O Roma tari Špania anglal desavo periodi kergje demonstracie anglal italiakiri ambasada an o Madrid sar nota mujal i italiansko mangin te kerel zorale kanonia mujal ilegalno imigracia.
Ola protestirinen sine thaj mujal o atakia upral o Roma taro kavrtia an o Neapol thaj aver dizja an i Italia. O demonstracie ule kana o učo komesari taro UN bašo manušikane niamia Luiz Arbur thaj o papa Benedik 16 dengje kritika dži ko italiansko govermento te kerel kanoni kote i ilegalna migracia ka ovel sankcionirime sar došperavipaskoro akti.
O demonstracie an o Madrid organiziringja i Romani Unia kote vakerel kaj olate si la upreder 700.000 španiakere Roma membria.
Sar džovapi ko dende kritike tari rig taro UN thaj Vatikan oe italiakoro ministeriumi bašo avrutne bukja vakergje kaj akava kanoni nane le nisavi konekciae ksenofobiaja thaj diskriminaciaja thaj si aso o kanonia tari EU.
