Kultura

Lokalno Heroia an o Malme - Švedska an o film festivali TEHARA promovirime bare ovaciencar thaj aplausia

O nakhlo vikendi an o Malme, Švedska sine ikerdo avgo drom o filmsko festivali "Tehara" kote ko jekh trujal o aver filmia taro internacionalno karaketri piri premiera sine e dokumentarco "Lokalno Heroia -Lumiakere talentia" tari SP BTR.
Ov sine an i oficialno agenda an o festivali , kote trujal o avetr filmia an o 2 dekemvri sine i premiera akale festivaleske.
Pali i proekcia e dokumentarcoske piri prezentacia sine e producento Zoran Dimov anglal i publika thaj filmsko kritičaria an o festivalo aso oleskiri dinamika thaj kompletno emuzikakere ilustraciaja sine notirime bare punktencar.

Citește mai departe...

Teatarsko kontrola: I paramis ,,Rapunzel,, kerel lačho party e britansko čhavenge

Rapunzel si jekh taro majpopularno paramisia editirime taro Phralja Grim so si editirimi ko staro taro XIX veko . I Parmia skerel lafi jekeh barebalengere čhajake so sine phanli an i kula so sine kerdi angleder milja berša thaj avela taro diferentno kulture.

Palo lungo vakti akana si palem aktuelno akaja paramis ki majterni generacia soske sine kerdi sar animirimo filmo anavkerdo sar "Tangled" (2010), kote o korkoro filmsko kompania Dizni kergja akava filmi sar paramis.

Olengiri akana akalke beršekiri repertoaro e čhavenge, Repertory Philippines angja decizia te producirinel jekh sar muzikakoro scensko - teatarsko performanso e paramisiake Rapunzel e čhavenge motirivirime taro o lil , a i muzika thaj o teksti kergje la i Đenet Jejts thaj o Gogt em Mark Fridman.

Citește mai departe...

Premiera taro Teatar Roma an o Ofiso taro ARM prestavaja Ker man čohano

O teatro Roma taro piro formiriba thaj palem aktivacia bare progresiaja thavdela lungoberšengere tradicijaja na salde an o buvljariba i teatarsko gind numa saste an i kultura thaj arto,

An o odola pervazia o Teatar Roma premierno ka kerel i prestava " Ker man čohano" taro žanri .Komedia - drama, autorsko kotor inspiririme tari forma kote so si tretirime okola o "avera" so an o realiteto nane "avera" thaj nane asavki diferencia.

I prestava si notirime bašo 19 Decembro an o Ofiso taro ARM startea taro 20 o časo kote o khujbe si bilovengoro. O rolje khelena len Sanela Emin, Džengis Husein, Šaban Uzeir, Amet Jašar, a autori thaj režia si Admir Alimi.

Citește mai departe...

O dokumentarco taro SP BTR Lokalni heroi... an o Berlin ko festivali Ake Dikhea i publika dikhlja le prekal aplauzia thaj ovacie

Pali i akharin taro organizatoria e film festivaleske " Ake Dikhea " an o Berlin so sine taro 6 dži ko 10 Decembro akava berš piri premiera taro majnevo artiklo tari SP BTR "Lokalni Heori - Lumiakere Talentia"
O filmi sine sikavdo anglal o žiri thaj pherdo kino thaj reslja bare ovacie thaj aplauzia.

I reakcia tari i publika sikavela kaj akava dokumentarco so si scenarioja taro Zoran Dimov , si an i konkurencia phursakoske akale filmeske kote piro than lena 24 filmia.

O finalno ceremonia ikergja pe an o 10 Decembro rakjate kana notirinen pe o ande decizie taro žiri akale festivaleske.

Citește mai departe...
FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali