Edukacija

Sistemsko faisalia an o faisali e Romane problemonge

Salde 2.1 % taro romane čhave si konektirime ano angloškolakere edukaciakere programe an i republika Utarali Makedonia, numa akava numero ka bajrol.

O ministeriumi baši sociala kergja refreš an o sistemo soske sa o reforme so si realizirime legaren pe majbuter e čorole kategoria manušenge . "I republika Utarali Makedonia" si la salde 30% taro čhave akceptirime an o anglalškolsko edukacia, thaj odova sikavel em majtikno numero akceptirime čhave Roma taro 2.1%.

O pozitivno efektia so dži akana si dende ola si implementirime ko proektoa thaj i sistematizacia si kotor taro phravde politike tari i them si majbaro fakti kaj o sukcesia ko Romane čhave nane khanči majpalal avere čhavencar so sikljona a si na-Roma kana ka den pe lenge adekvatno šansa te educirinen pe.

Aso odova i nevi strategia e Romane Edukaciakere Fondeske, 2021-2030 berš si upral i funda taro trin strateško konceptia, jali lačhe resultatia tari edukacia thaj tranzicia ki berza biznisoske thaj phravde.

 

An i Srbia an o škole panda e čhaven sikavena an i temrinologia "Cigani"

Trujal so sarinenge saste si pendžarde thaj notirime sar an o ancionalno agjaar thaj an o internacionalno nivelo ksj i terminologia "Cigani" panda taro 1971 berš si definirimi akana oficialno sar "Roma" , numa oj ko buteder thana thaj forme na implementirinela pe.

Fakti odoleske si kote an i Srbia ki fundavutni škola "Josif Pančić" an o Beograd kote i profesorka e čhavenge taro dujto klasi dengja len te sikljoven i paramis anavkerdi sar " Ciganin i dinja" - "O Rom thaj o kauni". Gindinel pe kaj i profesorka manglja e čhavencar te sikljon desavi forma vakerin - konkluzia so ikljon taro asavke paramisia. Numa an o odova klasi sikljola sine thaj jekh Romano čhavo thaj akana šaj te pučen tumen sar odova čhavo hošinela pe sine ko odova momenti?

Ko vakti kana avela o dive 8 April - Internacionalno Romano dive ko than te den e čhaven te sikljon majbut e Romane historiake, kulturake, tradiciake baši eliminacia taro o pežorativi - terminologia "Cigan" thaj te sikljon majbut bašo Jul Briner, Čarli Čaplin, Roni Vud, Ava Gardener jali Hoakin Kortes thaj avera.

Dži kana ka džal akaja sa majbari stigmatizacia thaj antiromani hoš? Tipično egzamplo akaleske si i Srbia da. Dži kana?

Havljardo o konkursi bašo hramoviba sikle ko maškarutne škole

O Konkursi bašo hramoviba sikle ko maškarutne škole an o sikljojbaskoro 2019/2020 berš, thaj isi barabutne than bašo 35.690 thana ko škole kote 24.581 an i makedonikani edukaciakiri čhib, 10.123 an i albanikani edukaciakiri čhib, 952 an i turkijakiri edukaciakiri čhib thaj 34 an i srpsko edukaciakiri čhib.

O numero taro sikle so si hramosarde an o enjato klasi an o sikljojbaskoro 2018/2019 berš si 20.030 sikle.

Baši strukakiri edukacia so si štar berša isi than bašo 18.365 sikle, strukakiri edukacia bašo trin berš edukacia isi than bašo 5.490 sikle, a strukakiri edukacia bašo duj berš edukacia isi 408 tromale thana. Gimnaizisko edukacia isi than bašo 10.713 sikle.

O avgo roko hramosariba e siklenge si 17 thaj 18 juni 2019 berš. Dujto roko hramosariba e siklenge si 24 thaj 25 juni 2019. O trinto roko hramosariba sikle ka ovel an o 1 juli 2019 berš.
O konkursi si havljardo an o http://www.mon.gov.mk/index.php/konkursi

 

O škole an i Makedonia but siga čučovena: Sako masek džala po desavo čahvo an i Germania, Švajcaria, Italia

Isi but makedonikane škole kote so o čhave ikljovena odothare thaj džana avrial barabar pire jeriencar

Kotor taro sikle so gele peske , a neko akana ka džan peske thaj ka čhinaven piri edukacia an i Makedonia.
Asavko problemi isi thaj ko okola thana kote isi thaj romani populacia. Asavke aktia isi thaj an o Šuto Orizari. Gazi Baba, Gjorče Pterov.
Ko jekh asvake egzamplia isi thaj an i Bitola, Štip, Prilep, Tetovo, Gostivar. Kumanovo thaj an o aver dizja thaj komune an i sasti Makedonia.
Ilustrativno sar egzamplo ko jekh taro škole an i Bitola kote isi Romane čhave an i sikljojbaskoro 2014 /15 edukacia vizitkeren sine 59 Romane čhave,a palo duj berša olengoro numero si 31 Romano čhavo.
An i aver škola an o 2012 berš sine 71, dži kote an o sikljojbaskoro 2016/17 odova numero si 43.
Asavke situacie tikjnaribaja o numero si an o aver da komune thaj evidentno si kaj sa majhari thaj majhari , sebepi so olengere paše familie džana avrial tari them tasro ekonomikano faktori thaj eventualno bašo "majlačhe tajsa".

FaLang translation system by Faboba

Mangava te vakerav

Momentalno Online

       Isi 273 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali