Uštili upreder savoren em sikavgja ko si oj! Čače sine phare em lungo numa vredingja. Numa sar oj kergja te ovel la lačhi pozicia ko sasoitnipa em te peravel  o predrasude upral o Roma, vakerel i Aleksandra Aleksandrović (28) taro Novi Sad.

- Oja, sium sine diskriminirimi sebepi mli morthik em soske sium Romani. Isi diferentno forme tari diskriminacia.

Kana sium sine trinto kalsi ki fundavno škola, i nastavnička hulavgja amen e čhaven ko parne em kale. O parne čhave čhivgja te bešen ko anglune klupe. A e kale čhaven čhivgja amen te beša ko palune klupe, em odova jekhe čučo redoa te hulavel amen.

Kana ka vazdav sine vas ko časi te pšaj vakerav nepto, oj mande ignoririnel sine . Amen o pokale čhave sar te na dikhel amen sine i nastavnička. Vakerel i Aleksandra dejbaja godi ko olakoro čhavoripa.

-Aljum khere rovindo emvakergjum me dadeske so keren amenge ki škola. Ušti tajsa mod at gelo ki škola em kergja lafi e nastavničkaja, em pobuter  I situacia na sine asavki.

Palo desave divesa i nastavnička ko vakti kana dikhel sine amare tertratke mande dikhlja man em pučlja: „Aleksandra dali čače tu sian Romani?“ Me vakergjum: „Oja me sium Romani. Ko odova momenti sare trainen sine em dikhen sine man kosem si vakergjum nešto daravutne em bilačheste.

- Savore džanaja kana siem čhavore sa odova intenzivno bilačheste dikhaja le, em ko odova momenti trasirinen pe pherdo funde ko majodorigutno dživdipa.

- I diskriminacia em o rasizmo isi majodoriga ama so šaj me kerav si ma te mukhav odova te khuvel ki mi psiha em te peravel man-

- Paralelno sar ki fundavno škola džava sine ki muzičko škola „Isidor Bajić“ ko Novi Sad em sar šerutnmo instrumento sine mange i harmonika. Palo odova hramosargjum maškarutni muzičko škola šerutno instrumento kalviri, ama ikergjum em i harmonika em bašavav sine ko orkestri.

Palo odova hramosragjem em Akademia arteske, studisko prograsmo Etnomuzikologia šerutno instrumento tambura em klaviri. Palo diplomiriba hramosargjum Master studie ko teatro em dramsko departmenti ki Akademia ko Novi Sad. O jevendaskoro semstro sium sine ko Novi Sad, a e nilaeskoro ki Norveška ko bregen  prekal Erazmus programa e studentnege. Sukcesiale kergjum i tema „Interkulturalnost trujal edukaciakere aktia premal o muzičko em matematika“ em resljum diploma master dramsko pedagogo akcentrinela i Aleksandra.

Link: https://www.blic.rs/slobodno-vreme/trenutak-koji-je-aleksandri-promenio-zivot-uciteljica-me-proziva-na-casu-i-cujem-sebe/rr56y58

I barvali tradicia e Romengiri taro Leskovac , nekana sine prezentirime taro KUD „Šefket Ibraimović“

Akava kulturno umetnikano društvo naoficialno si formirime ko 50-to berša taro nakhlo veko, a funkcionirinel sine sar grupa taro dizutne sa dži ko 1973 berš kana si oficialno registririme.

Akava društvo gejnela sine prekal 100 džene em funkcionirinen sine ko buteder kulturakere sekcie. Sine len than leiba ko pherdo manifestacie buvleste em ki nekanutni Jugoslavia em ki Europa.

Bibahtake o KUD na funkcionirinela pobuter tari jekh decneia soske nane interes taro terne Roma te thavden e barvale tradicijaja, taro Roma ko Leskovac.

O KUD „Šefket Ibraimović“ oficialno funkcionirinel salde ko lil. Ko lafikeriba e nekanutne membroncar taro akava KUD ola nostalgiaja dena pe godi kana sine len sukcesiale kerde manifestacie .

Ola sikavgje pakjiv kaj akava KUD ka ovel palem aktivno ko Ofiso e Romane kulturake ko Leskovac.

Akava notirinena em o direktori akale ofisoske taro Kultura e Romengiri ko Leskovac o Srečko Živkovićem o PR taro dizjakoro šerutno taro Leskovac i Aleksandra Stojanović so dena sasto suporto.

Ko jekh si akcentirime kaj o Roma trubul te arakhen piri tradicia em kultura em ka šaj odova keren prekal o reaktiviriba taro KUD „Šefket Ibraimović“ taro Leskovac.

Link: