I marginalizacia e romane minjoritetenge thaj phravdi natolerancia mujal olende si o majbaro problemo ko umalja taro manušikane hakoja an i Bugaria, akcentirinel pe ko kotor taro raporti e Bugariake tari rig e Stejt Depratmeneske taro USA, baši i situacia e manušengere hakoenge an i lumia ko 2015 berš.
Kontinuirimo bibahtalipa taro mediumia thaj bajraripa i korporativno thaj politikani independienti taro mediumia ko jekh si problematično persi berš, notirinel pe ko dokumenti havljardo ko sajto taro Stejt Departmeni.
I korupcia džala majodorig te čhinavel o takati taro Govermenti te randel i pakjiv premal o bizniso an o kriso thaj aver govermenteskere institucie notirinel pe ko raporti.
O Stejt Departmenti akcentirinel i religiakiri diskriminacia thaj o maltretiriba an i Bugaria thaj liparel o antimuslimansko demonstracie.
Ko raporti tergjola thaj o kišlo procesi an i integracia e migrantonge thaj i politika mujal olende, bašo alusaribaskere malverzacie , terori upral polovo funda thaj diskriminacia upral o romnja, terori upral o čhave, biznisi tikne čhavencar thaj diskriminacia upral o minoritetia kana valjani te khuven ki buti.
