Saranda historikane fotografie si tasdivi - svedokia taro o Romano genocid, diskriminacia, thaj meripa ko vakti taro Dujto lumiakoro maripa an i Europa.
Isi darvutne fotografie so sikavena o genetsko diference maškar o Germanco thaj o Rom.
O Holokausti upral o Roma an i romani čhgib si la pobut forme sar so si - Holokosto, Porajmos, Porrajmos jali Pharrajimos. Ko Balkani nesave manuša thaj Roma angje decizia e anaveske - Samudaripen.
O korkoro paldiba e Romengoro prekal i historia startujnel panda angleder 1000 berša taro Isusi kana o sultani Mahmud taro Gazni džala majodorig prekal i ofanziva taro Džingis Kan thaj Aleksandar Makedonski ko thana tari nekanutni India.
O Hitler plo paldiba e Romen startujnel panda ko 1934 berš kana o avgo Roma si deportirime an o logoria ko Dahau, Dieselstrasse thaj Sahenhausen kote kerne olenge kastracia thaj sterilizacia, statujnen taro 1936 berš ko vakti taro Olimpisko khelina an o Berlino.
Sar so akcentirinen o informacie odoja sine avgo grupa taro Sinti thaj Roma so gejnen sine paše 500 džene.
Taro 1940 berš startujnel thaj ustavno deportacie Romenge taro Germaniakoro Rajho an i teganutni okupirimi Polska. taro tegani satrtujnel jekh taro majdaravutne deportacie thaj mudaripa upral o Roma an i Europa.
Pobut fotografie thaj teskti an o linko: http://www.blic.rs/riznica/istorije/potresne-fotografije-ante-pavelic-s-romima-koji-su-isti-dan-pogubljeni/cbcde8k
