SP BTR Produkcia pherde tempoa kerel buti em sniminel o dokumentarno filmi baši historia, tradicia, kultura, čhib, em identiteto e Romengoro!

O paketi anavekrdo sar „Del, Rota, Phuv „ pali agorkerdi rusko etapa, akana sine ki Romania em Bugaria.

Sine kerde intervju em lafi so džanen lačhe sa o segmentia taro romano pučiba ki akaja tema.
Ki Romani si snimime pendžarutne ekspertia e romane čhibjake so džanen i romani historia, kulturaem

Ki Bugaria sine kerdo intervju e Romane aktivistoa so si len pire organizacie. Maškar olende sine o pendžardo romano aktivisto o Gjorgje Bakov.

Angleder ko Skopje sine snimimo thaj o m-r Trajko petrovski . Ko decembro planirime si dromaripa an i Švedska em snimiba ko akava kotor taro dokumentarnofilmi.

„Dživdinaja ko vakti kote o dženaze si majimportantno taro mulo, a o bijava si ko avgo than taro o mangipa”, okova so sar uravela pe si majimportanto a na so isi le ki godi. Amen dživdina ko vakti kote so dikhel pe I ambalaža,a na dikhel pe so isi andre”

Mangaja salde te kina. Bokhale siem materialno, I mangin te ovel amen sa, te kinel pet e trupinel pe. Majnevo modeli, posig, majkuč.

O dženaze si majimportantno taro mulo. Mangaja zorea te mukha šukare ilustracia anglal o javer manuša, ka čhinava em o asve te valjani em ka garava amare emocie. Ka dikha savo hajbe te ikava e misafirenge savi sofra te oval panda pošuži.

Ko than te kere majdostoinstveno te seljaminekere pe e mulea I dženaza uli sar arena te sikave tut so šaj te ikave em te kere majglamurozno.

Bašo bijava mm ate kera lafi, Sa si majiportantno numa o duj terne te ovel olen, haljoviba, pakjiv em kompromis. Olenge ko than si o kuč frizire, make up, I torta I garderoba , o šea o meni hajbaske, dži ko o mašničke save te oven ko pokane! Soske sa odova si majimportano nekaske te ovel ole šukar em sukcesialo brako!

O bijav si majiportantno nego o mangipa. Mangipa šaj ma te ovel da – ama bijav – mora te ovel!

Em definitivno kana ka dikha amen maškar amende , sar dur bisterde amala, ka ačhava o telefonia, em ka ova manuša a na sar robotia.