Edukacija

Akademsko titula si panda tabu tema maškar o Romane džuvlja

O čhija thaj o džuvlja tari romani etnikani jekhin tari them resle lačhe šartia te educirinen pe thaj te len than an i berza bukjake Numa o resultatia akanaske sikaven kontra odolestar. Barilo o numero Romane čhija an i edukacia an o fakultetoa numa panda si " tabu tema" an i romani jekhin. I situacia nane odokhare "kali" sae so sine angleder i decenia.an i paralela an i edukacia e Romane čhajenge so sine sinonimo baši naedukacia thaj analfabetia. Soske si tikno o numero diplomirime Romane džuvlja ko palune nekobor berša kana i them dela 100 studentsko stipendie ko jekh akademsko berš mangipaja prekal i edukacia o Roma saste te keren integracia an i them.

Aso o informacie an o Themakoro ofiso baši statistika ko agur e sikljojbaskere 2016/2017 an o fundavutne škole an i sasti them sine 9.328 sikle Roma kote ekvaš jali barabutne sine 4.548 čhija. Peravdo fakto si kana kerel pe lafi ko džajbe majodorig an i edukacia i Roma arakhen pe autostigma kaj na trubul lenge khanči majbut tari "fundavutni edukacia".
I maškarutni edukacia odova sikljojbaskoro berš gele majodorig salde 1.409 romane sikle kotar 622 romane čhija. I Diploma bašo agorkerdi maškarutno edukacia odova sikljojbaskoro berš lele 305 Roma, kotar so 125 si romane čhija.
Evidentno si kaj o Roma majbut si an i fundavutno škola , a te džan majbut an i maškarutni škola ki agoroutni decenia motivacijaja taro stipendie so si baro finansisko motivo. A kana si lafi bašo fakultetsko edukacia , odova si "luksuzi" maškar o Roma. Odova info si učharde kaj an o 2017 berš diplomiringje salde 11 terne Romane čhija thaj 19 terne Romane čhave.

Aso beršeskoro raporto bašo bukjakoro anghažmano an i administracia so havlajrdo si an o Ministeriumo informatikano sasoitnipa thaj administracia , an o 2017 berš an i buti khuvgja 1.245, jali 1,14 procentoa si Roma.

Bašo tromalo thaj harmonično progreso an i them trubul te respektirina o etnikano identiteto thaj intereso sa e dizutnenge , thaj ko jekh o Roma. Sako educirime thaj akademsko manuš preperutno e romane jekhinake si bašo lačharipa e themakete šaj istemalkerel prie kapacitetoa an i edukacia thaj džanlipa taro individue akcentea mujal o produktivno kolektivo.

Pobuter taro 50 procentoa taro terne an i Makedonia si analfabetia

Taro UNICEF notirinena kaj trubul edukacia sakone čhaveske thaj te del pe šansa te buvljarel piro maksimalno potenciali ko sa o faze dživdipaske.

Ko jekh bašo odova so isi but analfabetia maškar o terne an i Makedonia vazdeingja pe debata aso o ekonomsko raporto tari Lumiakiri banka an o West Balkani taro 2017 berš kana iklile informacie kaj an i Makedonia paše 70% tari terni populacia si funkcionalno analfabetia. Taro 70 rangirime thema an i lumia i Makedonia si an o 68 than, anglal o Kosovo thaj Dominikansko Republika.

O draft raporto ikerel deklaracie vash reforma an o nacionalno notiriba o sukcesi -ocenke , revidiriba e themakere maturake thaj em o funkcionalno sistemo ko profesionalno educirba e profesorenge.

Akaja analiza ka relektirinel pe thaj kontrolirinel pe sar so si o ministeriumi baši edukacia, o govermento salde te ovel majlačhi edukacia. Kotor taro propzalia si inkorporirime an i draft startegia e neve kanoneskiri versia bapi fundavutni edukacia" vakergja o Arbr Ademin, ministeri baši edukacia.

O terne so džana ko maškarutne škole mukhena i škola soske nane len motivacia edukaciake

Paše 5 % taro terne ko beršipa taro 18 dži ko 24 berša asn i BiH isi len agorkerdo majbut duj klasia maškarutni škola dži kote odova an o thema tari EU o procento si 10,6%.

Resarin e strategiake tari EU si kaj o proseko dži ko 2020 berša te ovel 10% si notirime si an o raporto tari socialno inkluzia an i BiH bašo 2017 berš.

O informacie taro akava raporto sikaven kaj i situacia an o regionoi an o Montenegro si sar an i Bih, a an i Srbia thaj Makedonia si len majbaro procento an o mnukhibe i edukacia numa okova so si an i BiH. An i Srbia o procento si paše 7% a an i Makedonia si 10%.

Aso o raporto tari i Direkcia o čhave majbut mukhena i edukacia soske nane len baro intireso thaj motivacia bizo baro suporto taro jeria thaj hoši taro siguriteto andre an i familia.

Majteleperavdi kategoria taro čhave kana si lafi baši edukacia so čhave posebno kategoria, socialno teleperavdi kategoria thaj Romane čhave.

„Miri edukacia avdive, bašo majlačho tajsa" proekti bašo majaktivno konekcia an i edukacia e čhavenge taro familie so si an o naformalno bukjarno sektoro

Sar aktiviteto lp hazrkeribaskoro periodo angleder 2-3 masek startujngja thaj terensko aktivitetias taro pedagogo thaj mentoro an o reoni tari Topaana butikeriba e čhavencart taro anglosikljojbaskoro beršipa.

Odova havel pe sar visita taro pedagogo thaj mentori direktno ko olengere khera thaj edukacia e angloedukaciakere materialeske baši malačhi em lokheste konekcia e čhaven an o eduakciakoro procesi thaj vazdiba i gind ko jeria kobor si importantno i edukacia olengere čhavenge.

Aso o implementatoria ko akava kotor e proekteske o ZDRICM barabutne e RRC thaj KMOP an o akava momenti si konektirime biš taro 10 familie si si tari grupa naformalno bukjakoro sektoro, okola so kheden plastikakere šišia.

Citește mai departe...
FaLang translation system by Faboba

Mangava te vakerav

TV BTR NACIONAL

Momentalno Online

       Isi 438 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali