O Romano fudbaleri Emil Abaz majšukar an i reperezentacia ki viktoria upral Azerbejdžan rezultatea 2:1

I reperezentacia tari Makedonia dži ko 19 berša viktoriringja 2:1 e reperezentacia taro Azerbejdžan ko dujto kontrolno meči kheldo maškar o duj reprezentacie ko centar " Petar Miloševski"

O rivali majšukar khuvgja ko meči thaj ki ebnjato minuta dengje goli thaj legargje 1:0. O Farid Nabiev istemalkergja o feleri taro paluno kotor e reprezentaciake thaj reslja te del goli ple selekciake.

 

Ko thavdipa e mečeske o terne fudbaleria tari Makedonia konsolidiringje pe . Šukar šanse te den golia sine e Emil Abaz thaj o Milan Ristovski. Ko 39 minuti o fudbaleria taro treneri Jeton Nesimi phagle i zor taro Azerbejdžan. O majšukar fudbaleri ko akava nmeči i romano talenti Emil Abaz dengja goli thaj kergja 1:1.

Dži ko agor taro avgo 45 minutia, o Elif Elmas na sitemalkergja šukar šansa te del goli kana šerea šukar šuturingja numa khuvgja ki stativa.

Ko starti taro dujto 45 minutia i terni reperezentacia tari Makedonia dengja siga goli. Ko 52 minuti o Emil Abaz centriringja tari pozicia uzal o kornerio, a o Elif Elmas šutiringja šerea thja kergja 2:1 e Makedoniake.

 

Pin It
FaLang translation system by Faboba

Сакам да речам

Momentalno Online

Имаме присутни 172 посетители кои го читаат ROMATIMES.NEWS

o Vakti

 booked.net

Најпопуларни

Flag Counter

Нашиот бројач брои од 13.01.2019
Брои исти посетители од кои земји го гледаат нашиот портал
Најдоле има вкупно колку е посетен порталот