O profesoria thaj direktoria taro škole an o Napoli ko kavrti Tore del Greko ko trintodi protestiringje mujal okova sar so vakerena "nacivilizirimi" decizia baši dislokacia e Romen taro kampia kote mukhena e Romane čhaven ko riziko te na džan an i škola.
O dekreto baši dislokacia sine dendo "bizo angleder arakhiba alternativa" sar so si an i regulativa tari Europakiri Unia" notirinel pe ki vaktavin taro o direktoria Maria Hose Abilitato, thaj Lucia Massimo thaj o profesoria G.Falcone - R.Scauda thaj G.B. Angiolleti.
"Ko anav taro 5 romane familie thaj 8 romane čhave so džana an i škola akharaja e dizjakere ofise te čhinavel i akcia thaj te arakhen adekvatno thanjaripa" vakerena ola.
O profesoria akaheren e dizjakere ofiso te "mukhel e romane čhaven te agorkjeren pli edukacia sukcesiale o edukaciakoro plani te šaj oven sikcesiale integririme"
I decizia taro Kriso so si taro 2 aprilo so sine andi kote vakerela pe kaj o Roma trubul te dislocirinen pe korkoro majpalune dataja 12 aprilo, thaj te na kergje odova ka valjani zorea te palden olen odothar.
O profesoria sikavgje plo revolti akale deciziake sar so vakeren indirektno distanciriba thaj hulavipa e Romen thaj olengere čhaven so si len niami ko dživdipa, edukacia thaj integracia.
" An i agorutni decenia sa okola romane familie so mukhena pe čhaven an i edukaciakoro procesi sikavgje sensi taro džovaplipa" vakerel pe ki vaktavin.
"O šhave so dažana ki škola a si tari Romani jekhin, but drom sikljona bizo lila, numa sikavena baro progresi an ie dukacia" akcentirinen o profesoria.
"Amen sar profesoria apelirinaja te kerel pe afirmacia e kulturake, integraciake thaj toleranciake sar maripa mujal o stereotipia thaj segregacia"
