Ko 5 fevruari akava berš an i Unevierzitetsko libroteka "Sv Kliment Ohridski" an i Bitola ikergja pe promocia e lileske " O Gjuptino Otele" taro Blagoj N.Nikolov, bukjarno an i odoja nacionalno institucia kote si kerdi thaj i promocia akale lileske.

Akana na khuvava an o opuso e autoreske akale lileske thaj džiakanutni buti, kote trujal so hramosarelakerle thaj režia teatareske thaj aver. Odova sikavel kaj si pendžardo bitolsko intelektualco thaj kulturno bukjarno.

Ko rodaripa palo interesno detalia e kultno filmenge so an i peste si romane tematikaja., avel pe interesno informacia. Premal o pendžardo profesori Rajko Đurić - Rom taro Beograd, so sine thaj paše an i realizacia e duj kultno filmenge sar so si "Dom za vešanje" taro Emir Kusturica, thaj "Skupljači perja" taro Saša Petrović.

Ov vakerel kote o filmo " Dom za vešenja" si filmi bašo preperipa e Jugosalviake, kote sine jekh forma sar i Jugoslavia si jekh Kher humlavipaske, thaj tharibaske, sa dži ko ni peravde la. Premal o Đurić buteder ni havgje i metafora thaj kergje konekcia e romane dživdipaske.