An o pervazia an i realizacia akale beršeskere 17-to ko niče Internacionalno romano filemskoro festivali "Somnakaeskiri Rota" an i Kinoteka tari Makedonia avdive an o 4 Aprilo taro 19 o saati ka ovel mukhli i festivalsko perda thaj ka oven havljarde o majsukcesiale ko akava majnevo editirime festivali.

Ka den pe o phursakoa e majternenge so realiziringje o kotor anavkerdo sar "Jekhminutengoro video" thaj o phursakoa taro majsukcesiale an o nekobor kategorie sar so si režia, scenario. muzika, majšukar dokumentarco, Romani strategia thaj specialno phursako taro žiri em i šerutni Grand Prix,

Ko jekh ka den pe plakete thaj Saikerina sa okolenge so dengje piri percepcia baši realizacia akale festivaleske.

O šerutno organizatori sar o anglutne da i SP BTR Produkcia a finasisirme taro Filmsko Fondi e Utarale Makedoniake.

O majaktivno romano art profesionalco Durmiš Kjazim so dživdinel thaj butiukerel an i Belgia panda jekh droma ka prezentirinel piro sasto art kretaiviteto thaj talenti.

Ov taro 5 dži ko 7 Aprilo akava berš an o Brisel - Rue Brogniez 96-100 Anderlecht ka prezentirinel pire majneve upreder biš artikane aktia ko diferentno tehnike sar so si šuko pasteli an o lil, oil an o tekstili, skulpture thaj o maknevo oil an o kašt.

Ov an o akava performansi lel than soske sine akhardo tari grupa art artistoa an i olengiri galeria so legarel o anav '' Le Laboratoire '', kote ola da lena than sar belgiakere art persone a ko jekh thaj tari rig e rajoske Marselo so anglutne si but čalo taro artikano opus taro Durmiš Kjazim sar jekh romano art profesionalco.

Ko jekh akava art performanso legarel anav " Našavde an o koloro" - „Lost in Colours". Aso o notacie akana ko masek juni o Romano Salvador Dali udžarel le panda jekh art performansi.