Akala divesa aktielno si o Olimpisko khelina an o Rio, Brasil. Dena pe somnakaeskere, rupikane bronzeno medale thaj sertifikatia ko Olimpisko khelina bašo majšukar sportistia.
Numa i mania taro medalia astargja thaj desave amaren (BARE romane aktivistias thaj agjaar anavkerde romane lumiakere lideria).
Anglal desavo periodo prekal socialno netvorko FB o 2hiperaktivno" romano aktivisto o nevonominirime thaj panda majsig čhudimo IRU delegato tari Germania romansko - bosansko nacionalitetea i Daniela Irina Hamidović Magureanu počmingja ple "Live stream debata" thaj aso olakoro vokabularo thaj stili tari konerzacia startujngja "kanonada" taro došakeripa thaj anti kampanja mujal o IRU thaj olakoro presidento o Zoran Dimov.
Palo nekobor kerde debate thaj jekh baro kupo arakhle "Bare anomalie" bašo nesavo kerdo kriminalo.
Sar so dikhela pe i Daniela iklili sar "majgogjaver" thaj anglal o avera IRU delegatia so si len lungo thaj majbaro džanlipa ko romano aktivizmo. thaj sikavgja detalia kote aso aver taro IRU savore sine "korore, kašuke, diline thaj naelokventno" .
I Irina akale debatencar iklilo kaj sikavgja pe kote si "majgogjaver, majphravdi, majintelegentno thaj majimportantno" persona an o IRU.
Ko ple "Live stream debate" an o FB šubikerel sine thaj kerel sine verbalno atakoa bašo premal olate kerde kriminalia, lovengoro čoriba thaj aver tari rig taro Zoran Dimov sar aktielno IRU presidento a indiriektno kergja devalvacia o kredibiliteto thaj taro aver membria an o IRU.
Čhudel sine "tari baj" šubikerina , a ko odova momenti na sikavgja ni jekh dokumento, liloro, fakti thaj aver numa salde verbalno ko stili " Vakergjum tuke - vakergjan mange"
Savorenge akana si džanle kaj i Daniela si jekh forma homosapienso konfliktno karakterea , so majbut mangel te "tračarinel thaj oj sa džanela" numa te kerel buti ko romano aktivizmo thaj afirmacia.
Keribaja dži akanutni paralela ko kerdo aktivizmo thaj romani afirmacia te vakera maškar o Zoran Dimov thaj i Daniela Hamidović odova si jekh a jekh sar "Devel thaj šeširdžia"
Nzuma fakti si kaj o "šeširdžija" i Daniela kasaja astargja pe te kerel kolaboracia, barabutne aktivitetia thaj aver palo desavo periodo sine čhudimi ki rig. Soske? Oj majšukar korkoro džanela!
E akana te dikha so sine o motivo tari Daniela bašo asavko kerdo komunuikacia prekal o FB tari rig e Danielakiri mujal o IRU thaj o Zoran Dimov.
Palo desavo dive ko piro FB profilo i Daniela sikavgja i somnakaeskiri medala resli tari rig taro Joja Damjanović (O BARO romano aktivisto thaj korkoronominirime presidento an i Romani Lumiakiri Organizacia taro Beograd)
O Joja barabutne e Bajram Haliti, pendžardo romano aktivisti, piblicisti, lingvisti, humanisti, filantropi thaj aver nominacie, e Danielake dengje SOMNAKAESKIRI medala "bašo tračariba"!
Upppssss pardon, keriba zum majpaše dži ki medala si bašo lendo angažmano sebepi notiriba o 2-to Avgust dive taro Holokausti.
Jojo care, čače lačhe dengjan tut godi te de somnakaeskere medale. Akaleske bange ka avel thaj e Tomas Bah o aktuelno presidento ko Internacionalno Olimpisko Komiteto.
E akana si klar dikhlo sar kristalno kugla bašo baiba si i intencia tari Daniela Hamidović. O timi taro Joja Damjanović thaj Bajram Haliti thaj olengiri Marioneta ... opsssss pardon Magureanu sine len phravdi intencia , te keren devalvacia taro IRU thaj o timi mujal o Joja thaj oleskiri Romani Lumiakiri Organizacia , thaj o malverzacie taro Joja em 2 milionia eura čorde love baši reciklaža te kerel plo privat kher.
E akana o maske pele. Akana savore džanena savi si i Daniela, so kerela buti.
Bravo Daniela !
E somnakaeskiri medala bašo "tračariba" geli ko čačutne vasta.
Sastipe e devlestar dži ko aver avutno olimpisko cikluso.
