IRU

O Magisteri Jurisdikciakere naukake o Željko Šajn inicirinela "Misia Kontakt point" Ombdusmano teleperavde kategoria manušenge - Roma

Ko vakti tari parlamentarno sesia taro IRU so sine ko Skopje ko 28 thaj 29 juni ko kotor taro "Publik Hiring" anglal o manuša o IRU membro Željko Šajn so si magistri aso jurisdikciakere nauke , notiringja i Inicijativa te formirinel pe prekal "Kontakt point" Ombdusmano teleperavde grupa dizutne majbut e romenge. Ov ki piri inicijativa maškar aver notirinela:
„ Dži kote džaja aso institucionalno informacie ko diferentno internacionalno institucie sar so si o Govermentia thaj parlamentoa i ilustracia si but bilači situacia : teleperaviba e manušikane niamenge thaj diskriminacia si but bari.

Te šaj resel pe o manglo fokuso : vazdiba o nivelo taro napahgiba manušikane niamia, taro Roma, thaj trubul te keren pe reforme an o institucie sar vertikalno agjaar em horizontalno nivo ko respektiriba odola niamia maškar o importantno politikane subjektoa thaj i Internacionalno romani Unia - IRU so si kotor taro UN thaj representirinel e Romen ko sa o nivelo thaj kolaboracia maškar e EU thaj aver uče internacionalno importantno instuitucie.

I obligacia so si anglal amende thaj si o akanutno Ombdusmano sar an o lokalno, nacionalno thaj internacionalno nivelo te ovel panda majefikasno. O faisalkeriba si te konektirinel pe ko ekspertsko ofiso sar so si "Kontakt Point" Ombdusmano romane pučipaske.

Akava mehanizmo ka ovel aktivno sar deiba konsiliaro em ofiso an o europakoro, nacionalno thaj lokalno Ombdusmano so ka kerel majsiga intergrativno procesi ko sasoitnipa, a odolea thaj akala problemoa , sar so si egzamplo o Balkan so nane te ovel čhinavipa ko eurointegrativno procesoa e themenge so roden membripa an i EU.

Te sine amen ki opservacia o Ombdusamno pire bukjaja ka anel buvljaripa ko respektiriba , o tromalipa thaj o niamia e dizutnenge palo odova konekcia tari " Misia Kontakt point" si čačutno antvorto ko but nafaisalkerde pučiba so avdive kera aktivitetoa.

Ki konsultacia uče ekspertoncar taro krisia em sistemi sar so si o Melenk Kreč, kriso aso internacionalno jurisdikcia , e akademikoa taro MANU, o Vlado Kambovski thaj avera persone , so savore akharena pe ki internacionalno konvencia ki protektiva e minjoritetenge so si akceptirimi taro Konsilo e Europakoro , thaj dikhena kaj akava ka ovel lačho momenti sar e romane jekhinake thaj e saste sasoitnipaske.

Normalno ka trubul seriozno buti so ka kerel antvorto ko buteder pučiba ki konekcia akale mehanizmoske.

Ko agor tari piri presentacia o Šajn citirinela sine e Nehru so ko 1961 berš ko Beograd, ko vakti tari konferencia taro biathinale thema kana sine ki visita e romane mahalake Marinkova Bara. O Tito vakergja leske kaj odothe dživdinena Roma kote so o Nehru vakergja leske: " E khame si le buteder anava, numa ov rošarel em takjarel savoren jekh a jekh".

O IRU an o piro mitingo angja paket Decizie bašo majlačho tajsa e Romane naciake an i lumia

Ko mitingo kote than lele 51 delegato taro 23 thema akava vikend sine ko Skopje ikergja pe i 5-to parlamentarno sesia taro IRU

Trujal o IRU Membrora odothe than lele Govermenteskere respresentoa, reprezentoa taro politikane partio. Ambasadoria ki Makedonia, em internacionalno membro so si len pire ofisoa an i Makedonia sar so si OBSE- ODIHIR, IOM, Ceo, Europakiri Buvljaripaskiri Agencia thaj avera.

Pire notacia ko putariba trujal o IRU presidento Zoran Dimov sine thaj e Robert Alagjozovski Nacionalno koordinatori kulturake thaj internacionalno konekcia, OE Ambasadori tari Francia Kristian Timonie, Željko Šajn magistri palo pravno nauke thaj notacia an i tema: " Inicijativa formiriba Kontakt point Ombdusamo, o Kristi mihalace tarfo OBSE, Nataša Amdiu tari ERRA eksperto manušikane niamenge, i Liljana Popovska presidento an i partia DOM thaj avera.

