Ko 9 thaj 10 dekemvri 2015 berš an o "Salon 19 19" an o Skopje thaj an o Tetaro an o Kumanovo khelgje pe duj drame taro forumu teatar "Probin mire menie" an i organizacia tari dizjakiri organizacia HERA, NRC, Dendo Vas, Nadež thaj Kham - Kumanovo.
I resarin akale teatarsko perfomanseske so khelgje olen amatersko aktersko ekipa, sine prekal kreativno čhani te vazden o nivelo tari ampatia ko sastipaskere bukjarne jekhe rigatar thaj avere rigatar i romani jekhin. . An i trampa an o narativia premal o pacientia Roma, te lačharel pe i komunikacia thaj o nivelo tari konekcia an i relacia Roma thaj o doktoria.
Ko khelipa e teatarsko performanseske an o Skopje thaj Kumanovo than lele ginekolozia, doktoria, medicinsko personali, membria taro Institucie taro javno sastipa, dizjakere organizacie thaj roma taro akala duj dizja.
O forumi e teatarsko sine alusardo sar forma sebepi trujal i interakcia e publikaja te bičhaven pe informacie te trampinen o legaripa premal o pacientia. Prekal i diskusia thaj aktivno lejbe than i publika kotor taro dikhutnie thaj o akteria, sine konstatirime sine bari presia taro duj riga te resen pe o resarina. Prekal o khelde sekvenceo sastipaskere bukjarne thaj o Roma detektirime angje deciziaso avel dži ko konfliktno momentia.
Sar mesažia taro forumi thaj o diskusie konektirime si edukaciakere programe te šaj te ovel narativno medicina sar majlačhi komunikacia. Prekal zapendžaripai kultura thaj o tradicie ko Roma, o doktoria ka buvljaren adaptacia premal kulturno navike e pacientengere.
O kheliba e tetarasko forumeske "Probin mire menie" sine kotor e proekteske baši trampa ko narativia ko sastipaskere bukjarne premal o Roma pacientia, kote taro april 2015 berš sine kerdo rigatar tari HERA ko butikeripa e Nacionalno Romane Centarea (NRC) , Dendo vas, Nadež thaj Kham - Kumanovo . Ko pervazia akale proekteske sine realizirime ofisia bašo senzitiviteti e sastipaskere bukjarne thaj ikergja pe fokus grupa membroncar tari romani jekhin thaj medicinakoro personali. Sar rezultati akale aktiviteteskesine buvljarde strip posteria ki trampa e narativno thaj aver stereotipia premal o pacientia Roma, so arakhen pe sine ko ordinacie thaj sine sikavde an o mediumia
