I Internacionalno Romani Unia – IRU akale krečuneske em neveberšeskere baredivesa sine aktivno pire membroncar. Trujal sar majpurani em majbari romani organizacia bilhavgja bahtarina ko neveberšeskere em krečuneskere divesa , reslja em informacia taro IRU delegatoa ki USA o Rein Bear kaj si putardo oficialno IRU Ofiso ki USA, Sebepi i Pandemia taro COVID 19 ko starto ov ka funkcionirinel salde on line em o informacie ka ovend ende prekal e mail taro oficialno IRU.
I lokalcia taro IRU ofiso ko USA si ko Vašington nekobor mile taro Parno Kher ko Central parko . I adresa si International Romani Union - 712 H Street NE Suite 1643 Washington, DC 20002.
Akava si baro sukcesi ko kerdo zori taro IRU delegatoa taro USA. Ko jekh baro sukceso si so i organizacia - Great Conjunction the Global Indigenous Council ko piro Web portalo dengja baro prioriteto e Romenge taro IRU sar aktiviteto ko domorodno jekhibna tari sasti lumia tari Australia, dži ki India, Eurpa. USA em Brasil.
Trujal o kerdo intervju em so si odola domorodno naciue ki sasti lumia sine liparde em o Roma em o IRU.
Ekstra bari sama šaj te dikhen la em ko akava linko taro o Portali Great Conjunction the Global Indigenous Council - https://www.globalindigenouscouncil.com/great-conjunction, kote dengje baro džanlipa e romane naciake em e IRUske em olakere presidentoske o Zoran Dimov, a ko jekh em ko olengoro FB profilo https://www.facebook.com/globalindigenouscouncil/photos/a.844235622609539/1325287114504385/ -
Ko jekh te vakerel pe kaj ko vakti tari presidneteskiri kampanja ki USA o IRU phravde dengja suporto e kandidateske Jo Baiden , Idiva suporto em kontaktoa o IRU kergja le prekal i konekcia taro IRU delegatoa ki USA prekal o kongresmeno Deb Haland. Importantno si te vakerel pe kaj o akanutno presidento tari USA o Joe Baiden akana notiringja e Deb Haland sar Sekretaro andrune bukjenge ki oleskiri administaracia em akana si šukar momento te kerel pe majhor komunikacia thaj kooperacia maškar o IRU thaj o Parno kher.

O žurnalisto Ramuš Muarem – Cirko ko video mesažo baši Inicijativa “Unime ko diferencie akharel te kerel pe uniba ko diferencie sar jekhutno medikamento e riziko nasvalipaske o- nacionalizmi.
O Nacionalizmo si jekh kolektivno jali individualno paranoja . Te mangle te definirina jali ilustririna o nacionalizmo me olate  dikhava sar jekh dilini len so nakontrolirano thavdela kop lo drumo, em te kergjem paralela e vakteskere šartencar em sar so dela biršim , tegani okola majtikne lenjora jali aktia ko sasoitnipa kerel odova nacionalizmo em te bajrol olakoro nivelo tari odoja dilini lenem te kerel bare panjako sa o rogaa kana sa odova ka ovel tegani našavel pe I sasti kontrola em odothe nane buteder iraniba. Premal mande o nacionalizmo si jekh pharo riziko nasvalipe avdive sakote ki lumia.
Me sem preperutno jekhe nacionalnost jali minjoriteto ki akaja them a odova si o Romano minjoriteto. Konkretno mange desisalilo buteder droma upral I funda taro muro nacionaliteto em sar nacionalizmo te akharen man anavencar sar so si “Cigan” jali “Gypsy” soske jekhutne odova si olenge majpaše te šaj direktno jali indirekto te diskriminirinen man jali devalvirinena mlo nacionalčiteto em individualno te peraven man.
Si jekh momento so trubul savore amen te kera ole a odova sit e kera jekh brana so ka regulirinel odola panja taro nacionalizmo. Odoja brana šaj amen te anavekrala sar “Unime ko diferencie” em te kerel čače te ova unime ko diferencie.
Amen trubul te trasirina o drumo odole branake em te arakha o medikamento I terapia. Odova si medikamento em terapija mujal jekh nasvalipe anavkerdo sar Tropofobia”, so ki translacia I Tropofobia si – Dar te trampina amensoske panda na siem hazri te sasljara amen taro akava nasvalipe em akaja fobia a odova si o medimakemono te ova Unime ko diferencie.
Ko agro kamav te vakerav panda akava: Savore trubul te dikha o drumo so legarel ko Unitariteto , thaj te ova savore “Unime ko diferencie”.

Video:

Link: https://civilmedia.mk/video-ramush-muarem-tsirko-site-treba-da-go-sledime-patot-shto-vodi-kon-obedinuvane/