O prezidiumi taro IRU , naachavel ple aktivitetia thaj mitingia an o Brisel. Palo mitingo e membroncar thaj ofisia an o Europakoro Konsilo thaj Europkairi Komisia, o Prezidenti taro IRU Zoran Dimov, barabutne e Stevo Balog Prezidenti taro IRU Parlamento thaj o viceprezidenti an o IRU Aguš Demirovski idž erati pali akahrin tari Romani organizacia "Romano Djivdipa" an o Brisel sine len mitingo e membroncar tari akaja organizacia.

Avdive an o Berlin - Germania sine oficialno mitingo maškar o Prezidento e IRU-ske Zoran Dimov, o Prezidento e IRU Parlamentosle Stivo Balog, e specialno ambasadorea thaj membro ki relacia e jaudiengere organizaciencar Dr Felix Klein.

O rajo Klein notiringja plo baro čalipa an i konekcia e mitingoske e IRU prezidiumea sar so vakergja isi buvlo than bai majodorugutni intezivno buti maškar o duj organizacie an o umalja aktivno kolaboracia ki konekcia o terori ko vakti taro Holokausto, kote majbare viktimia sine akala duj nacie.

Ko pervazia taro aktivitetia thaj butikeriba o Prezidium taro IRU o Zoran Dimov, barabutne e Prezidentea taro IRU Parlamento Stevo Balog, thaj o vice prezidento Aguš Demirovski sine len dikhiba uče membroncar taro Kabinetie Prezidenteske ko Konsilo eEuropakoro o Donald Tusk. Ki mitingo o membria e Kabineteske i Dr Suzana Mihailčova Šutiakova, Fabiene Gejzen thaj Filip Landon, o prezidium taro IRU zapendžargja olen e čhaniske tari funkcia e IRU-ske thaj i strategia bukjake.

Sebepi o duj agorutne incidentia tari rig taro napendžarde persone (angleder jekh kurko frdimi bomba an i avlin romane khereske a idž erati thardo kher tari javer romani familia) ki zagrebsko romani mahala Kozari i Internacionalno Romani Unia thaj olakere membria tari Hrvatska thaj Slovenia o Kasiero taro IRU Veli Husein thaj o viceprezidenti taro IRU Jasmina Ahmetaj thaj i korkoro organizacia rodingje tari Hrvatska pobaro džovaplipa thaj arakhiba faisali te čhinavevn pe akala atakia upral o Roma.