I advokatka Zuzana Čaputova si saste lideri an i avgo rota taro votiba bašo Presidento an i Slovakia akava vikendi. Oj reslja saste 41% taro vote, majbut savorendar anglal o Maroš Šefčović, vicepresidenti an i Europakiri Komisia , so reslja 18,7 procentia taro vote thaj ka ovel o kelhutno kontra kandidati an i dujto rota e Čaputovake.

O procento taro manuša so iklile an i avgo rota taro alusariba sine 46,04%. I Čaputova naiskergja e dizutnenge so dengje piri vota olake ko lisoa thaj kergja em romane lafi e Romenge so dingje piri vota olake.

O aktuelno slovakiakoro presidento Andrej Kiska bahtakergja e favoriteske baši olakiri viktoria ki avgo rota. O Štefan Harabin učo krisari sine an o trinto than resle 14,35% taro hangibaskere lila, a štarto sine o šefi e fašistikane partiake Marian Kotleba, anavkerdo sar Kotleba -Lidovska tari Kotleba - Nacionalno partia "Amari Slovakia"

I dujto rota taro votiba ka ikerel pe an o 30 mart. I Čaputova si vicepresidento e Progresivno Slovakia , partia so nane an o Parlamento , thaj profiliringja pe an i olakiri kampanja sar kontra e majzorale legarutne partiake - Druno - socijaldemokratoa taro ex premiero Robert Fico so dela suporto e kandidateske Šefčović.

Link: http://www.romea.cz/en/news/world/slovak-presidential-elections-frontrunner-speaks-romanes-when-thanking-first-round-voters

O sajto taro Ministeriumi bašo tamikeriba , transport thaj infrastruktura ka ovel an i translacia thaj an i romani čhib , si jekhutno akti an i Srbia thaj o regiono soske avgo drom jekh sakto tari themakiri institucia an o Balkani ka ovel translatirimi an i akaja čhib , notirime si an i notacia taro akava Ministeriumi.

Sar so si akcentirime , i inicijativa dengja la o vicepresidento an o Govermento thaj Ministeri i Zorana Mihajlović so si an o čekat e Koordinativno ofisoa vash realizacia e Strategiake an i socialno inkluzia e Romenge thaj Romnjenge an i Srbia.

"I Mihajlović kamel thaj an i asavki forma te del aktivno dopheriba vash majlokehskiri akcepcia dži ko majlačho informiriba , thaj aktivitetoa e Ministeriumeske thaj e saste Govermentoske resarinaja efikanso inkluzia e romane jekhinake an o sasoitnipa thaj sebepi so akava akti oj akharela sa o aver ministeriumia ako na sa, salde jekh kotor taro pire notirime vaktavbvina, informacie thaj aver so si relevantno e romane jekhinake an i inkluzia an o sasoitnipa te oven translatirime an i odoja čhib „ vakerel pe an i akaja informacia.

Dophereleape kaj o Govermenti e Srbiakoro kerel but an i integracia e romane jekhinake an o sasoitnipa thaj sa o konsekvence so i them implementirinela len thaj si bašo majlačhe šartia taro buti, edukacia, sastipe thaj kherutnipa e preperutnenge tari romani jekhin ka oven an i translacia pi romani čhib.

"Trujal o Sajto taro Ministeriumi bašo tamikeriba, transporti thaj infrastruktura akana kerel pe thaj butederčhibjengiri Web platforma an o Koordinativno ofiso an i opservacia e realizaciake tari Strategia baši socialno inkluzia e Romenge thaj Romnjenge an i Srbia thaj agjaar an i jekh than ka ovel baza taro majrelevantno informacie, strateško dokumentia thaj publikacie so si konektirime e opservacijaja tari realizacia e Strategiake thaj Akcisko Plani " dopherel pe an i akaja informacia.

Link: https://www.blic.rs/vesti/drustvo/prvi-put-sajt-jednog-srpskog-ministarstva-bice-i-na-romskom-jeziku/jntdknp?fbclid=IwAR0xGB0AUPBqrMk-rhN8t8gRKVrg4BqYLwp9QKu4ujMvuc6XlxYd3pK_AHU