Biav taro 40.000 eura, hiti an o internet netvorko: O biav sine trin divesa, a hardžingje pe but eura, somnakaj thaj bale...

Eva (19) thaj o Lukaš  (20) taro Mihalovice , doz an i purabali Slovakia ule čačutno internet čerenja sebepi o luksuzno biav kote sar so notirinen našti resel len ni o holovudsko čerenja thaj aver.

 Olengere biaveske na šparinel pe sine  ekstra e modno kreacie e bojrake kote i diadema so sine la an o šero sine 3.500 eura.

Pali lipardi diadema ko jekh den pe sine love po 50 eura numa odova sine hurdipa okoleske savo bakšišo dengje e muzikake.

O muzičaria sine ande tari Britania thaj sine lenge dende bakšišia taro 100 thaj 500 eura a e bojra redinen la sine love sar neveberšeskiri elka.

E Slovakiakere mediumia havljargje akaja informacia kote an i prandin tari Eva thaj Lukaš sine taro paraštui dži ko palokurko, barabutne e 80 misafirencar kote o biav sine planirime anglal nekobor masekoa thaj sine dende majhari 40.000 eura bizo okova so sine dendo sar bakšiši so e bojrake so e muzikake. Te dikhlja pe prekal mediumsko notiriba so reslja akava biav an i Slovakia siklile te dikhen asavke luksuzno prandina.

Akava mukhel than te šuča amen so bi vakeren kana ka dikhen o aver majbare biava so hardžingje buteder lovem, nego akava biav.

 

Pin It
FaLang translation system by Faboba

Сакам да речам

Momentalno Online

Имаме присутни 92 посетители кои го читаат ROMATIMES.NEWS

Golden Wheel - Entry Application Form

o Vakti

 booked.net

Најпопуларни

Flag Counter

Нашиот бројач брои од 13.01.2019
Брои исти посетители од кои земји го гледаат нашиот портал
Најдоле има вкупно колку е посетен порталот