Pobut taro 100 romane familie so sine zorea selime tari mahala Belvil an o Beograd, angleder 3 berša majodorig panda dživdinen ko metalno kontejneria ko bilačhe šartia, trujal rasna segregacia, a i Europakiri Komisia dengja love bašo olengoro seliba vakeren ko raporto taro Amensti Internejšnal.
O proekti kote e Europakiri Komisia hulavgja pobut taro trin milionia eura porpele sebepi i kombinacia tari birokratia, nadžanlipa inertnost thaj diskriminacia vakeren an o raporto taro Amnesti Internešnal an o proekti te selinen pe o Roma taro nahigiensko mahale.
Dopherel pe kaj e dizjakoro legaripa vakergje e romane familienge kaj nane len love te keren lenge khera ka ačhoven ko kontejneria te na i EU del olen panda love.
Ni jekh taro neve blokia so valjani sine te tamikeren pe ko pervazia e proekteske nane ikerdo, trujal so o legaripa taro Beograd lelja i savala thaj lele 3,6 milionia eura tari EK, o Roma majodorig panda bešen ko kontejneria , dur taro škole, komunalno ofisia thaj bizi buti.
