Akala dive sar informacia dži ko web portalo Roma Times ali tari pendžardi romani aktivistka tari Italia i Elzabeta Vivaldi so isi an i Italia jali pašeste an i diz Napoli kote o italiakere mediumia na hramonena but.

Oj an i piri informacia personalno i Vivaldi dži ko amaro redaktori (n.z. Ramuš Muarem) hramosargja kaj kamel te informirnel akale akteske te šaj haljoven savore.
Oj akcentirinela kaj o Komiteto e Romengoro an i Italia hor reagirinela bašo akti so sine an o 10 maj an o javinakere saatia ko kampo an o pašipa e komunake Guiliano paše o Napoli kote isi paše 800 manuša kote isi 300 čhave so si majbut Roma tari ex Yugoslavia kote ko javinakere saatia trujal policijsko opservacia startujngja te peraven akava kampo bizo anglutne te vakeren lenge jali te del len alternativa baši akomodacia.

Aso olate akava kampo sine aktivno upreder 30 berša . Ola ko odova sasto periodo sine mukhle korkoro peske trujal o anglutne dende lafia tari komuna Guiliano kaj ka arakhel pe urabnistikano faisali..

Trujal o dendo lafi kaj ka keren sa odova lovencar taro 900.000 eura nikana na kergje konkretno akti bapi irbanizacia thaj aver numa kontra keren sine racie thaj presie upral akala Roma taro akava kampo. Ko jekh ko javinakere saatia an o 10 maj 50 policajconcar avile te peraven akava than.

Akana o Komiteto e Romengoro kerel reakcia kaj o šarti thaj o aktia so si kerde sine nahumano thaj naracionalno bizo te den nesavi aver alternativa bešipaske jali dislokacia.

So ka ovel majodoriga akale manušencar niko na vakerela jali te del nesavo faisali. trujal o rodaripa taro Komiteto jekh mitingo e komunakere majorea dži akana nae nisavo antovrto.

Odoleske del pe akava pučiba: " Si li ki Italia džangavdo o vakti taro paldiba e Romengoro?„

Trujal e hitlereskiri retorika mujal o narkotikia thaj droge i nacistikani Germania istemalkerel sine akala forme te šaj vazdel o takati thaj motivo ko askeri e tabletaja Pervitin ko vakti kana keren sine okupacia e Europake. Odoja tableta sine užo matamfetamini.

Ov ko periodo anglal te ovel le mitingo e italiansko fašistikane lideroa o Benito Musolini ko nilaj 1943 berš o Adolf Hitler sine seriozno nasvalo.

Numa ov našti sine te udžarel pire paše sojuzniko an i asavki situacia thaj o personalno hitelreskoro doktori injektiringja e Firereske medikamenti anavkerdo sar Eucodal - so sine kombinacia taro oksikodoni thaj kokaini.

Numa thaj o korkoro doktori odole fermaja supstanca kergja riziko . Odoja forma trujal i dar akceptiringja al thaj o korkoro Hitler. Numa an o odova akti dikhlja pe kaj i injekcia sine šukare varianta.

O Hitler palo odova sine dujdroma majzorale bizo te šunel so vakeren leske sine aver leskere partenira taro štabi.

O Hitelr na sine korkoro ko odova so sitemakerel sine o Pervitin. Ko periodo kana sine o maripa thaj ko fronti o germansko askeri te šaj vazdel pe lenge o morali thaj motivi lena sine o Pervitin sar bombona.

O buvlo istemalkeriba e drogake an i them na sine sar nevi forma. Jekh generacia angleder i Germania sine učhardi drogaja . sa dži ko momenti kana sar lideri avilo o Hitler kote sine kampanje mujal leiba droge.

Numa kana o Hitler ulo lideri irangja o kurs soske ov da korkoro lela sine droga , thaj asavki decizia ali sar šukare sa okolenge so lena sine droge an i Germania.

Dži ko starto e Dujto lumiakere maribaske o germansko askeria lena sine o Pervitin te šaj majsiguritetno te maren pe ko akcie te okupirinen i Europa. Numa sar nakhela sine odova periodo o takati sar te minimizirinel pe .

Numa o korkoro askeria majdodoriga lena sine o Pervitin sar droga numa salde te šaj ačhon dživde.

Ko akana sig editirimo lil taro Norman Oler "Blitz" akcentirinela kaj akala medikamentia ki teganutni Nacistikani Germania thaj o funkcioniriba taro Trinto Rajh thaj i droga khelgje bari rolja ko olakoro funkcioniribe thaj ačhovipa.

Link: https://allthatsinteresting.com/pervitin-nazi-drugs