Edukacija

Alisa Šajn - Diplomiribaja phaglja o stereotipia

Kaj o dživdipa na athinel salde taro trujalipa, numa trubul thaj zorali mangin taro korkoro manuš te iranel piri jazia, čačutno egzamplo si i Alisa Šajn (24) taro Vršac. Oj si jekh taro duj Romane džuvlja so si universitetsko diplomaja tari akaja diz. trujal o pharo čhavoripa reslja te ikljol taro magično rota so arakhen pe majbaro kotor tari romani jekhin dživdinela thaj uli sukcesiali romni.

Oj o kurtalipa arakhlja an i edukacia. Oj barili ki aver familia , soske taro ple 8 berša našavgja pire duj jerien, a palo odova em pe phrale. Čačipaske sako drom na sine lake dendo sasto suporto, numa olakoro setioziteti an o agor iklilo sukcesialo.

- Mli paše familia kote bajrovava sine, ola gindinen sine kaj agorkerde fundavutne školaja si lačhe mange sar romani čhaj. Numa me na mangljum odova thaj rodingjum te den man aver familiate so ka bajrakerel man . Tari odoja familia resljum baro suporto thaj majanglal agorkergjum maškarutni hemisko -medicinsko škola majuče sukcesea, a palo odova Uči škola sar edukatori pi romani thaj srspko čhib.

Ko maškar vakti khuvgjum an i butti an i komuna sar koordinatori e romane pučibaske. Odoleske olakiri misia thaj vizia em egzamplo kerel sar d rumo avutne generacienge Roma. Oj si ko jekh em an o fakulteti bašo biznis studie numa sebepi i buti thaj daj čhavengiri akana o studie pausirinena, numa taro septembro planirinel te reaktivirinel o stusie thaj te džal an o specializacia.

Oj ko jekh reslja thaj o phursako " Romni simbolo taro aktiviteto" so dengje la duj lokalno žurnalistke. Kamet te hramosarel gilja thaj si la editirime an o lil " Literarno droma".

Ilijaz Bajram - Jekhto Rom ki lumia so ikavgja lil tari Astrofizika thaj Kosmologia anavkerdi sar "Universumi"

O Bajram Ilijaz si bijame ko Skopje 1961 berš . Studirinel sine Historia thaj geografia . Ko 1987 berš ikavgja piro avgo lil anavkerdo sar " O Devel ki forma sar manuš"
Akava berš ikavgja plo dujto lil anavkerdo sar "Univerzumi" targetea taro Astrofizika thaj Kosmologia
Ov anglutne lelja but than ko aver hramosarde poezie . Ko jekh si membro an i „Rodaripskoro korespodento baši erheologia m astronautika thaj SETI- Europa" "Forschunggeselschat für Archäologie, Astronautik und SETI-Europa, thaj membro an i Arheologia , astrinautika thaj SETI USA - Archäologie, Astronautik and SETI Research Association - USA. Dživdinel thaj kerel buti ki Germania

E lile si le 15 šerutne aktia thaj o aoutori ilustirinela i sasti thaj specialno teoria taro relativiteti taro Albert Ajnštajn m thaj o Quantno mehanika so angje te ikljol nevi teoria so si pendžardi sarSuper String teoria.

Ko lil si akceptirime o Buvljaripa thaj aktiviteto taro Universumi - than thaj vakti - rošale sigjaripa, vakteskiri diletacia- fundamentalno takati-kotora thaj antikotora- diferentno dimenzie- Teoria taro relativiteti- quarkia -entropia- kalabia- kosmikani refleksia radiološko . topologia taro Universumi -Multiversumi- Kale rupe - ekstra dimenzie thaj aver teme.

Akava si fakti kaj isi Roma so keren asavko aktiviteto thaj o korkoro autori o Bajrami bičhavel mesažo dži i terni generacia te motivirinel la te kerel buti ko akala umalja.

Idriz Durmiš: Nikana ma te čhinaven tumari mangin, džan palo tumaro suno, thaj kobor si o drom majpharo thaj pherdo barikade, o sukcesi si panda majbaro

O Idriz Durmiš si studento taro Skopje, Rom so studirinela Molekularna Biologia ko Naturakoro matematičko fakulteti, si le prosek 9,8 thaj oleskoro suno si te del suporto e manušipnaske ko mariba mujal o kanceri , jekh taro majbrivdikane meripaskere nasvalipa an i moderno lumia.

Ko piro intervju bašo Roma Times ov hulavel pire percepcie.

Roma Times: Kana bijandili tuke i mangin premal i molekularno biologia?

Idriz Durmiš: I natura thaj o dživde organizmia interesirinen man sine panda taro mlo tiknipa. Interesirinel man sine sar thaj kotar avena o dživde organizmia , sostar si kerde thaj aver. E biologia zamangljum la panda ko V klaso, a ki maškarutni škola interesiringja man i molekularno biologia. I molekularno biologia si relativno nevi biološko sikljojbaskiri forma so sikavel o biološko procesoa ko molekularno nivelo. Majbut ačhovela ki natura tari DNA molekula jali sar thaj ki savi forma akaja molekula legarel thaj kerel interpretacia e informacienge.
O neve drumia tari genetika sar so si o genetsko inženeringo sar egzamplo kerel te trampinen i "orginalno" DNA sekvenca resarinaja te chiden nesave maane (nasvalipa, desave karaskteristike taro agrarno kulture, artikliriba medikamentia thaj aver)

RТ.:Sar sian akceptirime thaj sar ko tire kapacitetia dikhena o na- Roma?

ID: Čačikane ko starti but sine man dar sar ka ovev akceptirime ko fakulteti sar taro profesoria , agjaar thaj taro studentia. Ama ake palo 4-5 berša šaj tromale te vakerav kaj o PFM si fakulteti kote si moldimi i buti, o džanlipa thaj e ukakoro interesiriba, a o nacionaliteto, religisko thaj aver preperutnipa nane importantno.

RT:Kobor si tut tromalo vakti thaj sar nakhaveja le?

ID; Kana sine man edukacia (akana i edukacia thaj i praktika agorkergjum la ko juni), na sine man but tromalo vakti soske o sasto dive sium sine ko fakulteti. Si amen thaj teoretsko edukacia thaj laboratorisko praktike. Ama resav sine kana sine vikendia te ikljovav mire amalencar , te socijalizirinav man thaj te nakhav mange šukar sar sako terno manuš. . Avere rigatar but mangava filmia thaj lila thaj but droma palo sasto dive sikljoviba te kerav pauza šukare filmea a o lila mukhava len sine ko vakti taro maškar sesie.
Si man panda 3 ispitia , palo odova ka diplomirinav thaj ka ovel man pobuter vakti te drabarav lila taro diferentno žanria.

RT: Si li tut idolia, thaj taro kola aspektia?
ИД: Si man pobuter idoli. Tari fizika thaj astronomia majbut mangav e Stiven Hoking, Nil de Gras, o Tajson thaj o Mičio Kaku. O Hoking si pendžardo prekal oleskiri teoria bašo Hoking radijacia so ikljol taro kale rupe. O Nil Tajson si baro naučniko so ki but perfektno forma promoviringja i uka thaj angja la paše dži ki publika , a o kaku si jekh taro fundamentalno persone tari string teoria (teoria taro strune). Taro biolozia trubul te liparav e Čarls Darvin so ko vakti kana nadžanel pe sine bašo DNA thaj baši genetika, o Darvin elaboriringja i perfektno teoria tari evolucia, thaj o Ričard Dokins, pendžardo evolucionisti so kerel sine aktiviteto majbut ki racionalno gind.

RT:Savo mesažo ka bičhave tire thaj avutne generacienge?
 
ID: Sa me generaciake thaj o avutne generacie ka dav len mesažo te studirinen okova so ola kamena, okova so olen interesirinela thaj okova so kerel len kompletno. Ka vakerav olenge ko jekh, nikana ma te čhinaven em te dikhen piro suno, thaj te džanen kaj o drom kobor si majpharo thaj pherdo barikade , o sukcesi si panda majbaro.

Martin Kaleja - Tari romani mahala an i Slovakia dži ko čehiakoro akademsko lumia

O Dr Spec. Martin Kaleja pohari reslja dži ko piro profesionalno džanlipa sar edukatori thaj rodarutni ko Universiteto Masarik ko Brno (Čehia), o Universiteti ki ostrava (Čehia), o Universiteto Komenius ki Bratislava (Slovakia) thaj o Šelsko universiteto ki Opava (Čehia). kote ko momenti si telodekani an o Fakulteti javno politikenge thaj profesoria an o centro e empirsko rodaripa.

Ov ko jekh si membro ko Ofiso ko Govermenti e Čehiake bašo romane pučiba , represento ki Komisia baši edukacia.

O Kalea o čhavoripa thaj o tinejdžersko berša nakhavel le ki romani mahala ko pašipa ko Prešov ko purab tari Slovakia thaj sine le mangin te ovel edukatori.

Ko vakti tari oleskiri edukacia thaj kariera o kalea sine akceptirime diskriminacijaja panda ki fundavutni škola.

O Kalea pakjala kaj majbaro numero Roma agorkeren uči edukacia ko akava kotor tari lumia thaj nane dramatično progreso taro dive ko dive, numa intenzivno proceso.

Dikhibaja o dživdipa avdive thaj i perspektiva si: „Em palo sa thaj avdive kana nesavo skinhedsi khuvel ko tramvaj em rodel desave persona , ov ka arakhel . Asavke personake phare si te vakerel pe kaj sium me profesori so educirinel ki desavi škola."

FaLang translation system by Faboba

Mangava te vakerav

TV BTR NACIONAL

Momentalno Online

       Isi 222 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali