Trujal so o Enis Omerovič tari Hrvatska si perfektni siklo, ov na mangel te džal ki škola. " Ola si but bilačhe mujal amende" - asvencar vakerel o tikno Enisi.
O neve amala taro klasi - ov sar so anavkerel na respektirinen le. " Kana ava uzal olende paše, ola palden amen thaj vakeren kote siem but diline roma thaj aver bilačhe lafia" vakerel o Enis. O bilačhe šartia dživdipaske si olengoro sakodivesa. " Akate dživdinaja, duj familie an o akava kontejneri, nae amenge lokheste, bizo kupatilo, bizo pani, i elektrika čhinaven amendar, nane kote te nangjara e čhaven, te kerav hajbaske thaj aver" vakerel i Ensia Omerovič.
Majbaro kotor taro Roma an i Hrvatska dživdinen relativno čorole, a 10% olendar ko totalno čorolipa. Odova si bari barikada an i integracia. Ola dživdinen an o mahale so si izolirime, i inkluzia an o edukaciakoro proceso si ko tikno nivelo, thaj isi tikno rpocento taro bukjarnipa. Isi but buti te šaj avel dži ko trampe e situaciake" notirinel i Lora Vidović, obdusmani. O obdusmani persi berš resle 263 aplikacie bašo telepravipa manušikane niamia. Prekal o raporto taro Eurobarometar an i Hrvatska sako trinto manuš si čhivdo an i diskriminacia. " Me kamav te vakerav kaj na valjani ola te oven asavke premal mande, soske amen da siam manuša sar ola" vakerel o tikno Enis Omerovič
Pobut an o linko: http://dnevnik.hr/vijesti/hrvatska/potresna-ispovjest-malisan-place-i-od-straha-ne-zeli-vise-u-skolu-oni-su-prema-nama-jako-bezobrazni---419419.html
