O Amnesti Internešnal , orhanizacia manušikane niamenge ki pli vaktavin bašo mediumia editirime an o 24 aprilo 2019 berš vakergja kaj e ukrainsko legaripa panda na angja jurisdikcia e viktimenge taro atako an o kampo e Romenge an o Kievsko parko " Lisa Hora" so sine kerdo an o 21 Aprili 2018 berš taro ultranacionalistikani grupa so kerel promocia tari natolerancia.

"Šungjem zorale deklaracie thaj bibaht taro majuče funkcioneria so dengje lafi kaj ka arakhen kriseskoro agor akale atakoske numa kaj si ola akana palo sasto jekh berš? pučle i Oksana Pokalčukova e direktorka taro Ukrainsko helsinško komiteto.

"Akava so i ukrainsko them kergje ko akava vakti ko agorutne 12 masekoa si dur taro efektivno butikeriba , thaj na kergje but te šaj dena suporto e viktimenge taro akava builačho terori" vakerel pe an i vaktavin.

Palo kerdo atako, o šerutne protagonistoa phravde thaj nagaravde ola sikavgje akala aktia saste bizo te daran a jekh membro e grupakokro kergja peske promocia thataro piro personalno FB profilo.

Ko juli 2018 berš sine notirime tari policia thaj astardo numa ko novembro berš sine mukhlo saso notacia kaj i policia na khedingja but argumentoa kaj šaj te ikeren le panda an o phanlipa"

Link: http://www.romea.cz/en/news/world/amnesty-international-no-justice-one-year-after-attack-on-a-romani-camp-in-ukraine

O Helsinško komiteto an o piro raporto baši situacia e manušikane niamencar bašo masek mart havljarel kaj i Komisia baši protektiva tari diskriminacia zojrakergje fakti tari direktno diskriminacia an i akcepcia lačhe aktivitetoa upral duj persone .Roma taro Art Kafe Aporea an o Prilep upral i funda taro morthik thaj etnikano preperutnipa.

O testiriba e situaciake si metodologia so istemalkerel pe an o aktia tari diskriminacia kote nane faktia so šaj phareste te valorizirinel pe.

Resarinaja te eliminirinel pe asavki diskriminatorsko praktika , sine kerdo testiriba e situaciake an o Art Kafe Aporea Prilep, prekal so testiringja pe i situacia taro kvaliteti thaj komunikacia ko akava kafe bar mujal o Roma , čhijbaja komparatoria - kontrolno testeri - persone so nane Roma.

Kana o testeria avile anglal o Kafe bar thaj aso o scenario testiribaske kana mangle te khuven ko kafe bar thaj te roden pijbaske, anglal o udar taro Kafe bar sine udžarde taro kelnero so na mukhlja len te khuven andre notacijaja kaj nane than. Palo pučiba taro testeria soske našti khuvena an o Kafe bar kana dikhel pe kaj isi tromale thana bešipaske an o kafe bar, o kelneri vakergja kaj sa odola thana si reservirime, thaj vakergja lenge palem kaj našti te khuven.

Aver rigatar , o kontrolno testeria persone so si makedonikane entitetoa vakergje kaj ola da gelean o odova Kafe bar thaj an o udar sine udžarde taro kelneri thaj pučlja olen kaj kamen te bešen dengja len odova than kola so ola mangle te bešen thaj angja lenge o pijba so ola rodingje lestar.

O kontrolno testeria vakergje kaj o kelneri mujal olende sine but korektno thaj kulturno.
Asavko limitiriba e personenge so si Roma tari rig taro Art Kafe Aporea Prilep upral i funda taro etnikano preperutnipa si kerdi direktno diskriminacia upral etnikani funda ki pli buti.

Propozalo: O Helsinško komiteto naiskerel asavki decizia tari rog e Komisiake baši protektiva tari diskriminacia, ando ko kanonikano termini , a upral kerdi test scenario sar metodo te kerel pe fakti kaj isi diskriminacia . Dela pe apel dži ko Art Kafe Aporea Prilep an o avutnipa te mukhel bizo limitiriba e personen taro romano entiteto. Dopherde akharel sa e aver dizutnen so hošinena pe kaj si diskriminirime upral bilo savi funda odova te notirinen dži ko Heslinško komiteto.

Link: https://www.mkd.mk/makedonija/kelner-ne-im-dozvolil-na-romi-da-vlezat-vo-kafule-vo-prilep-utvrdena-e-diskriminacija