Taro 10 dzi ko 18 .02.2016 bersh an o Nju Delhi - India ka ikerel pe internacionalno konferencia e Romenge. Ki odoja konferencia ka oven astarde o teme taro antropoloshko, socioloshko, chibjakoro thaj kulturakoro identiteti e Romenge.
Plo than prekal o havljarina ka len but eminetno manusa tari pli sfera. Ko jekh ka oven dzene eminetno taro sasoitnikano, politikano thaj kulturno dzivdipe tari India.
Trujal odova sa e lumiakere organizace so kerena buti an i Romani problematika ka len than an i akaj bari konferencia an i India.
Planirime si taro 10 dzi ko 14 .02 te ikerel pe i konferencia, a palo odova dzi ko 18.02.2016 ka kerel pe vizita taro kulturno thaj dzanlipaskoro aspekti, sar so si vizita an o Djajpur, Pendjap thaj o Chandigar. Palo odova ko 18 thaj 19.02 ka ovel an o Bangladesh - Daka Internacionalno festivali taro literatia.
