I zamenička giljavutni e Esmakiri i Eleonora Mustafovska barabutne pe romea o Olivier Boni phravgje lipar apartmani ko Brisel sar respekto primal I Esma thaj o Stevo . Olengiri organizacia “ESMA- CARREFOUR DE CULTURES”, so sine šerutno organizatori akale performanseske sine len ko plani te prezentirinen akava proekti ko pobuter dizja ki Europa.
O Simeon Atanasov so si jekh taro čhave tari Esma thaj o Stevo so bajrakergjele em sine menađeri đi ko agor e đivdipaske tari Esma sine inicijatori akale proekteske.
-Bare čalipaja informirinava kaj ko Brisel ko jekhto oktomvri ka phravel pea kava lipar apartmani e bare artsitonge thaj humanistia I Esma thaj o Stevo Teodosievski. Ki akaja idea motiviringja ma miro načalipa taro akava momentalno legaripa ki miri them so na sikavgja nisavo interesi bašo o muzei tari Esma thaj o Stevo so ola kergje le ki Makedonia.
-Miri idea nane te ovel sine realiteti bizo o baro suporto taro o rajo Olivier Boni thaj oleskiri romni I Eleonora Mustafovska . Olengiri organizacia “ESMA- CARREFOUR DE CULTURES”,so si šerutno organizatori akale performanseske si la ko plani te kerel prezentacia akale proektoske ko pobuter dizja ki Europa – vakerel o Atanasov.
Vakerel kaj ko Brisel taro 1 đi ko 15 oktomvri ka oven eksponirime fotografie, nekobor fustania so I esma legarel len sine ko koncertia, nakit o agorutno lil taro autori o Slave Katin thaj aver bukja.