Antigypsyism

Zorle sterilizacia: Dživdipaskere storie taro Romane džuvlja an i Čehia

I Elena 47 beršengiri socialno bukjarni sine sterilizirime kontra olakoro mangipa. Oj si jekh taro 4 Romane džuvlja tari Čehia so si viktimi tari namangipaskiri sterilizacia thaj notirinel piri storia an o teatarsko performanso anavkerdo sar " Storie si nikana na startujngje"

I sistemsko sterilizacia e Romane džuvlenge bizo olengoro džanlipa sine themakiri politika tari Ex Čehoslovakia ko vakti taro komunizmo . Sine čhinavdi an o 1993 berš aso Europakoro centro bašo niamia e Romengem numa odoja politika geli majodorig thaj an o 90-to berša sa dži ko 2000 berš , a o agorutno pendžardo egzamplo kergja pe an o 2007 berš.

Buteder taro 10 berša i Elena si aktivno asn i grupa Romane džuvlja so notirinen akava problemo thaj plasirinen le sar politkano plano. Ola sukcesiale keren maripa mujal zorti sterilizacia an i Čehia. Roden finansiko kompenzacia okoleske so kergje. Numa ola notirinena kaj na kerel pe buti salde e lovenge numa te oficijalizirinel pe i doš so kergje upral o Romane džuvlja.

Citește mai departe...

16 maj - Dive taro Romano uštipa

An o 16 maj 1944 berš o nacistia notiringje dive baši eliminacia e Romenge an o romano konc logoro an o Aušvic Birkenau II.  Numa ko vakti te legaren e Romen an i gasno komora ola kergje zoralo uštipa. 

Paše 6.000 Roma kana havgje kaj ka oven egzekutirime aso o plano taro Nacistioa ola phanle pe an o obketo taro Romano konc logoro thaj kergje baro uštipe mujal o SS soldatia. O soldatia ko dendo asavko uštipa korkoro irangje pe.

Akala aktivitetia kergje te notirinel pe majbuvli depata an i reparacia e historikane bibahtalipaske. Dikhibaja akava egzamplo thaj aver asociacie thaj presie upral i reperacuia o romano aktiviteto kerel roi te athinel pe akava akto taro nakhlo historikano vakti.

Citește mai departe...

An i Srbia locirime si 12 thana baši egzekucia, ko vakti taro Holokausto

Palo agorkerdo mapiriba e thanenge tari jekhto faza taro Holokasuto ko vakti taro maribaskiri 1941 berš.

Odola thana si egzekutirime Srblie, Jaudie, Roma thaj avera so mule ko vakti e Dujto lumiakere maribaske.

Palo saste 75 berša rodaripa locirime si 12 thana - lokacie. odola si: Jajnici, Jabuka, Rakovica, Bubanj Potok, Bežaniska Kosa, Deliblato, Šabac, Novi Sad, Kraljevo, Kragujevac, Niš thaj Leskovac.

Citește mai departe...

An o 11 Decembro 1941 berš an o Leskovac sine egzekutirime 293 Roma

An o 11 Decembro 1941 berš tari rig e Germansko askerenge sar nota taro revolti soske sine lake mudarde 3 skeria , ola egzekutiringje 310 leskovčania kotar 293 Roma, 11 Srblie thaj 6 Jaudie.

Ko 5 Decembro blokiringje o romane mahale Podvorce thaj Saat mahala Te na keren panika thaj hohavne i žandarmeria dengja informacia kaj trubul Roma te keren buti pe vagonia soske reslja desavi roba, Taro kher ko kher lele sa so si phureder taro 16 berša Te šaj lena so majbaro numero manuša ola vakergje ko nane te mangel dobrovolno ka ovel phanlo.

Kana an o 11 Decembro agorkergje sa o formalnostia o germancoa ko javinakere saastia počmingje te legaren olen an i egzekucia, I egzekucia sine kerdi an i jekh tikni plain anavkerdi sar Hisar ko than pendžardo sar "Arapsko dolina",

Citește mai departe...
FaLang translation system by Faboba

Mangava te vakerav

Momentalno Online

       Isi 70 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali