Ko korkoro start “Bajtalo 8 septembro biathinalipa amare themake. Nakhle 30 berša em čudoske pada kera akava dive, Bijandili i Republika Utarali Makedonia definirimi sar biathibnali, suvereno them jekh a jekh bašo sa o nacionalitetoa so dživdinen. Ko akala 30 beršasar funkcionirinel u them resljam epiteti “Phanli them” em “diktirimo sistemo” pherdi korupcijaja kote majanglal čortela pe sine rojaja, posle lopataja akana buldužerea.Nane jurusdikciakoro sigurteto nane ambienti em lungo planiriba. Nane konkursi ki them so nane mestimo. Nane tender so angleder nane phanlo e klientelaja bizi diferenca ko si ko legaripa.
Tari odoja them ko nakhle 30 berša majhari 25& našle tari them. I Makedonia phareste ačhola ko pire pre. Daravutne si so olake panda vakeren importirime respiratori, importirime kislorod te deodoblokirinen o politikano procesi. Em panda aver! Lačhe si te ovel pe ko NATO em EU ama nane garanca kaj i Makedonia ka čahol ko pire pire. Valjani pobuter odolestar, A odova si i Republika Utarali Makedonia valjani te ovel la piro digniteto. Ama oleste panda “NANE!