O Teme sine: Publik hiring - "Progreso vash antiromani retorika" Trinto Ekspertsko Simpoziumo vash o Holokausto - Tema :" O Romano Holokaust - I Bibaht thaj chachipa vash Romane getoa " Jekhto ekspertsko simoziumi - Tema: "Geneza, chib, kultura, historija thaj religija" - Moderator: Ramush Muarem Romano Biznis Forumo- socio -ekonomikani situacia e Romencar an i lumia:
Ko agor akale duj divesengoro aktiviteto sine ande but importantno decizie bašo avutnipa e Romnege ki lumia a jekh olendar si i inicijativa tari Internacionalno Romani Unia o romano Ombdusmano ofisea ki Ženeva em Strazbur.

Ko avipa e Parlamentarno sesiake taro IRU ko Skopje, o Presidenti Zoran Dimov vakerela: "Miro suno thaj ideali si normalno - Te phagel pe o traiba tari bibaht e Romane naciake"

Ko paraštuj thaj savato 28 thaj 29 juni ko Skopje ka ovel organizatori em ka udđarel e 70 delegaton taro 50 thema em aver misafiria.

Ka diskutirinel pe ko pobuter teme aso i situacia e Romencar ki sasti lumiathaj odoleske ka ikeren pe debate em nekobor naukakere Simpoziumoa sar so si: Publik Hiring: "O niamia thaj jurisdikcia em o Status e romane Jekhinake", Trinto naučno simpoziumi e Holkaustoske thaj Naučno simpoziumi Tema: Geneza, Čhib, Historia thaj religis, em ko jekh Romano Bisnis Forumo.

Odoleske o IRU Presidenti Zoran Dimov aso specifično momenti akcentirinela:
" Me sar IRU Presidento miro suno thaj ideali si odokhare normalno Mangav me sar Rom mire nacijaja te dživdina anb o sasoitnipa kote o intereso e individuakoro , o tromalipa , i jurisdikcia i garvasialipa si majimportantno numa o nacionalno jali themakere interesia.

Odova si fundavutne principia sakone manušeske (em e Romske). Mangav odova minimum te dikhav ko odola thanaq kote savore dživdinaja bizi diferencia save themake kerel pe lafi.

Sako drom dava man godi ki savi forma šaj te džanav o anava taro romane viktimia sakote ki lumia te šaj jekh drom sa vakteske te phaga o traibae nakhavde bibahtenge so sine e Romen ki historia.

Džanav kaj jekh dibe amare čhave em o čhave sa javere nacienge so sine len antipatia mujal o Romaka bešen savore ki jekh mesali phralikani em ka lošakeren jekh a jekh bukjenge , akcentirinela piri gind o jekhto manuš an o IRU.

Avgo drom o IRU Parlamentarno sesia ko Skopje - Avgo Naučno Simpoziumo baši "Geneza, Čhib, Historia thaj religia"

Ko aktivitetia e Parlamentarno sesiake taro IRU ko 28 thaj 29 juni so ka ovel ko Skopje jekh taro aktivitetia ka ovel o darhinalipa e Romengoroolengiri Geneza, čhib, historia thaj religia.

 

Odova si notirime thaj sar jekhto naučno simpoziumo kote pire majneve informaciancar, aktencar prekal piri diskusia thaj presentacia ka keren pendžarde anava anglal savoren

Pire presentacie ka ovel anava sar so si : Vernadra Rishi - India, Dr Trajko Petrovski, o diplomirime etnologo Daniel Petrovski, o Andris Tartats tari Latvia, David Berat, Imer Kajtazi tari Belgia, o Robert Alagjozovski sar Nac koordinatoriki buvlajripa e kulturake .

 

Taro inovativno aspekto pire video presentacie ka ovel e pendžarde anava tari odoja branša sar so si o Ian Hankok tari USAm Rajko Djurić, Srbia, Grattan Puxon tari UK i Nadežda Demetar tari Rusia thaj avera.

 

Akava kotor ka ovel ikerdo na o 28 juniu - Paraštuj ko hoteli Kontinetal.

FaLang translation system by Faboba

Mangava te vakerav

Momentalno Online

       Isi 119 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali