Edukacija

Marši tari tolerancia taro diferencie ki edukacia. O škole si Amari refleksia - baši edukacia bizi diskriminacia !

Aso lipar Internacionalno dive tari tolerancia, o Helsinško komiteto manušikane niamenge organizirinena o 11-to Marši tari tolerancia so ka ikerel pe ko 16 Novembro 2019 berš (savato) startea taro 12 o časo.

O Marši ka počminel anglal o Muzei tari diz Skopje prekal o drom Makedonia dži ko agorutno punkto angal o Univerziteto JIE ki Purani Skopsko Čaršia.
 
I edukacia thaj o terne ka oven o fokusi taro akale beršeskoro nišankeriba taro akava Internacionalno dive tari tolerancia.

O karane si seriozno em sakodive dikhle - majbut egzekutirime em viktimia staro akala aktia si o tikneberšeskere čhave , a o progreso taro maškaretikano terori dopherdo si o istemalkeriba taro socialno netvorko. 
 
Ko agor taro Marši notirinel pe kaj ka oven kerde nekobor diskusie e representeoncar taro organizacie so ka den piro suporto , sako ko plo džanlipa aktivitetoske. Akava akti si suportime taro MOF, HERA, i Koalicia Margini, o Nacionalno Romano centro, Reaktor thaj nacionalno Konsilo rodovo jekhipa (SOŽM) , tergjol ki vaktavin taro Helsinško Komiteto bašo manušikane niamia.

Lil e kurskoro : Romane rute

Kulturakiri politika thaj I balkansko muzika ki diaspora (University of Oxford Press, 2014) taro Kerlo Silverman, profesori prekal I antropologia ko Universiteto ko Oregon.

Koa kava lil I Silverman zapendađžrel e drabarutnen e manušencar thaj o kulturw so producirinena akaja muzika, deibaja I hoš em analiza odolea sar o romane muzičaria ikljoven ko agor e diskriminaciaja.

Fokusea ki Utarpurabali Europa a palo odova migracijaja tari diaspora olakoro lil dikhel I muzika ko romane jekhina o dživdipe I kariera taro akala perfektno muzičaria em o marketing tari muzika ko elektronsko mediumia em o koncertno rota tari “elitno muzika”.

Sar protagonist thaj prezenteri taro lumiakoro muziokakoro profile o Silverman kergja aktivno buti ki romani jekhin pobuter taro duj decenieem kip li them em ki diaspora.

Link: https://global.oup.com/academic/product/romani-routes-9780199358847?cc=us&lang=en&fbclid=IwAR0FPNaFJ-TUljC-BV6cOGXnxyPHziuG8bI2KEHk_dp_ySKy_dUmCLrQexs#

O RDICM si verifikujme sar edukaciakiri institucia ki programa „ Pedagoško asistento“ em tari rig e Ministeriumi edukaciake

Sar kativiteto ki implementacia e proektoske „Pedagoško asistento e siklenge ki fundavno edukacia“ so sar plano dengja le i Asociacia Romano Bisnis Informativno Centro , oficialno tari rig e Ministeriumoske bapi edukacua em o ministeri Arber Ademi dendo si failai – dekreto i verifikacia kaj o RBICM si edukaciakiri institucia e programake „Pedagoško asistento“

Akava an i praktika si kaj o sasto proekto „praktika e avutne „Pedagoško asistentoa“ so ka implementirinel o RDICM oficialno šaj te startujnel a ko agor o Sertifikatoa - Diplome so ka oven dende e avutne personenge so ka nakhaven i praktika ka resen oficialno notacia sar „Pedagoško asistento“ so šaj te konkuririnen em ki bersa bukjake prekal i Agencia baši buti.

Phravdo Konkurs bašo deijba stipendie e siklenge Roma ko maškarutne škole ko sikljojbaskoro 2019/2020 berš

O minsiteriumi baši edukacia ko sikljojbaskoro 2019/2020 berš ka del 880 (ofto šel thaj oftovardeš) stipendie ko pandž kategorie bašo sikle Roma ko maškarutne škole ki Utarali Republika Makedonia so si ko jekhto, dujto, trinto em štarto berš.

O sikle šaj aplicirinen ko akava Konkurso valjani te den dži ko Ministeriumo baši edukacia ko drom “Sveti Kiril I Metodij br 54 – Skopje majpalune dataja 28.11.2019 berš.

Sa o kriteriumoa thaj šartia bašo deiba stipendie šaj te dikhen olen ko akava linko :

Link: http://mon.gov.mk/index.php/konkursi/2921-2019-2045?fbclid=IwAR3NOWPhGFBjuKI9NIixGAU11XpmJklgQ_XUWgOwrPNuv7KdqNyfL-lF1BU

FaLang translation system by Faboba

Mangava te vakerav

Momentalno Online

       Isi 85 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali