Persi dujtodi anglal paše 2.000 publika sine ikerdi e čehiakiri premiera e filmeske "Hariali čirikli" - "The Painted Bird", nevo filmi taro Vaclav Marhol , ki majbari hala ko Kongresno centro ki Praga . O filmi sine premierno sikavdo ko 12 Septembro ki Čehia.

O režiseri so phravgja i premiera e filmeske ki Praga , planirinela turnea ko bioskopia ki sasti them. Centralno filmsko rolja ko filmi si o romano čhavo o Petr Kotlar.
O filmi ko jekh udžarela em proekcia ko buteder internacionalno festivalia.

"Hariali čirikli" - "The Painted Bird" nane filmi ni maribaske ni bašo holokausti" citirinel pe ko oficialno materiali e mediumenge taro Marhol.

Majanglal sar šerutni rolja trubul sine te khelel la o phral taro Petr o Mihail Kotlar. Numa kana o režiseri reslja te khedel sa o finansie te šaj startujnel snimibaja e filmeske, o Mihail sine baro odole roljake.

O Petr sine le ofto berš kana poćmingja te sniminel pe o filmi thaj oleskiri familia po desavo drom sine len pharipe ko snimiba akale filmea. O Milan Kotlar, papo taro Petr em gazda e restoranteske "Romani kamra" ko Krumlov.

E čehiakere žurnalistikane agenciake vakergja kaj o Petr buteder droma phare uštel sine javinate te sniminel, soske sine snimiba dži rakjate ki jekvaš i rakj, a ko jekh momenti manglja te ikljol taro filmi em ma te khelel pobuter ko filmi i šerutni rolja.

Youtube:

Helios Gómez si špansko grafičari taro romane darhie, si biamo 1905. berš ki Sevilja. Educiringja pe ki artikani thaj praktikani škola sar aristi thaj dekoratori keramikake. Oleske avgo kotora sine editirime ko anarhističko magazini Páginas Libres,a kergja ilustracie em lilenge taro diferentno špansko autoria.

Ko 1925 berš ikergja piri avgo izložba ki Sevilja a jekh berš palo odova panda jekh ko Madrid em ki Barselona. Sebepi so pakjala sine ki urgentnoi politikani trampa taro anarhističko grupe ov kergja pire artsitikane angažmanea premal leskere politikakere percepcie.

Ko Gomezeskere grafike isi impresia taro ekspresionizmi , majbut politikano orientirime ekspresionistikani grafika. Ko jekh kerel sine em kubizmo forma taro postimpresionistikano geometrizacia. Ko oeslkoro kerdo artiklo anavkerdo sar Evacuation dikhel pe stilsko elementia tari špansko likovno tradicia, sar so si kerdo taro Francisca Goye em o kolorizmi so isi ko El Greca.

O Gómez sine le bari rolja ko Špansko civilno mariba so sine ko periodi 1936 - 1939 berš maškar diferentno levičaria so arakhen sine o demokratsko alusardo govermento taro desničaria , nacionalistia thaj fašsitia ko čekat taro Francisko Franko.

Ki levičarsko rig sine majbut okoja bičali bukjarni klasa , so sine radikalizirimi tari ekonomsko kriza, thaj ko nacionalistikani agrarno forma thaj o askeri. O Gomez ko vakti e maribaske sine anvakerdo sar politikano komesari em sine e eskpediciencar ko Bayo te tromalen i Ibizu em i Mallorca em te džan ko frontia ki Aragona, Madrid em Andaluzija.

Ov ko jekh sine aktivno em ki kultura dizajnirinel sine lila , kerel sine gazete, organizirinel sine izložbe. O Gómez pakjala sine kaj o Špansko civilno mariba si mariba mujal buvle problemia so isi em e Romen sakote.

Ko jekh sine em baro Romano aktivisti em ko jekh intervju akcentirinela kaj “… kale maribastar ka ikljoven palo odova but šukare bukja em o Roma da ka šaj te oven tromale
Palo o mariba ov mora sine te našel ko Parizi a kana alo peske tari Francia , ko 1945 berš, sine astardo em phanlo, em mulo ki Barselona ko 1956., duj berš sar iklilo taro phanlipa

Ko 1950 berš ko rodaripa taro kaplani ko odova phanlipa kote sine em o Gomez lelja ko duvaria taro o phanlipa te slikinel freske liparde baši Majka Maria, so si sar devlori e phanlenge. Faktea kaj ko detalia taro odola kerde freske isi but em romane detalia , akava arti si pendžarde em panda sar Capilla Gitana (Romani kapela).

Oleskoro čhavo agorutno drom fotografiringja akale freske ko 1985, a ko 1998 berš sine prefarbime. Odova akti sine phagiba o kanoni taro intelektualno perosnaliteto . Palem o rodaripa odola artia plem te nevikeren pe nikana palo odova na sine akceptirime.