Antigypsyism

Ni jekh na esapinel e Romane kampeske Đungla an o Paris

O migransko kampi an o 18-to kvarti an o Paris si čorolo kvarti kote majbaro numero taro migrantia si Roma. O kampi si taro šatoria thaj aver improvizirime khera. O hali an o kampi si but bilačho , dživdinen telal sako nivelo melalo pani, thaj hari elektrikani energia. O trotoaria si pherde gunoencar, ko droma isi rikone. O dizutne so si ko pašipa e kamposke vakeren kaj na sine len dži akana problemia e Romencar O gazda tari jekh dukjana mareske ko pašišpa e romane kamposke notirinel kaj ni jekh incidenti na ulo dži akanae migrantencar taro kampi thaj del arka kobor šaj numa o legaripa e dizjake Paris na iranel pi sama akale čorole kamposke thaj kvarteske. 

" Mange si mazunipa e manušenge, I diz Paris šaj arakhel faisali e problemeske te del len apartmania dživdipaske" vakerel o Pol Sputnik, gazda e duukjanake so bikinel maro.

O aver dizutne si sekirime kaj šaj bajrol o čoripa thaj terori sar rezultati tasro romano kampi an o odova kvarti.

"Nane problemi e Romencar, podesavo drom aven an i dukjana thaj trubul te dikha olen te na čoren nešto" vakerel jekh francusko themutno.

O dizutne sa pobut si sekirime taro nahigiensko šartia so dživdinen o Roma daratar ma te ovel desavo baro inficirmo nasvalipa. Premal olende o bukja si avri tari kontrola. Ko jevendaskoro periodi o hali si panda majbilačhe. Te takjon , tharena materiali  so buvljol bilačhi khand.

O manuša so dživdinen ko pašipa e kamposke dikhen kaj na keren šukar buti e Romencar, thaj nane bari sevdža e Parise akale čorole kvartoske. Ola na dikhen desavi perspektiva ko pašipa, vakeren o francuzia taro akava kvarti.

Link - http://sputniknews.com/europe/20151222/1032169635/roma-camp-migrants-jungle-paris.html

 

FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali