj hristiansko retorikaja thaj organizacia, a akana ačhilo salde te kera reakcie bapi tumari natolerancia thaj nahumano akcie.
Me sar presidento tari Demokratikani tranzicia thaj o Presidento tari Internacionalno Romani Unia IRU o Zoran Dimov akava pučibe ka ovel an i agenda taro avutno IRU Parlamentarno sesia so ka ikerel pe taro 27 dži ko 30 juno an o Skopje, Makedonia „ so hramosardo an o lil tari reakcia dži ko premieri e Italijake o Gusepe Konte.

 

Zoran Dimov presidento an o i IRU kerel reakcia: E policiakiri akcija mujal o Roma an o ilo e Europakoro - Belgia si bizo presedano!

Bari policiakiri akcia kote than lele paše 1.200 policajcia so sine kerdi ko javinakere saatia an o 7 Maj 2019 ko 19 lokacie trujal sasti Belgia a legardi mujal i Romani jekhin (Travellsia).

O kriseskoro akti so sine implementirime an i akaja kacia si sebepi nalegalno biznisi vordonencar.
O IRU učeste respektirinel i buti e policiakoro thaj o akcie mujal o kriminalcora an i Belgia, soske trubul te oven savore jekh a jekh anglal e belgiakoro sasoitnipa thaj jurisdikciakoro sistemo.

Numa okova so si motivo baši reakcia si i forma so si implementirimi an i akcia taro akala masovno phanlipa. E policiakiri akcia sine kerdi an o 200 aktia , phanle paše 80 Roma thaj konfiksujme karavania, khera, vordona thaj love.

Ko jekh an o vakti e akciake majbaro kotor taro o Roma pali akcia thaj ande an o policiakere stasionia palo tikno vakti sine mukhle bizo te oven pučle, thaj bizo te vakeren soske si mukhle , numa o lende artikloa thaj karavania nen lenge dende napalal, thaj akana baro numero Roma si pe droma bizo nisave love thaj khera. Ko jekh nane lenge kerdo faisali sar alternativno elementi te šaj ola iranen pe an o pire khera.

Odova sikavel kaj o astariba nadošale manušen bizo fakti kerde kriminaloske si naadekvatno an o kriseskoro sistemo.
Asavki forma reakciake džangavela i kali historia ko vakti taro masovno phanlipa thaj deportacia an o konc logoria ko vakti taro Holokausto.

Panda majbuteder si nalačhe fakti so sa akava si kerdo anglal o jakha an o centro e Europake an i Belgia! A i Europa trainela, phanel pe jakha thaj na kerel nisavi reakcia.

Si li asavke formaja akcie mujal o Roma so si salde "kolateralno ziano" an o anava akana parlamentarno alusarin an i Europa te šaj vazdel pe o rejtingo thaj i kampanja sa okola kandidatia deputatonge taro nacionalistikane partie so so orientirime pire anti romane retorikaja.

Odoleske o IRU na trubul te nakhavel akava fakti thaj kerel reakcia dji ko sa europakere thaj aver internacionalno institucie thaj organizacie.

Ko jekh o IRU akharelasa e belgiakere institucien thaj o ministeriumo bašo andrune bukja te kerel o zarurutne aktivitetoa te irane e Romenge naplala olengere karavania, thana kote so dživdinena.

Rodela pe stopiriba - čhinavipa e phalipaja e saste romane jekhinake bašo kerdo kriminalo taro desave individue. O IRU akharela sa e organizacien manušikane niamenge te den amenge suporto te arakhen pe forme te šaj faisalkerel pe akava baro problemi thaj te kerel pe konstruktivno dialogo e belgiakerethaj internacionalno instituciencar.

Ko jekh o IRU bichavela jekh apel dji ko sa Romane lokalno thaj internacionalno organizacie, ma te istemalkeren akaja bilachi situacia te manipulorinen upral o dumo ki bibaht akale Romenege salde baso pire individualno thaj personalno intereso jali profito.

Ko avipa taro 8 April, presentacia taro Presidento an o IRU o Zoran Dimov

Pativalen
 
Avdive kana notirinen pe 48 berša taro fundiriba e Romane identetoske, kana an o 8 April 1971 berš an o London, Britania ikergja pe o Jekhto Lumiakoro Romano Kongresi thaj ande si decizie kote savore amen siem but garvasiale so siam Roma, kaj si oficializirime amaro romano flago, kaj isi amen amari himna "Dželem, Dželem" . Numa ko jekh em palo 48 berša o Roma si panda jekh taro majteleperavde nacionalno jekhina an i lumia!
 
