Ko beršeskoro nivelo plo nevo kher an o stranstvo arakhena maškar 10 dži ko 15 romane čhave so bahtale dživdinena plo dživdipa ko jeria so si len lačhi buti thaj dživdinen majlačho standardi.
Pobut taro 700 paria an i Srbia udžarena te posvoinen čhaven numa ni jekh namangel thaj nane hazri te posvoinel romane čhave.
O avutne kandidatia bašo posvoiba nakhen sa o procedure numa si salde deš lhave so šaj te oven posvoime thaj si asavke save so mangen o avutne posvoitelia. Numa jekh si sigurno maškar odola čhave nane ni jekh romano.
O avutne posvoitelia roden majbut o čhave te oven saste, bizo pobare sastipaskere problemia, thaj ma te oven romano nacionaliteti.
E tikne romane čhave na mangen te posvoinen soske daran tari reakcia so ka vakeren o aver manuša, thaj ola mislinen kaj e romane čhaven but si phareste te vospitinen pe numa taro javer čhave. O jeria ikaven pe lafencar kaj na mangen te posvoinen romane čhaven, soske nane te oven kamle taro trujalipa, thaj o aver čhave nane te mangen te khelen olencar
I procedura taro posvoibe nane komplicirimi., numa o komplikacie ovena soske o socialno bukjarne alusaren keren rejtingo ko jeria so roden tikne čhaven.
E čhaven šaj te posvoinen prandime thaj naprandime partneria, thaj o kanoni mukhel te posvoinen pe thaj individue.
An i Srbia e čhavenge so posvoinen pe rodena jeria so nane len ple čhave. Ko jekh o mukhle čhave na arakhen ušharin ple šereske soske but tikno numero Roma mangen te posviene tikne romane čhaven.. Sebepi akava o tikne romane čhave but drom khuven ki lista baši procedura ko posvoibe ko stanstvo, thaj neve jeria arakhen an i Amerika, Švedska, Grcia, francia thaj aver thema.
