O persone so lena socialno ko Niš šaj ka oven bukjarne angažirime sar komunalno redaria so ka kontrolirinen o respektiriba taro Kovid protektiva, I dizjakiri šerutni ko Nish i Dragana Sotirovski vakergja kaj akana diskutirinena ko Centro socialno bukjenge te angažirinen e bibukjarne manušen so lena socialno sar “Kovid - čuvaria”
I A 11 - Inicijativa ko ekonomikane thaj socialno niamia sikavela piri sevdža sebepi akaja retorika taro dizjakiri šerutni taro Niš soske te čhiven pe ki buti dizutne so lena socialno si sar zorea čhivde ki buti em odoja buti nane pukjimi - ka keren buti bizo love.
Asavki forma bukjarnipa ka rezutirinel e bukajkere eksploataciaja okola so lena socialno, a asavki buti kvalifikujmi si sar zor buti em phagel pe o Ustavi e themakoro.
