Edukacija

O Romano profesoror taro Universiteto an o Teksas, phursarkerdo honorarno tari britansko thagarutni i Elizabeta II

I Brotansko thagarutni i Elizabeta II e Ian Hankok dengja leske titula taro Učo nivelo taro Britaniakoro thagarutnipa oleskere aktiviteteske ki analiza thaj edukacia e romane kulturake, thaj olakere manušđen so buteder but feler notirinen len sar "Gypsy"

Ko thavdipa e lileske taro Ian Hankok taro 2010 berš "Risiko"! Educirimo Rom" oleskoro redaktori ole ilustriringja le sar "aver manuš" . Akana o profesori pali anglikani čhib thaj lingvistika an o Universiteto an o Teksas an o Ostin akcpetiringja akava phursako so majodorig hulavela le taro jekh normalno naučniko - eksperto numa si upral o proseko. An o decembro i thagarutni i Elizabeta II tari Britania akceptiringja ole sar Oficero Majšukar Ordenoa taro Britaniakoro thagarutnipa.

O Hankok vakerela kaj an i piri akademikani kariera startujngja te sikljol i kreolsko čhib , palo odova počmingja ko romane studie kana počmingja te džal an o Universiteto an o Teksas.

"I romani čhib si čačutno lafi thaj definicia e Romane naciake, a na sar ola so anavkeren amen - Gypsy" vakerel o Hankok.
O Hankok da si Rom thaj oleskere studentia na havgje le majlačhe ko gro plani so si ko jekh o anavjori "Gypsy".
"Nekobor mire studentoa ko miro edukciriba ko miro časo avile uravde so asocirinel sine an i romani tradicia thaj sine len monister, čejnja thaj lungo fustania" vakerel o Hankok. " Kana havgje kaj akava si but majseriozno educiriba a na formalno našavgjum baro numero studentoa"

Kotor tari odoja feler percepcia , vakerela ov ikljola taro buteder negativno stereotipoas mujal o Roma . Ola but drom dikhena sine len an o margine e sasoitnipaske thaj olenge sine panedžade sar manuša so dikhen ko fali, manuša so čorena čhaven thaj aver, vakerel o Hankok. Nesave oleskere kolegoa profesoria majanglal sine kontra akale studienge te sikljoven e romane nacia sar oficialno aver kultura.

"Te kergjam amen sar manuša so našti hava odova but seriozno tegani o problemo so dikhaja le ka našti te hava le seriozno" vakerel o Hankok.

Link: http://www.texasstandard.org/stories/ut-romani-scholar-honored-by-britains-queen-elizabeth-ii/

Sistemsko faisalia an o faisali e Romane problemonge

Salde 2.1 % taro romane čhave si konektirime ano angloškolakere edukaciakere programe an i republika Utarali Makedonia, numa akava numero ka bajrol.

O ministeriumi baši sociala kergja refreš an o sistemo soske sa o reforme so si realizirime legaren pe majbuter e čorole kategoria manušenge . "I republika Utarali Makedonia" si la salde 30% taro čhave akceptirime an o anglalškolsko edukacia, thaj odova sikavel em majtikno numero akceptirime čhave Roma taro 2.1%.

O pozitivno efektia so dži akana si dende ola si implementirime ko proektoa thaj i sistematizacia si kotor taro phravde politike tari i them si majbaro fakti kaj o sukcesia ko Romane čhave nane khanči majpalal avere čhavencar so sikljona a si na-Roma kana ka den pe lenge adekvatno šansa te educirinen pe.

Aso odova i nevi strategia e Romane Edukaciakere Fondeske, 2021-2030 berš si upral i funda taro trin strateško konceptia, jali lačhe resultatia tari edukacia thaj tranzicia ki berza biznisoske thaj phravde.

 

An i Srbia an o škole panda e čhaven sikavena an i temrinologia "Cigani"

Trujal so sarinenge saste si pendžarde thaj notirime sar an o ancionalno agjaar thaj an o internacionalno nivelo ksj i terminologia "Cigani" panda taro 1971 berš si definirimi akana oficialno sar "Roma" , numa oj ko buteder thana thaj forme na implementirinela pe.

Fakti odoleske si kote an i Srbia ki fundavutni škola "Josif Pančić" an o Beograd kote i profesorka e čhavenge taro dujto klasi dengja len te sikljoven i paramis anavkerdi sar " Ciganin i dinja" - "O Rom thaj o kauni". Gindinel pe kaj i profesorka manglja e čhavencar te sikljon desavi forma vakerin - konkluzia so ikljon taro asavke paramisia. Numa an o odova klasi sikljola sine thaj jekh Romano čhavo thaj akana šaj te pučen tumen sar odova čhavo hošinela pe sine ko odova momenti?

Ko vakti kana avela o dive 8 April - Internacionalno Romano dive ko than te den e čhaven te sikljon majbut e Romane historiake, kulturake, tradiciake baši eliminacia taro o pežorativi - terminologia "Cigan" thaj te sikljon majbut bašo Jul Briner, Čarli Čaplin, Roni Vud, Ava Gardener jali Hoakin Kortes thaj avera.

Dži kana ka džal akaja sa majbari stigmatizacia thaj antiromani hoš? Tipično egzamplo akaleske si i Srbia da. Dži kana?

Havljardo o konkursi bašo hramoviba sikle ko maškarutne škole

O Konkursi bašo hramoviba sikle ko maškarutne škole an o sikljojbaskoro 2019/2020 berš, thaj isi barabutne than bašo 35.690 thana ko škole kote 24.581 an i makedonikani edukaciakiri čhib, 10.123 an i albanikani edukaciakiri čhib, 952 an i turkijakiri edukaciakiri čhib thaj 34 an i srpsko edukaciakiri čhib.

O numero taro sikle so si hramosarde an o enjato klasi an o sikljojbaskoro 2018/2019 berš si 20.030 sikle.

Baši strukakiri edukacia so si štar berša isi than bašo 18.365 sikle, strukakiri edukacia bašo trin berš edukacia isi than bašo 5.490 sikle, a strukakiri edukacia bašo duj berš edukacia isi 408 tromale thana. Gimnaizisko edukacia isi than bašo 10.713 sikle.

O avgo roko hramosariba e siklenge si 17 thaj 18 juni 2019 berš. Dujto roko hramosariba e siklenge si 24 thaj 25 juni 2019. O trinto roko hramosariba sikle ka ovel an o 1 juli 2019 berš.
O konkursi si havljardo an o http://www.mon.gov.mk/index.php/konkursi

 

FaLang translation system by Faboba

Mangava te vakerav

Momentalno Online

       Isi 95 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali