Ki bari jag so idž erati ko rakjakere saatia so sine ko khera taro 10 dženengiri familia an o Šuto Orizari si phare ratvarde duj murđa taro 32 thaj 34 berša, ki mangin te kurtalinen averen bidžanlipaskoro kaj i familia nane khere, resle phare ratvarina thariba thaj o duj murša si ki phare dživdipaskoro riziko, thaj si čhivde an o aparatia ko hospitali Sv. Naum Ohridski an o Skopje. Aktivitetia baši sanacia thaj dejbe arka startujngje thaj o politikane subjektia. O Konsili e Komunake Š.Orizari angja decizia te del lovengiri arka akale familienge, thaj ko Jjekh o deputati Amdi Bajram, thaj dizjakoro šerutno e komunake Elvis Bajram, sine le dikhiba e dizjakere šerutnea tari diz Skopje, thaj angje decizia i diz Skopje thaj o Koce Trajanovski hulaven love bašo arka e familiake Riza.

O thardo kher tari familia Riza ko thavdipa taro eratuno dive reslja thaj vizita tari rig e pratiake SDSM so akahrgje ki dizutnengoro solidariteti thaj arka taro institucie. E 10 dženengiri familia so ačhile bizo kher ko akala šudre divesa nakhaven len akana ki paše familia.

I opservacia thaj kontrola thaj sar uli i bari jag trujal so o komšie thaj i paše familioa vakerel kaj odoja uli tari grealka. 

O duj khera si taro duj phralja kote jekh olendar si avrial an o stranstvo

fShare

Tweet