Savore siem svedokia taro majbaro nivelo Anti romano hoš, thaj majbari natolerancia akale jekhinake. Odoleske trubula amen i Internacionalno Romani Unia - IRU sar majpurani em majbari organizacia so reprezentirinel pe akava nacionaliteto , thaj te notirina nekobor elementia an i eliminacia thaj stopiriba akale negativno trendoske.
 
Liparaja kaj i Europa thaj i lumia an i piri historia siam sine thaj panda siem svedokia an i historia kaj isi majbaro nivelo taro rasizmo, ksenofobia thaj natolerancia thaj phagiba o fundavno manušikane niamia baši Romani jekhin.
 
Odoleske amen sar IRU kama te da propozalia dji ko Unime Nacie o EU thaj e europakere institucie thaj olakere membria.
 
Odova šaj havel pe i klar politika thaj mangin te faisalkeren pe akala problemia thaj dikretno participacia thaj o relevantno romano faktori, sar so si o Romano NGO sektori , konketiribaja akate thaj e Internacionalno Romani Unia - IRU.
 
O rpoblemia so si aktuelno thaj dikhle isi sakote (sociala, ekonomia, sastipe, kherutnipa, mediumia, edukacia buti, religia, kultura, tradicia thaj aver)
 
Odoleske trubul maškar pakjiv thaj kolaboracia maškar i Romani jekhin thaj o institucie taro sistemo bizi diferenca si li odova an o internacionalno, nacionalno jali lokalno nivelo.

Trubul barabutni koordinacia thaj realizacia taro sa kvalitetno strategiem rezolucie, programe thaj planoa bizi olengiri prologancia thaj čhinaviba. Ko jekh trubul thaj hulaviba love baši realizacia thaj an o odova palni direktno konekcia e romane faktoreske, thaj majbaro monitoringo an i realizacia ko sa odola aktivitetoa thaj majbaro deiba raportia bašo inplementirime aktoa thaj te den džovaplipa bašo naimplementirime programe.

Sako prolongiriba , ignorancia thaj selekcia anena dži ki situacia so sine ko nakhlo thaj akanutno vakti (pendžarutne asavke aktia ko nesave europakere thema sar so si Italia, Francia, Bugaria, Ukraina, Ungaria, Slovakia thaj avera).
 
Trubul ko jekh te len pe konsekvence te motivirinen e Romane jekhina te notirinen asavke aktia thaj formiribe e ofisen te opservirinen thaj implementirinen o konsekvence.
 
Odoleske si amen hoš kaj amen sar IRU te sikava amari notacia ko faisali akale problemeske.

O IRU asavke situacienge ka len akcie thaj kerdi IRU Resolucia, Operativno Strateško Programa taro IRU so si dende an o UN thaj EU thaj udžarela pe olengiri realizacia.
 Te notirina kaj o IRU angleder duj berša dengja idea te putrel pe Kancelaria taro Nacionalno Romano Ombudsmano thaj barabutne e ERTF -European Roma and Travellers Forum сofisoa an o Strazbur so si len barabutni koorelacia thaj membro si an o Europakoro Konsilo , ko piro agorutno mitingo an o Helsinki, Finska taro 25-27 mart 2019 phanle kontraktoa thaj aplicirime barabutni inicijativa an i implementacia akale ideake te putrel pe Ofiso bašo Nacionalno Romano Ombudsman ofisea an o Strazbur , kaskiri obligacia ka ovel opservacia thaj suporto e Romane jekhinake an o faisalia ko romane pučiba.
 
Ko agor fakti si kaj avel o periodo an o Alusar Deputatoa an o Europakoro Parlamento , o IRU dela saste suporto thaj apeli ko sa avutne eventualno kandidatia sar Euro deputatia den suporto thaj motivacia sa e kandidatenge kote an o pire programe thaj agende si len implementacia thaj realizacia ko importantno nukte , a odova si mariba mujal o rasizmi, ksenofobia, natolerancia thaj diskriminacia. O IRU ka tergol saste pire kapacitetea . kredibiliteto thaj pire membripaja saste suportoa ki olengiri alusar, a ko jekh ka ovel sako drom an i majodorigutno realizacia ko sa barabutne notirime planoa thaj aktivitetoa.
 
Respektoa
 
Zoran Dimov
Presidento an i Internacionalno Romane Uniake - IRU

FaLang translation system by Faboba

Mangava te vakerav

Momentalno Online

       Isi 111 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali