Ko vakti tari pli butederdivesengiri bukjarni vizita an io Norveška thaj Švedska, o IRU Prezidento Zoran Dimov barabutne e IRU delegatoa tari Švedska o Stefano Kuzichov sine misafiria an o Romano radio an i Švedska kote sine len buteder minutengoro intervju. Ola an o vakti taro intervju sine len šajdipa te sikaven o aktivitetia taro IRU.

O pendžarutno Internacionalno Romano festivali "Khamoro" akava da berš ka ikerel pe taro 29 maj dži ko 4 juni an i Parga - Čehiakiri republika, kote organizatori si "Slovo 21 Stdio Produkcia Saga", telal o legaripa e timeske taro Džemil thaj iu Jelena Silajdžić.

Ko akva pendžarutno romano festivali sako berš than lena majpendžarde romane artistia, muzičaria thaj aver ki diferentno programsko agenda. Sebepi so isi la lungo tradicia an i afirmacia e kulturno identiteteske taro Roma, i Internacionalno Romani Unija - IRU thaj olakoro prezidenti Zoran Dimovdena piro sasto suportoakale festivaleske. Odoleske thaj o organizatoria bičhavgje invitacia - akharin an o akava festivalo kote plo lafikeriba ka ovel thaj e prezidente taro IRU o Zoran Dimov.

Ko vakti tari pli oficialno bukjarni vizita e Švedskake , o prezidento taro IRU Zoran Dimov barabutne e IRU delegatoncar tari Švedska Stevo Kuzhicov, Gregor Julson, Rosita Gronfors, Ajten Berlafathaj Stefan Palison. sine le dikhiba e šerutne pastorea tari  i Internacionalno Romani Evangelistikani Misia - I.R.E.M. o Lars Demetri. O Lars Demetri  ko jekh si aktivisto eksperti  an o Švediakoro Govermenteskere referentia thaj ekspertia an i grupa bašo buti keriba ko Romane pučiba an o nacionalno than internacionalno nivelo.

An o intervju baši http://romi.hr/vijesti-rnv , e jekhto Gen.sekretari an o IRU taro 1971 berš , o rajo Gratan Pukson , maškar aver informacie sine pučlo an i konekcia paralela e romane aktiviteteske taroi 1970 thaj avdisutno periodo? So si o resarina taro aktiviteto avdive. So si o decizia ande ko 10-to IRU Kongresi an o Skopje ko mart 2016 berš, ko 45 berš notiriba taro ikerdo Jekhto IRU Kongresi?