Antigypsyism

Ukraina: Jekh Rom si mudardo, a javer ratvarde, konketiribaja thaj jekh čhavo taro 10 berša ko vakti taro jekh neonacistikano atako

Ki jekvaš i rakj ko savato thaj kurko ano 23 thaj 24 juni sine kerdo panda jekh atako tari rig e neonacistikane grupake ko jekh Romano kampo an i Ukraina. Ko atako sine mudardo jekh 24 beršengoro Rom, a sine thaj ratavrde konketiribaja taro 10 berš čhavo.

I policia astargja efta persone. Aso o avgo raporto palal o atako tergjola neonacistikani grupa.

Citește mai departe...

O italiansko nacionalisti Mateo Salvini palem šokiringja: "Bibahtake e italiansko Romen našti te palda"

O nevo italiakoro govermento planirinel te kerel gejnibaskiri statistikani operacia e Romengean i Italia te šaj dikhel pe kobor isi Roma so si legalno an i Italia, vakergja o ministeri andrubne bukjenge o Mateo salvini thaj angja decizia kote " bibahtake e italiakere Romen, našti te palden".

O Salvini si lideri o nacionalistikaner Ligake akcentiribaja baši televizia Lombardia kaj oleskoro ministeriumi dikhela o "romano pučiba" thaj mangelte dikhel "kobor" Roma isi an i Italia. Oleskiri notacia kergja bare kritike tari demokratikani partia soske akaja notacia si sar "etnikani eliminacia" havljaren o mediumia.

Citește mai departe...

Ko si o Ukrainsko neonacistia C14, so paldingje e romane familien thaj thargje olengoro kampi?

Jekh taro aktivitetia e ekstremno nacionalistengiri organizacia C14 angleder 3 kurkesa ki piri FB rig falingje pe kote an i jekh olengiri akcia rezultiringja kaj buteder Romane familie našle taro kampi ko pašipa e thaneske Lisa Hora an o Kiev.

Trujal o phravdo sikaviba an o FB taro desavo Serhij Mazur kote klar dikhel pe sar o Roma našena bizo te len pire šea barabutne e čhavencar thaj aver.

I policia trujal sa na lelja nisave konsekvencer soske aso olende na reslja lenge nisavo akti te keren rodaripa.

Napativali "partner" konekcia.

C14 anavkeren pe korkori peste sar " nacionalistikani" organizacia thaj negirinela kaj si neo - nacistoa . O Vjećeslav Lihačev so dikhel akale ekstremno akcie an i Ukraina pobuter tari jekh decenia, na pakjala ko odova ola so vakerena.

Citește mai departe...

O danda taro Hitler peravgje o miti kaj ov sine dživdo

O rodaripa taro o kotora so ačhile taro danda taro nacistikano diktatoro peravgje sa o dileme kaj o Hitler čače mulo an o 1945 berš.

O Adolf Hitler sine le but bilačhe danda. Odova fakti sine pendžardo dži akana, numa okova so si nevo kaj si arakhlo validno fakti bašo korkoromudaripa e Hitlereske an o 30 aprilo 1945 berš . Timi taro francusko patologia, akana sig resle decizia te keren rodaripa taro nekobor danda taro hitler so beršencar sine arakhle an i Moskva, a sine arakhle an o Berlin ko starti taro maj 1945 berš . Akava si avgo drom rusiakere legaripa te mukhen nekske te rodel akala elementia. I konkluzia taro o ekspertia so sine sikavde persi kurko si klar decidno.

„O danda si autentično - nane nisavi dilema", vakergja o patologo Filip Šarlie e agenciake AFP. "Amare analize sikavgje kaj o Hitler čače mulo an o 1945 berš".

Citește mai departe...
FaLang translation system by Faboba

Mangava te vakerav

Momentalno Online

       Isi 279 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali